ပလက်စတစ်သားအိမ်တုက လမစေ့ဘဲမွေးသည့် ကလေးများကို ကယ်တင်နိုင်ဖွယ်ရှိနေ

ဧပြီ ၂၈၊ ၂၀၁၇
M-Media

– ပလက်စတစ်အိတ်နဲ့ ပြုလုပ်ထားတဲ့ သားအိမ်တုထဲမှာ မမွေးရသေးတဲ့ သိုး သန္ဓေသားလောင်းတစ်ကောင်ကို ၄ ပတ်တာ ထိန်းသိမ်းထားမှု အောင်မြင်ခဲ့ပြီး၊ ဒါဟာ လမစေ့ဘဲ မွေးလာတဲ့ ကလေးတွေကို အသက်ရှင်သန်စေမယ့် နည်းလမ်းတစ်ခု ဖြစ်လာနိုင်တော့မှာပါ။

ဒီပလက်စတစ် သားအိမ်တုကို ပိုလီသင်းနဲ့ ပြုလုပ်ထားတာဖြစ်ပြီး သန္ဓေသားလောင်းအတွက် လိုအပ်တဲ့ အဟာရ၊ ကာကွယ်မှုတွေကို ပေးနိုင်ဖို့အတွက် သားအိမ်အစစ်ထဲမှာ ပါဝင်တဲ့အရည် amniotic fluid ကိုလည်း ထည့်သွင်းပေးထားပါတယ်။

အောက်ဆီဂျင် ပေးပို့နိုင်မယ့် ချက်ကြိုး၊ ဓာတ်ငွေ့တွေကို အလဲအလှယ်လုပ်ပေးနိုင်မယ့် အချင်းတွေကိုလည်း ဒီ သားအိမ်တုမှာ ဖန်တီးပေးထားပါတယ်။

ဒီစနစ်ဟာ တကယ့် သားအိမ်အစစ်နဲ့ အနီးစပ်ဆုံးဖြစ်အောင် ဖန်တီးပေးထားတာဖြစ်ပြီး တစ်ချိန်ကျရင် လမစေ့ဘဲ မွေးလာတဲ့ ကလေးတွေအတွက် အသုံးပြုနိုင်ဖို့ မျှော်လင့်ထားတယ်လို့ လေ့လာမှုကို ပြုလုပ်ခဲ့တဲ့ အမေရိကန်ပြည်ထောင်စု ဖီလာဒဲလ်ဖီးယား ကလေးဆေးရုံက သန္ဓေသားလောင်းဆိုင်ရာ ဆရာဝန် ဒေါက်တာ အလန် ဖလီက်က ပြောကြားခဲ့ပါတယ်။

“သားအိမ်ရဲ့ နေအထားအတိုင်းကို တတ်နိုင်သလောက် အနီးစပ်ဆုံး တုပထားတဲ့၊ အချင်းရဲ့ လုပ်ဆောင်ချက်တွေကို အစားထိုးထားတဲ့ စနစ်တစ်ခုကို ကျွန်တော်တို့ ဖန်တီးခဲ့တာပါ။ သီအိုရီအရတော့ ဒါဟာ လမစေ့ဘဲမွေးခဲ့တဲ့ ကလေးတွေအတွက် အထောက်အပံ့ဖြစ်စေမှာဖြစ်ပါတယ်” လို့ ဒေါက်တာက ဆိုပြီး သူတို့အဖွဲ့ဟာ လမစေ့ဘဲမွေးလာတဲ့ ကလေးတွေရဲ့ လိုအပ်ချက်ကို ဖြည့်ဆည်းပေးဖို့ ရည်ရွယ်တာဖြစ်တယ်လို့လည်း ထည့်သွင်းပြောဆိုခဲ့ပါတယ်။

ကမ္ဘာတစ်ဝှမ်း ကိုယ်ဝန်ဆောင် ၁၀ ဦးမှာ ၁ ဦး လမစေ့ဘဲ ကလေးမွေးတာမျိုး ဖြစ်တတ်ပြီး ၂၃ ပတ်အောက် လမစေ့ဘဲမွေးတဲ့ကလေးကတော့ အသက်ရှင်သန်နိုင်ဖို့ အခွင့်အလမ်း လုံးဝ မရှိပါဘူး။ ၂၃ ပတ်ဆိုရင် ၁၅ ရာခိုင်နှုန်း၊ ၂၄ ပတ်ဆိုရင် ၅၅ ရာခိုင်နှုန်းနဲ့ ၂၅ ပတ်ဆိုရင် ၈၀ ရာခိုင်နှုန်း အသီးသီး အသက်ရှင်သန်နိုင်မယ့် အခွင့်အလမ်းတွေ ရှိနေတယ်လို့ ယူကေက ကိုယ်ဝန်ဆာင်မှုနဲ့ သန္ဓေသားလောင်းဆိုင်ရာ သုတေသနအဖွဲ့ Tommy က ဆိုပါတယ်။

ဖလီက်ကတော့ ဒီစနစ်သစ်ဟာ အနာဂတ်မှာ လမစေ့ဘဲမွေးလာတဲ့ ကလေးတွေရဲ့ အသက်ရှင်သန်မှုနှုန်းကို တိုးတက်စေမှာဖြစ်ကြောင်း သူတို့အဖွဲ့က မျှော်လင့်နေတယ်လို့ ပြောကြားခဲ့ပေမယ့် ဒါဟာ ၁၀ စုနှစ်တစ်ခုလောက်တော့ ကြာမြင့်မယ်လို့ ဆိုပါတယ်။

Ref: CNN