အိန္ဒိယပြည်နယ်တစ်ခုတွင် အရက်သမားခင်ပွန်းကို ဇနီးသည်က တရားဝင် ရိုက်ခွင့်ရမည်

မေ ၁၊ ၂၀၁၇
M-Media

– အိန္ဒိယနိုင်ငံ အလယ်ပိုင်း မဒ်ယာ ပရာဒက်ရ်ှပြည်နယ်မှာ မကြာသေးခင်က ပြုလုပ်ခဲ့တဲ့ အဖွဲ့လိုက် မင်္ဂလာဆောင်မှုအတွင်း ပြည်နယ်ဝန်ကြီးချုပ်က သတို့သမီးတွေကို အ၀တ်လျှော်တုတ် တစ်ချောင်းစီ ပေးခဲ့ပြီး ခင်ပွန်းဖြစ်သူက အရက်သောက်မယ်၊ ရိုက်နှက်မယ်ဆိုရင် ဒီတုတ်နဲ့ ပြန်ရိုက်ဖို့လည်း တိုက်တွန်းခဲ့ပါတယ်။

ဧပြီ ၂၉ ရက်နေ့က ပြုလုပ်ခဲ့ပြီး သတို့သမီးပေါင်း ၇၀၀ နီးပါးလောက်ပါဝင်တဲ့ ဒီ စုပေါင်း မင်္ဂလာအခမ်းအနားကို အစိုးရက ဦးစီးပြုလုပ်ပေးတာ ဖြစ်ပါတယ်။

တစ်ပေလောက်ရှည်တဲ့ ဒီတုတ်မှာ ‘ယစ်ထုပ်များကို ရိုက်ဖို့’ ‘ရဲက ၀င်မစွက်ရ’ ဆိုတဲ့ စာတမ်းကိုလည်း ရေးသားထားပါတယ်။

ပြည်နယ်ဝန်ကြီးချုပ် ဘာရ်ဂါဗာကတော့ ခင်ပွန်းသည်တွေကို ပထမဆုံး နှုတ်နဲ့ တားမြစ်ရမှာဖြစ်ပြီး၊ နားမထောင်ဘူးဆိုရင်တော့ ဒီအ၀တ်လျှော်တုတ်နဲ့ ဆုံးမဖို့ သတို့သမီးတွေကို ပြောကြားခဲ့ပါတယ်။

AFP သတင်းဌာနဲ့ တွေ့ဆုံမေးမြန်းမှုမှာ ဘာရ်ဂါဗာက အိန္ဒိယရဲ့ ကျေးလက်ဒေသမှာရှိတဲ့ အမျိုးသမီးတွေ အရက်သမားယောက်ျားတွေရဲ့ နှိပ်စက်ငြှင်းပမ်းခံနေရတဲ့ ဒုက္ခတွေကို လူတွေသိစေလိုတဲ့ ရည်ရွယ်ချက်နဲ့ ဒီလိုပြုလုပ်တာဖြစ်တယ်လို့ ဖြေကြားခဲ့ပါတယ်။

“ယောက်ျားက အရက်မူးလာတိုင်း ရိုက်နှက်ခံရတယ်လို့ အမျိုးသမီးတွေက ပြောပါတယ်။ သူတို့စုထားတဲ့ ပိုက်ဆံတွေကို ယူသွားပြီး အရက်သောက်ပစ်ပါတယ်။ အမျိုးသမီးတွေကို လှုံ့ဆော်ဖို့၊ ဒါမှမဟုတ် အကြမ်းဖက်ဖို့ ဆွပေးတယ်ဆိုတဲ့ ရည်ရွယ်ချက် မရှိပါဘူး။ ဒါပမယ့် ဒီ တုတ်က သူတို့ အကြမ်းဖက်ခံရတာကို တားမြစ်ဖို့ပါ” လို့ ၀န်ကြီးချုပ်က ပြောပါတယ်။

ဝန်ကြီးချုပ်ဟာ အသစ်စက်စက် သတို့သမီးတွေကို အ၀တ်လျှော်တုတ်ပေါင်း ၁၀၀၀၀ လောက် ဝေငှဖို့လည်း အမိန့်ထုတ်ထားပါတယ်။

ပြီးခဲ့တဲ့နှစ်တွေအတွင်းမှာ အိန္ဒိယနိုင်ငံက ပြည်နယ်တော်တော်များများဟာ အရက်ကြောင့်ဖြစ်တဲ့ အကြမ်းဖက်မှုတွေကို တားဆီးဖို့အတွက် အရက်ကို ပိတ်ပင်တာ၊ ကန့်သတ်တာမျိုးတွေ လုပ်ခဲ့ပါတယ်။

ပြီးခဲ့တဲ့နှစ်ကလည်း တမီလ်နာဒူးပြည်နယ် အစိုးရဟာ ရွေးကောက်ပွဲပြန်ဝင်တဲ့အချိန် မဲဆွယ်မှုမှာ အရက်ကို လုံးဝ တားမြစ်ပိတ်ပင်ပေးမယ်လို့ ပြောကြားခဲ့ပါတယ်။

ဒီလိုကတိဟာ အမျိုးသမီးတွေကြားထဲမှာ ရေပန်းစားခဲ့ပြီး သူတို့က ပြည်နယ်အတွင်းမှာ ဖြစ်နေတဲ့  လိင်ပိုင်းဆိုင်ရာ အကြမ်းဖက်မှုတွေ၊ ဆင်းရဲတဲ့မိသားစုတွေရဲ့ ၀င်ငွေလျော့ပါးမှုတွေဟာ အရက်ကြောင့်ဖြစ်တယ်လို့ မှတ်ယူထားကြပါတယ်။

Ref: CNA