အိန္ဒိယမှ အမေရိကန်ဗီဇာလျှောက်သူများ နတ်ဘုရား၏ အကူအညီ ရယူနေ

ဧပြီ ၃၀၊ ၂၀၁၇
M-Media

– အိန္ဒိယနိုင်ငံတောင်ပိုင်းက နှစ်ပေါင်း ၅၀၀ သက်တမ်းရှိတဲ့ ဟိန္ဒူဘုရားကျောင်းတစ်ခုမှာ ရာပေါင်းများစွာသော အိန္ဒိယပြည်သူတွေဟာ နေ့စဉ်နဲ့အမျှ စုရုံးကာ ပူဇော်ပသနေကြပြီး သူတို့ရဲ့ တစ်ခုတည်းသော ရည်ရွယ်ချက်ကတော့ အမေရိကန်ဗီဇာ ရရှိရေးပဲ ဖြစ်ပါတယ်။

ဟိုက်ဒရာဘတ်မြို့ရဲ့ ဆင်ခြေဖုံးမှာ တည်ရှိပြီး ဟိန္ဒူနတ်ဘုရား ဗိဿနိုး ပြန်လည်ဝင်စားတဲ့ ဘာလာဂျီးနတ်ဘုရားကို အစွဲပြုတည်ဆောက်ထားတဲ့ ဒီ Chilkur Balaji ဘုရားကျောင်းဟာ အချိန်တော်တော်ကြာကတည်းက အမေရိကန် ဗီဇာ လျှောက်ထားကြတဲ့ အိန္ဒိယ ပြောင်းရွှေ့အခြေချသူတွေရဲ့ အားကိုးအားထားပြုရာနေရာ ဖြစ်ခဲ့ကာ ‘ဗီဇာဘုရားကျောင်း’ လို့ အမည်သစ်ရတဲ့အထိ ဖြစ်ခဲ့ပါတယ်။

ဒါပေမယ့် ဘုရားကျောင်း တာဝန်ရှိသူတွေကတော့ အမေရိကန်သမ္မတ ဒေါ်နယ်ထရမ့် အာဏာရပြီးနောက်ပိုင်းမှာ လာရောက်သူတွေ ပိုပြီး မြင့်တက်လာတယ်လို့ ဆိုပါတယ်။ ထရမ့်ဟာ ဒီလအတွင်းမှာပဲ အမေရိကန်ရဲ့ H-1B အလုပ်ဗီဇာစနစ်ကို ပြုပြင်ပြောင်းလဲရေးအတွက် အမိန့်တစ်ခုကို လက်မှတ်ထိုးခဲ့ပါတယ်။

H-1B ဗီဇာဟာ အိန္ဒိယ ပြောင်းရွှေ့အခြေချသူတွေ အလျှောက်များတဲ့ ဗီဇာတစ်ခု ဖြစ်ပေမယ့် ကျွမ်းကျင်မှုမြင့်ပြီး၊ လစာမြင့်တဲ့ လျှောက်ထားသူတွေအတွက်သာ ကန့်သတ်ထုတ်ပေးဖို့အတွက် ထရမ့်က ဆောင်ရွက်ခဲ့ပြီးတဲ့နောက်ပိုင်းမှာ တော်တော်များများက စိုးရိမ်သောက ဖြစ်လာကြပါတယ်။

အမေရိကန် ဗီဇာကို အကြိမ်ကြိမ်ငြင်းပယ်ခံရတဲ့ ဆော့ဖ်ဝဲအင်ဂျင်နီယာ ရှရီကန့်သ် အန်ဂီရီကူလာဟာ ကံကောင်းသူတွေထဲမှာ တစ်ဦဖြစ်ခဲ့ပြီး နောက်ဆုံးမှာ ဗီဇာရခဲ့ပါတယ်။

“အံ့သြစရာပဲဗျ။ ပြီးခဲ့တဲ့ ၂ နှစ်လုံးလုံး ကျွန်တော် ဗီဇာ မရခဲ့ပါဘူး။ ဒါပေမယ့် ဘုရားကျောင်းကို သွားရောက်ခဲ့ပြီတဲ့နောက်ပိုင်းမှာ အရာအားလုံးဟာ အဆင်ချောခဲ့ပါတယ်။ ကျွန်တော်ဟာ သဘာဝလွန်သမားတော့ မဟုတ်ပါဘူး။ ဒါပေမယ့် ဘုရားရှင်ရဲ့ ကြားဝင်မှု ရှိခဲ့တယ်ဆိုတာကတော့ သေချာပါတယ်” လို့ အသက် ၃၃ နှစ်အရွယ် အန်ဂီရီကူလာက ပြောပါတယ်။

