ရခိုင်ပြဿနာအတွက် ဒေါ်အောင်ဆန်းစုကြည်နှင့် အင်ဒိုသမ္မတတို့ ဆွေးနွေး

ဧပြီ ၃၀၊ ၂၀၁၇
M-Media

– ရခိုင်ပြည်နယ်အခြေအနေနှင့်ပတ်သက်၍ ကိုဖီအန်နန်ဦးဆောင်သည့် အကြံပေးကော်မရှင်မှ ထုတ်ပြန်သော အကြံပြုချက်များမှ တစ်စိတ်တစ်ပိုင်းကို ဆောင်ရွက်ခဲ့သည်ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အင်ဒိုနီးရှားသမ္မတ ဂျိုကို ၀ီဒိုဒိုနှင့်တွေ့ဆုံစဉ် ပြာကြားလိုက်သည်။

အကြိမ် ၃၀ မြောက် အာဆီယံ ထိပ်သီးအစည်းအဝေး တက်ရောက်ရန် ရောက်ရှိနေသည့် ခေါင်းဆောင်နှစ်ဦးမှာ ယမန်နေ့က ဖိလစ်ပိုင်နိုင်ငံ မနီလာမြို့တော်တွင် နှစ်ဖက်တွေ့ဆုံမှုအတွင်း ဒေါ်အောင်ဆန်းစုကြည်က ထိုကဲ့သို့ ပြောကြားလိုက်ခြင်းဖြစ်ပြီး အကြံပြုချက်များကို အကောင်အထည်ဖော်ရာတွင်လည်း တိုးတက်မှု ရရှိနေသည်ဟု ဆိုသည်။

အဆိုပါ တွေ့ဆုံပွဲတွင် ဂျိုကိုဝီဒိုဒိုနှင့်အတူ ပါဝင်ခဲ့သည့် နိုင်ငံခြားရေးဝန်ကြီး ရီတနို အလ်ပီ မာဆူဒီက ကုလအတွင်းရေးမှူးချုပ်ဟောင်း ကိုဖီအန်နန် ဦးဆောင်သည့် အကြံပေးအဖွဲ့မှ ထုတ်ပြန်ခဲ့သည့် အကြံပြုချက်များမှာ ရိုဟင်ဂျာပြဿနာ ပြေလည်ရေးအတွက် ပြီးခဲ့သည့်နှစ်အတွင်း ဆောင်ရွက်ခဲ့သော အင်ဒိုနီးရှား၏ ရပ်တည်ချက်နှင့် ကိုက်ညီသည်ဟု ပြောကြားခဲ့သည်။

“ကျွန်မတို့ဟာ အန်နန်ကော်မရှင်ရဲ့ အစီရင်ခံစာတွေအကြောင်းကို ဆွေးနွေးခဲ့ပါတယ်။ အချို့သော အကြံပြုချက်တွေကို (မြန်မာနိုင်ငံက) လိုက်နာဆောင်ရွက်ပါတယ်” ဟု နိုင်ငံခြားရေးဝန်ကြီးက ဆိုသည်။

ကိုဖီအန်နန် ကော်မရှင်၏ အကြံပြုချက်များတွင် ရခိုင်ပြည်နယ်ရှိ ထိခိုက်ခံစားရသည့် ဒေသများတွင် လူသားချင်းစာနာထောက်ထားမှုဆိုင်ရာ အကူအညီပေးရေး လုပ်သားများ ၀င်ခွင့်ပေးရန်၊ ၂၀၁၆ ခုနှစ် အောက်တိုဘာ ၉ ရက်နေ့နောက်ပိုင်း ကျူးလွန်မှုများရှိခဲ့သည်ဆိုသည့် ရာဇ၀တ်မှုများအတွက် လွတ်လပ်ပြီး ဘက်လိုက်မှုကင်းသည့် စုံစမ်းစစ်ဆေးမှု ပြုလုပ်ရန်၊ ရိုဟင်ဂျာ မွတ်စလင်လူနည်းစုများကို လွတ်လပ်စွာ သွားလာလှုပ်ရှားခွင့်ပေးရေး၊ ကျန်းမာရေးနှင့် ပညာရေးဆိုင်ရာ အခွင့်အလမ်းများ ရရှိအောင် ဆောင်ရွက်ပေးရန်တို့ ပါဝင်သည်။

Ref: Jakarta Post