တာလီဘန်ကို လက်နက်စွန့်ရန် အာဖဂန်ဝန်ကြီးချုပ်ဟောင်း တိုက်တွန်း

ဧပြီ ၃၀၊ ၂၀၁၇
M-Media

– တာလီဘန်များအနေဖြင့် လက်နက်ချကာ နိုင်ငံခြိမ်းချမ်းရေးနှင့် တိုးတက်ကြီးပွားရေးအတွက် စားပွဲဝိုင်းသို့ လာရောက်ရန် အာဖဂန်နစ္စတန် ၀န်ကြီးချုပ်ဟောင်း ဂူလ်ဘူဒင် ဟစ်ကမတ်ယာက ပြောကြားလိုက်သည်။

နိုင်ငံအရှေ့ပိုင်း လဂ်မန်ပြည်နယ်တွင် နှစ်ပေါင်း ၂၀ အတွင်း ၎င်း၏ ပထမဆုံး မိန့်ခွန်း၌ ဟစ်ကမတ်ယာက ထိုကဲ့သို့ ပြောကြားလိုက်ခြင်းဖြစ်ပြီး လူပေါင်း ၂၀၀ ခန့်က ၎င်းအား ၀န်းရံခဲ့ကြသည်။

“ဘယ်သူတွေနဲ့ တိုက်နေတာလဲဆိုတာကို စစ်သွေးကြွတွေကို မေးချင်တယ်။ အစိုးရကိုလား။ အပြစ်မဲ့တဲ့ အာဖဂန်ပြည်သူတွေကိုလား။ ခင်ဗျားတို့အနေနဲ့ လက်နက်ချပြီး၊ အရှေ့ကိုထွက်လာမယ်ဆိုရင် ကျွန်တော်ဟာ ခင်ဗျားတို့ကို ညီအစ်ကိုလို့ ခေါ်မယ့်သူတွေထဲမှာ ပထမဆုံး ဖြစ်မှာပါ။ တာလီဘန်တွေကို ပြောချင်တာက ရှေ့ကိုထွက်လာပါ။ ငြိမ်းချမ်းရေး၊ သာယာဝပြောမှုအတွက် ဆွေးနွေးပါ။ အာဖဂန်ရဲ့ ငြိမ်းချမ်းရေး လုပ်ငန်းစဉ်မှာ ကျွန်တော်တို့နဲ့အတူ လက်တွဲပါ”

ဟစ်ကမတ်ယာမှာ ၁၉၇၀ ပြည့်နှစ်များတွင် ဟက်ဇ်ဘီ အစ္စလာမီအဖွဲ့ကို ဖွဲ့စည်းခဲ့ရပြီး ၁၉၉၂ ခုနှစ် ဆိုဗီယက်ကျောထောက်နောက်ခံပြုထားသည့် အစိုးရ ပြုတ်ကျသွားပြီးနောက် ၀န်ကြီးချုပ်ရာထူးကို ရယူခဲ့သည်။

၂၀၀၃ ခုနှစ်တွင် အမေရိကန်အစိုးရ၏ အကြမ်းဖက်စာရင်းသွင်းခြင်း ခံရပြီး ဖေဖော်ဝါရီက ကုလ လုံခြုံ ရေးကောင်စီမှ ၎င်းအပေါ် ပြုလုပ်ထားသည့် ပိတ်ဆို့မှုအားလုံးကို ပယ်ဖျက်ခဲ့ပြီးနောက် အာဖဂန်ုသို့ ပြန်လာခဲ့ခြင်းဖြစ်သည်။

လာမည့်ရက်များတွင် ဟစ်ကမတ်ယာမှာ မြို့တော်ကဘူးလ်၌ မိန့်ခွန်းပြောကြားရန်ရှိနေပြီး အာဖရန်ပြည်သူများအကြား ၎င်းအား ထောက်ခံသူနှင့် ဆန့်ကျင်သူများ ကွဲပြားလျက် ရှိနေသည်။

Ref: Aljazeera