ပြင်သစ်တွင် Facebook က အကောင့်တု ၃ သောင်းကို ဖယ်ရှား

ဧပြီ ၁၆၊ ၂၀၁၇
M-Media

– ပြင်သစ်နိုင်ငံ၌ အရေးပါသည့် သမ္မတရွေးကောက်ပွဲရှိနေသည့်အချိန်တွင် မိမိတို့မှာ အကောင့်တုပေါင်း သုံးသောင်းကို ဖယ်ရှားလိုက်ပြီး အဆိုပါအကောင့်များမှာ သတင်းမှားများ၊ ကြော်ငြာများ၊ အချက်အလက်အမှားများနှင့် အခြားသော လှည့်စားသည့် အရာများကို ဖြန့်ဝေသည့် အကောင့်များဖြစ်သည်ဟု Facebook က ပြောကြားလိုက်သည်။

“ကျွန်တော်တို့ရဲ့ အဓိကဦးစားပေးအလုပ်က လက်တံရှည်ပြီး၊ လှုပ်ရှားမှုများတဲ့၊ လူတော်တော်များများဆီ ရောက်ရှိတဲ့ အကောင့်တွေကို ဖယ်ရှားဖို့ပါ” ဟု Facebook ၏ လုံခြုံရေးဆိုင်ရာ မန်နေဂျာ ရှဘ်နမ်း ရှိုခ်က ပြောကြားခဲ့သည်။

ထို့ပြင် ထိုသို့ဆောင်ရွက်ခြင်းကြောင့် Facebook ရှိ အကောင့်တုများအားလုံး ပျောက်ကွယ်သွားမည်မဟုတ် ဆိုသည်ကို သိရှိကြောင်း၊ သို့သော်လည်း အကောင်းဆုံးကို ဆောင်ရွက်နေကြောင်း ၎င်းက ထည့်သွင်းပြောဆိုခဲ့သည်။

ပြင်သစ်နိုင်ငံတွင် သမ္မတရွေးကောက်ပွဲ ပထမအကျော့ကို ဧပြီလ ၂၃ ရက်နေ့တွင် ပြုလုပ်မည်ဖြစ်ပြီး ဆိုရှယ်မီဒီယာတွင် အကောင့်တုများက သတင်းမှားများ ဖြန့်ဝေမှုနှင့်ပတ်သက်၍ စိုးရိမ်မှုများလည်း မြင့်တက်နေသည်။

ပြီးခဲ့သည့် နိုဝင်ဘာ အမေရိကန်သမ္မ ရွေးကောက်ပွဲတွင် ဒေါ်နယ်ထရမ့် အနိုင်ရခဲ့ပြီးနောက် ရွေးကောက်ပွဲနိုင်ငံရေးတွင် သတင်းမှားများ ဖြန့်ဝေခြင်းနှင့်ပတ်သက်၍ ကျယ်ကျယ်ပြန့်ပြန့် ဝေဖန်လာခဲ့ပြီး Facebook ကလည်း ယခုကဲ့သို့ အကောင့်တုများကို ဖယ်ရှားရန် ပြင်ဆင်လာခဲ့ခြင်းဖြစ်သည်။

Ref: CNN