အင်ဒိုနီးရှားမှ နာမည်ကျော် ကာရီတစ်ဦး ကုရ်အာန်ရွတ်ဖတ်နေစဉ် ကွယ်လွန်သေဆုံး

ဧပြီ ၂၇၊ ၂၀၁၇
M-Media

– အင်ဒိုနီးရှားမှ နာမည်ကျော် ကာရီတစ်ဦးဖြစ်သူ ရှိခ် ဂျာဖရ် အဘ်ဒူလ်ရဟ်မန်မှာ တနင်္လာနေ့က အခမ်းအနားတစ်ခုတွင် ကုရ်အာန်ကျမ်းတော်မြတ် ရွတ်ဖတ်သရဇ္ဈာယ်မှုအတွင်း ကွယ်လွန်သွားခဲ့သည်ဟု သိရသည်။

အင်ဒိုနီးရှား လူမှုရေးရာဝန်ကြီး တက်ရောက်သည့် နိုင်ငံတော်အဆင့် အခမ်းအနားတွင် ရှိခ် ဂျာဖရ်မှာ ကုန်အာန်ကျမ်းတော်မြတ် စူရဟ် အလ်-မွလ်က်မှ ပါဒတော်များကို ရွတ်ဖတ် သရဇ္ဈာယ်စဉ်အတွင်း ရုတ်တရတ် လဲကျသွားခဲ့ခြင်းဖြစ်သည်။

ထို့နောက် ဆေးအဖွဲ့က ရှေးဦးသူနာပြုစုနည်းများဖြင့် ကုသခဲ့သော်လည်း ကာရီကြီးမှာ သသတိပြန်လည်လာခြင်းမရှိတော့ဘဲ ကွယ်လွန်သွားခဲ့သည်။

ရှိခ်ဂျာဖရ်၏ အဆိုပါ ရွတ်ဖတ်သရဇ္ဈာယ်မှုကို တစ်နိုင်ငံလုံးသို့ တိုက်ရိုက်ထုတ်လွှင့်ပြသနေခြင်းဖြစ်ပြီး၊ ၎င်းကွယ်လွန်သွားသည့် ထိုအဖြစ်အပျက်ဗီဒီယိုမှာလည်း ဆိုရှယ်မီဒီယာများတွင် အလျင်အမြန် ပြန့်နှံ့သွားခဲ့ကာ ကောင်မွန်သော သေဆုံးခြင်းဖြစ်သည်ဟု အင်ဒိုပြည်သူများက ချီးကျူးခဲ့ကြသည်။

Ref: Arab News