စင်ကာပူနိုင်ငံမှ ဗလီဝတ်ကျောင်းတော်တစ်လုံး တိုးချဲ့မှု ပြီးစီး

မေ ၁၊ ၂၀၁၇
M-Media

– ၀တ်ပြုသူတွေ တိုးတက်လာတာကို ကာမိစေဖို့အတွက် စင်ကာပူနိုင်ငံ Teck Whye Crescent ရပ်ကွက်က အလ်-ခိုင်းရ် ဗလီဝတ်ကျောင်းတော်ကို အဆင့်မြှင့်တင်မှုတွေ ပြုလုပ်ခဲ့ပြီး စင်ကာပူ အစ္စလာမ့် ဓမ္မသတ်မှူးချုပ် မွဖ်သီ ဒေါက်တာ မိုဟာမက် ဖက်ထရစ် ဘာကရမ်က ယမန်နေ့မှာ သွားရောက် ဖွင့်လှစ်ပေးခဲ့တယ်လို့ သိရပါတယ်။

ဒီလို အဆင့်မြှင့်တင်မှုမှာ ဗလီဝတ်ကျောင်းတော်ရဲ့ သုံးထပ်မှာ လူ ၅၀၀ လောက်ဆန့်မယ့် ၀တ်ပြုဆောင်တစ်ခု ထည့်သွင်းတာ၊ အစ္စလာမ့်ရေးရာ သင်ကြားမှုတွေပြုလုပ်နိုင်မယ့် စာသင်ခန်းတွေထည့်သွင်းတာ၊ မသန်စွမ်းသူတွေ အထပ်တိုင်းကို တက်နိုင်ဖို့အတွက် သီးသန့် ဓာတ်လှေကား ထည့်သွင်းပေးတာ၊ မျက်နှာစာ ပြုပြင်တာ၊ အမိုးကို မိုးဒဏ်လေဒဏ် ပိုမိုခံနိုင်အောင် ပြုပြင်တာ၊ အသံစနစ်အသစ်တစ်ခု ထည့်သွင်းတာ၊ လျှပ်စစ်ကြိုးတွေ သွယ်တန်းတာ စတာတွေ ပါဝင်ပါတယ်။

နောက်ပြီး ကုရ်အာန်ကျမ်းတော်မြတ်နဲ့ပတ်သက်တဲ့ အဌကဌာကျမ်းတွေကို ရေးသားဖွင့်ဆိုခဲ့ကြတဲ့ ပညာရှင်ကြီးတွေအကြောင်းကို ဖော်ပြထားတဲ့ နေရာတစ်ခုကိုလည်း မွဖ်သီကြီးက ဖွင့်လှစ်ပေးခဲ့ပါတယ်။

ဒီလို အဌကဌာ ကျမ်းရှင်ကြီးတွေရဲ့ အကြောင်းကို ဖော်ပြရတဲ့ ရည်ရွယ်ချက်ကတော့ လူငယ်မျိုးဆက်သစ်တွေရဲ့ ရင်ထဲမှာ ကုရ်အာန်ကျမ်းတော်မြတ် အကျယ်ဖွင့်ဆိုမှုအပေါ် စိတ်ဝင်စားလာအောင်ပဲ ဖြစ်ပါတယ်။

အခုလို အဆင့်မြှင့်တင်လိုက်တဲ့အတွက် အလ်-ခိုင်းရ် ဗလီဝတ်ကျောင်းတော်မှာ တစ်ကြိမ်ကို လူပေါင်း ၄၀၀၀ လောက် တစ်ပြိုင်နက် ၀တ်ပြုနိုင်မှာ ဖြစ်ပါတယ်။

စင်ကာပူနိုင်ငံမှာရှိတဲ့ ဘာသာပေါင်းစုံလူ့အဖွဲ့အစည်းတွေရဲ့ ခေတ်ကာလအလိုက် တိုးတက်လာတဲ့ လူဦးရေကို ကာမိစေဖို့အတွက် အစိုးရဟာ ၀တ်ပြုရာနေရာ အသစ်ဆောက်လုပ်တာ၊ တိုးချဲ့တာတွေကို အမြဲ ခွင့်ပြုပေးလေ့ရှိပါတယ်။

ဧပြီလ ၁၄ ရက်နေ့ကလည်း Woodlands ရက်ကွက်မှာ စင်ကာပူရဲ့ ပထမဆုံးသမ္မတ ယူစွဖ် အစ္စဟက်ရဲ့ အမည်နဲ့ ဗလီဝတ်ကျောင်းတော်တစ်လုံးကို ဖွင့်လှစ်နိုင်ခဲ့ပြီး စင်ကာပူဝန်ကြီးချုပ် လီရှန်လွန်းကိုယ်တိုင် တက်ရောက်ခဲ့ပါတယ်။