၅ နှစ်ဆက် လိဂ်ချန်ပီယံအဖြစ် ဘိုင်ယန်မြူးနစ် သမိုင်းသစ်ရေးထိုး

ဧပြီ ၃၀၊ ၂၀၁၇
M-Media

– ဂျာမနီထိပ်သီး ဘိုင်ယန်မြူးနစ်မှာ ယမန်နေ့က ၀ုလ်ဖ်ဘာ့ဂ်အသင်းအား ၆ ဂိုး ပြတ်ဖြင့် အနိုင်ရရှိခဲ့ပြီးနောက် ၅ နှစ်ဆက် ဘွန်ဒစ်လီဂါချန်ပီယံ ဖြစ်လာခဲ့သည်ဟု သိရသည်။

ရာသီပြီးဆုံးရန် ၃ ပွဲ လိုသေးသော်လည်း ဘိုင်ယန်မှာ ဒုတိယနေရာမှ လီအစ်ပ်ဇစ်အသင်းအား ၁၀ မှတ် ဖြတ်ထားနိုင်သောကြောင့် ချန်ပီယံဖြစ်လာခြင်းဖြစ်ပြီး ဘွန်ဒစ်လီဂါသမိုင်းတွင် ပထမဆုံး ၅ နှစ်ဆက် ချန်ပီယံအဖြစ် သမိုင်းရေးထိုးနိုင်ခဲ့သည်။

ဥရောပ ထိပ်တန်းလိဂ် ၅ ခုတွင် ၄ ခု၏ ဆုဖလားများကို ပထမဆုံး ရယူနိုင်သူ ဖြစ်လာသည့် ဘိုင်ယန်နည်းပြ အန်ဆယ်လော့တီက ယခုတွေ့အကြုံမှာ မိမိအတွက် ထူးခြားသည့် အတွေ့အကြုံဖြစ်ကာ၊ အသင်းကိုလည်း ကျေးဇူးတင်သည်ဟု ပြောကြားခဲ့သည်။

“ကြီးကျယ်တဲ့ကစာသမားတွေနဲ့ တစ်ရာသီလုံး ကျွန်တော်တို့ကို အုပ်အော်သောင်းနင်း အားပေးခဲ့တဲ့ ပရိတ်သတ်တွေ ရှိနေတဲ့ ဒီအသင်းကို ရောက်လာတာကိုက ကျွန်တော် ကံကောင်းတာပါ။ ကျွန်တော်တို့ဟာ ချန်ပီယံဘွဲ့နဲ့ ထိုက်တန်ပြီး ကောင်းကောင်းလည်း ကစားနိုင်ခဲ့ပါတယ်”

အေစီမီလန်၊ ရီးယဲလ်နှင့် ချန်ပီယံလိဂ်ဖလားများကို ရရှိခဲ့ဖူးသည့် အန်ဆယ်လော့တီမှာ လက်ရှိတွင် အသင်း၏ ၆ ကြိမ်မြောက် ချန်ပီယံလိဂ်ဖလားအတွက် ဦးဆောင်ရတော့မည်ဖြစ်သည်။

Ref: BBC