ကင်ဂျုံအန်နှင့် တွေ့ဆုံရလျှင် ဂုဏ်ယူမိမည်ဟု ထရမ့်ပြော

မေ ၂၊ ၂၀၁၇
M-Media

– မြောက်ကိုရီးယားခေါင်းဆောင် ကင်ဂျုံအန်နှင့် မှန်ကန်သော အခြေအနေတွင် တွေ့ဆုံရမည်ဆိုပါက မိမိအနေဖြင့် ဂုဏ်ယူမိမည်ဟု အမေရိကန်သမ္မတ ဒေါ်နယ်ထရမ့်က ယမန်နေ့တွင် ပြောကြားလိုက်ပြီး မြောက်ကိုရီးယားနှင့် ပတ်သက်၍ စစ်ရေး ခြိမ်းခြောက်မှု အရှိန်ကို လျှော့ချလိုက်ခြင်းလည်း ဖြစ်သည်။

ကိုရီးယားကျွန်းဆွယ်တွင် တင်းမာမှုများကို ပိုမိုမြင့်တက်လာနိုင်စေမည့် ၆ ကြိမ်မြောက် နျူကလီးယား စမ်းသပ်မှုကို ပြုလုပ်မည်ဟု မြောက်ကိုရီးယားက ခြိမ်းခြောက်ထားသည့် အချိန်တွင် ထရမ့်၏ ယခုကဲ့သို့ ပြောဆိုမှုက သံတမန်ရေးလမ်းကြောင်းတစ်ခု ကမ်းလှမ်းမှုလည်း ဖြစ်သည်။

“သူနဲ့ကျွန်တော် တွေ့ဆုံရခြင်းဟာ သင့်လျော်မယ်ဆိုတာ သေချာပါတယ်။ အဲဒီလိုဖြစ်ရင် ကျွန်တော် ဂုဏ်ယူမိမှာပါ။ မှန်ကန်တဲ့ အခြေအနေမျိုးမှာတော့ ဖြစ်ဖို့လိုပါတယ်။ ကျွန်တော့် လုပ်သွားမှာပါ” ဟု ထရမ့်က ပြောကြားခဲ့သည်။

ပြီးခဲ့သည့် သီတင်းပတ်များအတွင်း ထရမ့်မှာ မြောက်ကိုရီးယားကို ပြင်းထန်သည့် သတိပေးမှုများ ပြလုပ်ခဲ့ပြီး၊ စစ်ရေးအရ အရေးယူမှုကိုပင် စဉ်းစားထားသည်ဟု ပြောကြားခဲ့သည်။

မြောက်ကိုရီးယားက မိမိတို့အနေဖြင့် ၆ ကြိမ်မြောက် နျူလက်နက် စမ်းသပ်ရန် ပြင်ဆင်နေပြီး ခေါင်းဆောင်က သတ်မှတ်ပေးသည့် မည်သည့်အချိန်၊ မည်သည့်နေရာတွင်မဆို ပေါ်ထွက်လာမည်ဟု ယမန်နေ့တွင် သတိပေးခဲ့သည်။

ထို့ပြင် အမေရိကန်နေဖြင့် ၎င်းတို့၏ ရန်လိုသော ပေါ်လစီများကို နောက်မဆုတ်ပါက ကြိုတင် လက်ဦးမှု ရယူတိုက်ခိုက်သွားမည်ဟုလည်း မြောက်ကိုရီးယား နိုင်ငံခြားရေး ၀န်ကြီးဌာနက ထုတ်ပြန်သည့် ကြေငြာချက်တွင် ဖော်ပြထားသည်။

Ref: CNA