IS ၏လုပ်ရပ်များ တမန်တော်မုဟမ္မဒ်၏ သွန်သင်မှုနှင့် ဆန့်ကျင်ကြောင်း သုတေသနတစ်ခုက ဖော်ပြ

မေ ၃၊ ၂၀၁၇
M-Media

– IS လို့ခေါ်တဲ့ အကြမ်းဖက်အဖွဲ့က ခရစ်ယာန်တွေအပေါ်မှာ ညှင်းပမ်းနှိပ်စက်တာတွေဟာ တမန်တော်မုဟမ္မဒ်သခင်ရဲ့ လုပ်ရပ်တွေနဲ့ တစ်ခြားစီဖြစ်နေတယ်လို့ ၂၀၁၆ ခုနှစ် နှစ်ဆန်းပိုင်းက ပြုလုပ်ခဲ့တဲ့ သုတေသနတစ်ခုမှာ တွေ့ရှိခဲ့ရပါတယ်။

ခရစ်သက္ကရာဇ် ၆၂၂ ခုနှစ်ကနေ ၆၃၂ ခုနှစ်အထိ တမန်တော်မုဟမ္မဒ် ရေးသားခဲ့တဲ့ ပဋိဉာဏ်စာတမ်းတွေကို လေ့လာမှုအရ ခရစ်ယာန်တွေဟာ ‘အွမ္မဟ်’ လို့ခေါ်တဲ့ မွတ်စလင်လူ့အဖွဲ့အစည်းမှာ နေထိုင်ကာ ကာကွယ်စောင့်ရှောက်မှုကို ရရှိခဲ့တယ်လို့ ဖော်ပြနေပါတယ်။

ဒီသုတေသနကို ပြုလုပ်ခဲ့သူ စာရေးဆရာ ခရေ့ဂ်ျ ကွန်စီဒိုင်းက တမန်တော်မုဟမ္မဒ် ထားရှိခဲ့တဲ့ မွတ်စလင်နိုင်ငံဆိုတဲ့ ရည်မှန်းချက်မှာ ဘာသာပေါင်းစုံဝါဒနဲ့ နိုင်ငံသားအခွင့်အရေးတွေ ပါဝင်တယ်လို့ ဆိုပါတယ်။

“ခရစ်ယာန်တွေကို ညှင်းပမ်းတဲ့၊ ခွဲခြားဆက်ဆံတဲ့ လက်ရှိ IS အကြမ်းဖက်အဖွဲ့ဟာ တမန်တော်မုဟမ္မဒ်ရဲ့ ပဋိဉာဏ်စာတမ်းတွေနဲ့ တန်းညှိလို့ကို မရပါဘူး” လို့ သူက ပြောပါတယ်။

တက္ကဆက်ပြည်နယ် Rice တက္ကသိုလ်က ဒေါက်တာ ခရေ့ဂ်ျ ကွန်စီဒိုင်းက ဒီပဋိဉာဏ်စာတမ်းတွေကို ပြန်လည်တွေ့ရှိ ဖော်ထုတ်နိုင်တာဟာ မွတ်စလင်ဆန့်ကျင်ရေး သဘောထားတွေကို လျော့ကျစေလိမ့်မယ်လို့ ယုံကြည်နေပါတယ်။

ပြီးတော့ ဒီအထောက်အထားတွေဟာ ‘အစ္စလာမ့်မစ် အစွန်းရောက်ဝါဒနဲ့ အစ္စလာမ်ကြောက်ရောဂါ တွေကို ကုသနိုင်မယ့် ဆေးဝါးတစ်ခု’ အဖြစ် ရှုမြင်နိုင်မှာဖြစ်ကြောင်းလည်း သူက ဆိုပါတယ်။

“တမန်တော်မုဟမ္မဒ်ဟာ မေတ္တာတရားနဲ့ ငြိမ်းချမ်းရေးကို အဓိကထားပါတယ်။ ဒီတရားတွေက အမေရိကန်လူ့အဖွဲ့အစည်း – တကယ်တော့ ကမ္ဘာကြီးတစ်ခုလုံး လက်ရှိ ပိုပြီးလိုအပ်နေတဲ့ အရာတွေ ဖြစ်ပါတယ်”

ဒေါက်တာ ခရေ့ဂ်ျကွန်စီဒိုင်းရဲ့ အဆိုအရ တမန်တော်မုဟမ္မဒ်သခင်ရဲ့ ဒီ ပဋိဉာဏ်စာတမ်းတွေဟာ ကမ္ဘာတစ်ဝှမ်းက ခရစ်ယာန်ဘုရားကျောင်းတွေမှာ တည်ရှိနေပြီး၊ ရာစုနှစ်ပါင်းများစွာ တိမ်မြုပ်ပျောက်ကွယ်နေတယ်လို့ သိရပါတယ်။ နောက်ပြီး လူသိများစေမယ့် ဘာသာပြန်ဆိုဖော်ပြမှုတွေ မပြုလုပ်နိုင်ခဲ့ပါဘူး။

“အီရတ်နဲ့ ဆီးရီးယားတို့လို နိုင်ငံတွေမှာ ခရစ်ယာန်တွေအပေါ် အကြမ်းဖက်မှုတွေ ကျယ်ကျယ်ပြန့်ပြန့် ဖြစ်လာတာကြောင့် ပညာရှင်တွေ၊ ယုံကြည်သူတွေက ဒီစာတမ်းတွေဖက်ကို အာရုံလှည့်လာပါတယ်။ တမန်တော်မုဟမ္မဒ်က ခရစ်ယာန်တွေအပေါ်မှာ အန္တရာယ် မကျရောက်စေချင်သလို၊ သူတို့ရဲ့ တစ်ကိုယ်ရည်လွတ်လပ်ခွင့်ကို နှောက်ယှက်တာ၊ ပိုင်နက်တွေကို ကျူးကျော်တာမျိုးလည်း မလုပ်ပါဘူး။ အုပ်စုတစ်ခု ဒါမှမဟုတ် အုပ်စု အများကြီးကို ပစားပေးတာဟာ နိုင်ငံသားတွေကို လူမျိုး၊ ယဉ်ကျေးမှုနောက်ခံအပေါ် အခြေခံပြီး တန်ဖိုးချတာပါပဲ” လို့ ဒေါက်တာ ကွန်စီဒိုင်းက ပြောကြားခဲ့ပါတယ်။

Ref: Independent