ဘာသာရေးအရတားမြစ်သည့် စားသောက်ကုန်အမည်များပေးလျှင် ဟာလာလ်လက်မှတ် မထုတ်ပေးဟု မလေးပြော

ဧပြီ ၁၈၊ ၂၀၁၇
M-Media

– အလ်ကိုဟောမပါဝင်သည့် ဘီယာ၊ သို့မဟုတ် ၀က်ပေါင်ခြောက်၊ ၀က်အူချောင်းတို့ကဲ့သို့ အစ္စလာမ်ဘာသာဝင်များ စားမပိုင်သောအရာများနှင့် ဆက်စပ်သည့် စားသောက်ကုန်များအတွက် ဟာလာလ် အသိအမှတ်ပြုလက်မှတ်များ ထုတ်ပေးမည်မဟုတ်ဟု ၀န်ကြီချုပ်ရုံးမှ ၀န်ကြီး ဂျာမီလ် ခိုင်ရ် ဘာဟာရွမ်က ယမန်နေ့တွင် ပြောကြားလိုက်သည်။

ဟာလာလ်ဘီယာများအတွက် အသိအမှတ်ပြုလက်မှတ် ထုတ်ပေးထားလားဆိုသည့် လွှတ်တော်အမတ်တစ်ဦး၏ မေးမြန်းမှုကို ပြန်လည်ဖြေကြားခဲ့ခြင်ဖြစ်ပြီး ‘ဟာလာလ် ဘီယာ’ ဆိုသည့် အသုံးအနှုန်းမှာ အစ္စလာမ့်ဖွံ့ဖြိုးရေးဌာန (Jakim)နှင့် အခြားသော ဟာလာလ်အသိအမှတ်ပြုလက်မှတ်ထုတ်ပေးရေးဌာနများက အသုံးပြုသည့် မလေးရှား ဟာလာလ်အသိအမှတ်ပြုလက်မှတ် ထုတ်ပေးရေး လုပ်ထုံးလုပ်နည်းများ (MPPHM) နှင့် ဆန့်ကျင်နေသည်ဟု ဆိုသည်။

“လုပ်ထုံးလုပ်နည်းတွေထဲမှာ ဟာလာလ်ထုတ်ကုန်မဟုတ်တဲ့ ပစ္စည်းတွေရဲ့ တိုက်ရိုက်အမည် ဒါမှမဟုတ် ဆင်တူအမည်တွေကို သုံးထားမယ်။ ‘၀က်ပေါင်ခြောက်’ ‘ဘာကူတေး (၀က်သားပေါင်း)’ ‘၀က်အူချောင်း’ ‘ဘီယာ’ တွေလိုအသုံးနှုန်းတွေနဲ့ ရှုပ်ထွေးစေတာတွေ ဒါမှမဟုတ် တူညီတာတွေဟာ မလေးရှား ဟာလာလ် အသိအမှတ်ပြုလက်မှတ် ထုတ်ပေးရမယ့် စံချိန်နဲ့ မညီညွတ်ဘူးလို့ ရှင်းရှင်းလင်းလင်း ဖော်ပြထားပါတယ်”

ထို့ပြင် ဟာလာလ်အစားသောက် သို့မဟုတ် ဟာလာလ် အသင့်စား စားစရာများ၌ အရောင်ထည့်မှုတွင်လည်း ဟာလာလ်မဟုတ်သည့် အစားအသောက်များ၏ အမည်များနှင့် ရှုပ်ထွေးစေသည့် တိုက်ရိုက်အမည်များ၊ ဆင်တူအမည်များကို သုံး၍မရဟု ဆိုသည်။

အဆိုပါ စားသောက်ကုန်များမှာ နိုင်ငံခြား ပုဂ္ဂလိက ကုမ္ပဏီများ သို့မဟုတ် ဟာလာလ်အသိအမှတ်ပြုလက်မှတ် ထုတ်ပေးထားသည့် အဖွဲ့အစည်းမှ အသိအမှတ်ပြုလက်မှတ်ကို ရရှိထားခြင်းဖြစ်ပြီး၊ အချို့မှာ ၎င်းတို့၏ ထုတ်ကုန်များတွင် မည်သည့် ဟာလာလ်တံဆိပ်ကိုမှ အသုံးပြုခြင်းမရှိဟု ၀န်ကြီးက ထောက်ပြပြောဆိုခဲ့သည်။

“Jakim နဲ့ Jain (အစိုးရ အစ္စလာမ့်ရေးရာဌာန) တွေဟာ မလေးရှားမှာ ဟာလာလ်အသိအမှတ်ပြုလက်မှက် ထုတ်ပေးတဲ့ အာဏာပိုင်အဖွဲ့တွေဖြစ်ပါတယ်။ မလေးရှားမှာ ဟာလာလ်အသိအမှတ်ပြုလက်မှတ် လျှောက်ထားမှု တစ်ခုစီတိုင်းဟာ MPPHM ဒါမှမဟုတ် မလေးရှား ဟာလာလ်အသိအမှတ်ပြုလက်မှတ်ထုတ်ရေးမှာ အသုံးပြုနေတဲ့ ဖသ်ဝါ ဓမ္မသတ်ဆုံးဖြတ်ချက်တွေ၊ ဆက်စက် ဥပဒေတွေကို လိုက်နာရပါမယ်”

အမေရိကန်ဂျာနယ် Wall Street က ၂၀၁၃ ခုနှစ် မလေးရှားတွင် အလ်ကိုဟောမပါသည့် ဘီယာဈေးကွက်မှာ လီတာပေါင်း ၃ သန်းရှိနေပြီး ၂၀၁၆ ခုနှစ်တွင် လီတာ ၃.၆ သန်း ရှိမည်ဟု ၂၀၁၅ ခုနှစ်တွင် ဖော်ပြခဲ့သည်။ အရှေ့အလယ်ပိုင်းနှင့် အာဖရိကတွင်မူ အဆိုပါ ဟာလာလ်ဘီယာများ ရောင်းချမှုမှာ ၁၁.၅ ရာခိုင်နှုန်းအထိ ရှိနေသည်။

Ref: Today Online