တာလီဘန်ခေါင်းဆောင်တစ်ဦး လက်နက်ချခဲ့သည်ဟု ပါကစ္စတန် ကြေငြာ

ဧပြီ ၁၈၊ ၂၀၁၇
M-Media

– ပါကစ္စတန်တာလီဘန်၏ အဖွဲ့ခွဲ ဂျမာအ် အူရ် အဟ်ရာရ် (JuA) မှ ထင်ရှားသည့် ခေါင်းဆောင်တစ်ဦးဖြစ်သူ အဟ်ဆန်နူလာ အဟ်ဆန်မှာ လက်နက်ချ အဖမ်းခံခဲ့သည်ဟု ပါကစ္စတန်စစ်တပ်မှ ပြောရေးဆိုခွင့်ရှိသူ အာဆစ်ဖ် ဂဖူးရ်က ယမန်နေ့တွင် ကြေငြာလိုက်သည်။

မြို့တော် အစ္စလာမ်မာဘတ်အနီး ရ၀ါလ်ပင်ဒီမြို့တွင် ပြုလုပ်ခဲ့သည့် သတင်းစာရှင်းလင်းပွဲတွင် ထိုကဲ့သို့ ပြောကြားခဲ့ခြင်းဖြစ်ပြီး မည်သည့်အချိန်တွင်၊ မည်သည့်နေရာ၌ အဖမ်းခံခဲ့သည်ဆိုသည့် အသေးစိတ်အချက်အလက်ကို ထုတ်ဖော်ပြောဆိုခဲ့ခြင်း မရှိချေ။

အဟ်ဆန်မှာ ၂၀၁၆ ခုနှစ် နှောင်းပိုင်းကတည်းက ၎င်း၏ရာထူးမှ ပျောက်ကွယ်သွားခဲ့ခြင်းဖြစ်သည်။

“မကောင်းတာတွေလုပ်နေတဲ့ လူတစ်ဦးက သူတို့ဟာ မှားယွင်းတဲ့ဘက်မှာ ရှိနေတယ်ဆိုတာကို သိရှိလာပြီဆိုရင် ကောင်းတဲ့ဘက်ကို ပြန်လာသင့်ပါတယ်။ ဒါဆိုရင်တော့ နိုင်ငံအတွက် ဒီထက်ပိုကောင်းတဲ့ အောင်မြင်မှုမျိုး မရှိတော့ပါဘူး” ဟု ဂဖူးရ်က ထည့်သွင်းပြောကြားခဲ့သည်။

JuA အဖွဲ့ကမူ ယခုသတင်းအတွက် မည်သည့်မှတ်ချက်မှ မပေးသေးပေ။ အဆိုပါသတင်း မှန်ကန်ပါက ပြီးခဲ့သည့်နှစ်များအတွင်း ပါကစ္စတန်တာလီဘန်မှ ထိပ်တန်းတပ်မှူးတစ်ဦး ပထမဆုံး လက်နက်ချ အဖမ်းခံခြင်းဖြစ်သည်။

Ref: Aljazeera