အဲဒီဘုရားကျောင်းမှာ တစ်ပတ်ကို ယုံကြည်သူ ၁ သိန်းကျော်လောက် လာရောက်ကြပြီး ဗီဇာရဖို့နဲ့ အခြားအကြောင်းအရာတွေအတွက် ဖြစ်ပါတယ်။ သူတို့ဟာ နတ်ဘုရားရုပ်တုရှေ့မှာ သူတို့ရဲ့ နိုင်ငံကူးလက်မှတ်တွေနဲ့ ပန်းတစ်စည်းကို ဆက်ကပ်ပြီး ဘုရားကျောင်းအတွင်းပိုင်းက မွန်မြတ်ရာနေရာကို ဟိန္ဒူဂါထာတွေ ရွတ်ဖတ်ကာ ၁၁ ကြိမ် လှည့်ပတ်ပူဇော်ကြပါတယ်။

သူတို့ရဲ့ဆန္ဒတွေ ပြည့်ဝသွားပြီးတဲ့နောက်ပိုင်းမှာတော့ ဒီယုံကြည်သူတွေဟာ ဘုရားကျောင်းကို ပြန်လာပြီး ၁၀၈ ကြိမ် ထပ်မံ လှည့်ပတ် ပူဇော်ပါတယ်။

ကျောင်းထိုင်ဆရာတော် ရန်ဂါ ရာဂျန်က နိုင်ငံတစ်ဝှမ်း ယုံကြည်သူတွေဟာ ဗီဇာရရှိဖို့အတွက် ဒီကို လာရောက်ကြတယ်လို့ ဆိုပါတယ်။

“ဒီ နိုင်ငံကူးလက်မှတ်၊ ဒီစာရွက်စာတမ်း၊ ဒီ သံရုံး၊ ဒီ ဖောင်ပါပဲ။ ဒါပေမယ့် ဘုရားရှင်ဆီမလာခင်က သူတို့ဟာ ဗီဇာတွေ ငြင်းပယ်ခံခဲ့ရပါတယ်။ ဒါတွေအားလုံးဟာ ဘာလာဂျီးရဲ့ ကောင်းချီးတွေပါ။ ဒါဟာ သဘာဝလွန် မဟုတ်ပါဘူး။ နာမ်ပိုင်းဆိုင်ရာပါ” လို့ ဘုန်းတော်ကြီးက ဆိုပါတယ်။

ဒီဘုရားကျောင်း ဆုတောင်းပြည့်တယ်ဆိုတဲ့ သတင်းဟာ အင်ဂျင်နီယားအုပ်စုတစ်ခု ဗီဇာရဖို့ ဒီဘုရားကျောင်းမှာ လာရောက်ပူဇော်တဲ့ ၁၉၈၀ ပြည့်နှစ်လောက်ကတည်းက စတင်ကျော်ကြားခဲ့တာဖြစ်ပါတယ်။ သူတို့အားလုံးဟာ ဘုရားကျောင်းမှာ ဆုတောင်းပြီးတဲ့နောက် ဆန္ဒတွေ ပြည့်ဝသွားခဲ့ပြီး သိပ်မကြာခင်မှာပဲ အခြားသူတွေဟာလည်း ဒီသတင်းကြောင့် တစ်ဖွဲဖွဲ ရောက်ရှိလာခဲ့ကြပါတယ်။

“ကျောင်းသွားတက်ဖို့အတွက် ကျွန်တော် ဗီဇာလျှောက်ထားတယ်။ ဘာလာဂျီးက အောင်မြင်အောင်လုပ်ပေးမယ်လို့ ကျွန်တော် မျှော်လင့်ပါတယ်။ ဒီကို လာရောက်မှုက ကျွန်တော့်ရဲ့ ယုံကြည်မှုကို ပိုပြီး တိုးစေပါတယ်” လို့ ကျောင်းသာတစ်ဦးဖြစ်တဲ့ ရာဂျာ ရှက်ခ်ဟာ ရက်ဒီက ပြောကြားခဲ့ပါတယ်။

Ref: AFP