သွေးလွန်တုပ်ကွေး ကာကွယ်ဆေးတစ်ခုကို WHO ကိုက အသိအမှတ်ပြု

ဧပြီ ၂၀၊ ၂၀၁၇
M-Media

– ကမ္ဘာ့လူဦးရေ၏ ထက်ဝက်ခန့်ကို ခြိမ်းခြောက်နေသည့် သွေးလွန်တုပ်ကွေးရောဂါအတွက် ပထမဆုံး ကာကွယ်ဆေးကို ကမ္ဘာ့ကျန်းမာရေးအဖွဲ့ကြီး (WHO) က သောကြာနေ့တွင် အသိအမှတ်ပြုလိုက်သည်ဟု သိရသည်။

ခြင်မှတစ်ဆင့် ကူးစက်တတ်သည့် သွေးလွန်တုပ်ကွေးရောဂါကို ကမ္ဘာတစ်ဝှမ်းတွင် လူသန်းပေါင်း ၃၉၀ ခန့် ကူးစက်ခံစားနေရပြီး အထူးသဖြင့် အရှေ့တောင်အာရှ၊ လက်တင်အမေရိကနှင့် အာဖရိကနိုင်ငံများတွင် ဖြစ်သည်။ သွေးလွန်တုပ်ကွေး ရောဂါကြောင့် အော့အန်ခြင်း၊ အဆစ်အမြစ် နာကျင်ကိုက်ခဲခြင်း၊ ခေါင်းကိုက်ခြင်း၊ အဖုအပိန့်များထွက်ခြင်း၊ သွေးယိုစီးခြင်းတို့အပြင် သေဆုံးသည်အထိ ဖြစ်နိုင်သည်။

WHO က ခွင့်ပြုပေးခဲ့သည့် အဆိုပါကာကွယ်ဆေးမှာ Dengvaxia ဟု ခေါ်ပြီး ပြင်သစ်အခြေစိုက် Sanofi Pasteur ကုမ္ပဏီက နှစ်ပေါင်း ၂၀ ကြာ သုတေသနပြုလုပ်မှုမှ ပေါ်ထွက်လာသည့် ဆေးဖြစ်သည်။

ထို့ပြင် ထိုဆေးမှာ မက္ကဆီကို၊ ဘရာဇီးလ်၊ အလ်ဆာဗေဒိုးနှင့် ဖိလစ်ပိုင်နိုင်ငံတို့မှ ထုတ်လုပ်ခွင့်လိုင်စင်ကိုလည်း ရရှိထားသည်။ သောကြာနေ့တွင် WHO က ယခုကဲ့သို့ အတည်ပြုလိုက်မှုကြောင့် အဆိုပါ ကာကွယ်ဆေးမှာ ရာသီဥတုပြောင်းလဲမှု၊ မြို့ပြများ ချဲ့ထွင်လာမှုကြောင့် ပြည်သူများ ခြင်မှတစ်ဆင့်ကူးစက်သည့် ရောဂါများ၏အန္တရာယ် ပိုမိုမြင့်တက်လာသည့် ဖွံ့ဖြိုးဆဲနိုင်ငံများ၏ အာရုံစိုက်မှုကို ပိုမိုရရှိမည်ဖြစ်သည်။

ကာကွယ်ဆေးမှာ တစ်နှစ်တာ အချိန်ကာလအတွင်း ၃ ကြိမ်ထိုးရမည်ဖြစ်ပြီး၊ ယခင်က သွေးလွန်တုပ်ကွေးဖြစ်ပွားဖူးသော အသက် ၉ နှစ်အထက် ကလေးငယ်များအတွက် ရည်ရွယ်ထုတ်လုပ်ခြင်းဖြစ်ကာ ရောဂါအဖြစ်များရာ ဒေသများအတွက် အသင့်တော်ဆုံး ဖြစ်မည်ဖြစ်သည်။ သို့သော်လည်း ရေတိုခရီးသွားသူများအတွက် မဟုတ်ဟု ထိုင်းနိုင်ငံရှိ Sanofi Pasteur ကုမ္ပဏီခွဲမှ တာဝန်ရှိသူ ဒေါက်တာ Alain Bouckanooge က ပြောကြားခဲ့သည်။

ပြီးခဲ့သည့်နှစ်များအတွင်း ကုမ္ပဏီမှာ အရှေ့တောင်အာရှနှင့် လက်တင်အမေရိက နိုင်ငံများမှာ ကလေးငယ်ပေါင်း သောင်းနှင့်ချီကို စမ်းသပ်ခဲ့ပြီး ယခင် သွေးလွန်တုပ်ကွေးဖြစ်ခဲ့ဖူးသူများတွင် ၇၀ ရာခိုင်နှုန်း၊ အလွန်ဆိုးရွာကာ ဆေးရုံတက်ရသည့် လူနာများတွင် ၉၀-၉၅ ရာခိုင်နှုန်း ထိရောက်မှုရှိသည်ကို တွေ့ရှိခဲ့ရသည်။

Ref : Time