တောင်ကိုရီးယားရှိ အမေရိကန်ဒုံးခွင်းစနစ် စတင်လည်ပတ်

မေ ၂၊ ၂၀၁၇
M-Media

– တောင်ကိုရီးယားတွင်ရှိနေသည့် မိမိတို့၏ THAAD ဒုံးခွင်းစနစ်မှာ ကနဦး ကြားဖြတ်ဟန့်တားနိုင်စွမ်း ရရှိနေပြီဟု အမေရိကန် ကာကွယ်ရေးဆိုင်ရာ တာဝန်ရှိသူများက ပြောကြားလိုက်သည်။

အမည်မဖေါ်လိုသည့် အမေရိကန် တာဝန်ရှိသူတစ်ဦးက AFP သတင်းဌာနသို့ ယမန်နေ့တွင် ထိုကဲ့သို့ ပြောကြားလိုက်ခြင်းဖြစ်ပြီး၊ Reuters သတင်းဌာနကလည်း အမည်မဖော်လိုသည့် အခြား တာဝန်ရှိသူများကို ကိုးကား၍ ထိုသတင်းကို အတည်ပြုခဲ့သည်။

သို့သော်လည်း လာမည့် လအနည်းငယ်အတွင်း THAAD မှာ အပြည့်အ၀ လည်ပတ်နိုင်အုံးမည်မဟုတ်ဟု ဆိုသည်။

တရုတ်နိုင်ငံက အဆိုပါ ဒုံးခွင်းနစ်မှာ မိမိတို့၏ ဒုံးကျည်စွမ်းဆောင်နိုင်မှုကို အားနည်းစေပြီး ဒေသတွင်း လုံခြုံရေး မျှတမှုကို ထိခိုက်စေသည်ဟု ပြောကြားကာ ကန့်ကွက်ခဲ့သော်လည်း အမေရိကန်နှင့် တောင်ကိုရီးယားတို့က ဆက်လက်ဆောင်ရွက်ခဲ့ကြသည်။

မြောက်ကိုရီးယားက ဒုံးကျည်များ ဆက်တိုက် ပစ်လွှတ်ခဲ့ပြီးနောက် ကိုရီးယားကျွန်းဆွယ်တွင် တင်းမာမှုများ မြင့်တက်လာချိန်တွင် တောင်ကိုရီးယား၌ ယခုကဲ့သို့ THAAD ဒုံးခွင်းစနစ် ချထားမှု ပေါ်ပေါက်လာခြင်းဖြစ်သည်။

Ref: Aljazeera