ဗြိတိန် ဂါးဒီးယန်းသတင်းစာမှ မြန်မာနိုင်ငံနှင့်ပတ်သက်သည့် အယ်ဒီတာ့အာဘော် (ဘာသာပြန်)

မေ ၄၊ ၂၀၁၇
M-Media

ရောမတွင် အီတလီဝန်ကြီးချုပ်နှင့် တွေ့ဆုံရန် စောင့်ဆိုင်းနေသည့် ဒေါ်အောင်ဆန်းစုကြည်

– ၂၀၁၂ ခုနှစ်မှာ ဒေါ်အောင်ဆန်းစုကြည်ဟာ သူ့ရဲ့ နိုဘယ်ငြိမ်ချမ်းရေးဆုကို ကိုယ်တိုင် တက်ရောက်ရယူခဲ့တဲ့အချိန် နိုဘယ်ဆုရွေးချယ်ရေးကော်မတီဥက္ကဌက လူ့အခွင့်အရေးနဲ့ ဒီမိုကရေစီအရေး ရုန်းကန်လှုပ်ရှားရာမှာ သူမရဲ့ ‘ခိုင်မာတဲ့ မူဝါဒ’ က ‘တစ်ကမ္ဘာလုံးအတွက် အမူအကျင့်ပိုင်းဆိုင်ရာ ခေါင်ဆောင်’ ဖြစ်စေခဲ့တယ်လို့ ပြောကြားခဲ့ပါတယ်။ ရခိုင်ပြည်နယ်က ရိုဟင်ဂျာလူနည်းစုတွေ ညှင်းပမ်းနှိပ်စက်ခံရမှုအပေါ် ၀န်ခံပြောဆိုခြင်းမရှိတာကြာင့် နိုင်ငံရေးအကျဉ်းသားဟောင်းတစ်ဦးဖြစ်ခဲ့တဲ့ သူမရဲ့ ကိုယ်ကျင့်သိက္ခာရေးရာ ယုံကြည်ကိုးစားရမှုဟာ မပြိုလဲသည့်တိုင်အောင် အာဏာရယူပြီးကတည်းက တော်တော်လေး မှေးမှိန်လာခဲ့ပါတယ်။ နိုဘယ်ငြိမ်းချမ်းရေးဆုရှင် တော်တော်များများကလည်း ‘လူမျိုးစုလိုက်ရှင်းလင်းခြင်း၊ လူသားထုအပေါ် ကျူးလွန်တဲ့ ရာဇ၀တ်မှုတွေလို့ သတ်မှတ်ရလောက်တဲ့ လူသားဆိုင်ရာဖြစ်ရပ်ဆိုးကြီးတစ်ခု’ ကို ရင်ဆိုင်နေရချိန် သူမက တုန့်ပြန်မှု မရှိတဲ့အတွက် စိတ်မကောင်းဖြစ်ရတယ်လို့ ဖွင့်ဟလာကြပါတယ်။

အင်္ဂါနေ့က ဥရောပသမဂ္ဂ နိုင်ငံခြားရေးရာအကြီးအကဲ ဖက်ဒရီကာ မို့ဂ်ဟီရီနီနဲ့ တွေ့ဆုံမှုနောက်မှာတော့ ဒေါ်အောင်ဆန်းစုကြည်နဲ့ သူမဘက်က ကာလရှည် ရပ်တည်လာတဲ့ နိုင်ငံတကာက ထောက်ခံသူတွေအကြား သဘောထားကွဲလဲမှု မြင့်တက်လာတာကို မြင်တွေ့ခဲ့ရပါတယ်။ (ရခိုင်ဒေသမှာ) စစ်တပ်နဲ့ လုံခြုံရေးတပ်ဖွဲ့တွေက (ရိုဟင်ဂျာတွေအပေါ်) အဓ္ဓမပြုကျင့်တယ်၊ သတ်ဖြတ်တယ်၊ ညှင်းပမ်းနှိပ်စက်ဆိုတဲ့ စွပ်စွဲချက်အတွက် အချက်အလက်ရှာဖွေရးအဖွဲတစ်ခု စေလွှတ်ဖို့ ကုလသမဂ္ဂ လူ့အခွင့်အရေးကောင်စီရဲ့ ဆုံးဖြတ်ချက်ကို ဥရောပသမဂ္ဂက ထောက်ခံတယ်လို့ ပြောပါတယ်။ သူမကတော့ ဒီဆုံးဖြတ်ချက်ဟာ ‘မြေပြင်မှာ တကယ်ဖြစ်နေတာတွေနဲ့ ကိုက်ညီမှု မရှိ’ လို့ အခိုင်အမာ ပြောကြားခဲ့ပြီး အခြေအနေတွေ ပိုဆိုးစေမယ်လို့လည်း ဆိုပါတယ်။

မွတ်စလင်တွေဖြစ်တဲ့ နိုင်ငံမဲ့ ရိုဟင်ဂျာတွေဟာ ဆယ်စုနှစ်များစွာ ဖိနှိပ်ညှင်းပမ်းမှုကို ခံခဲ့ရပါတယ်။ ၂၀၁၂ ခုနှစ် သတ်ဖြတ်မှုတွေမှာ လူ ၂၀၀ လောက် သေဆုံးခဲ့ပြီး ၁၄၀၀၀၀ ၀န်းကျင်ဟာလည်း ထွက်ပြေးခဲ့ရကာ ထိန်းသိန်းရေးစခန်းလို့ ခေါ်ရမယ့် နေရာတွေမှာ နေထိုင်နေရပါတယ်။ ၂၀၁၅ ခုနှစ်မှာ လန်ဒန်မြို့ Queen Mary တက္ကသုိုလ် International State Crime Initiative က မြန်မာနိုင်ငံဟာ ရခိုင် အမျိုးသားရေးအစွန်းရောက်တွေ၊ လူမျိုးရေးအစွန်းရောက် ဗုဒ္ဓဘာသာဘုန်းကြီးတွေ၊ လုံခြုံရေးတပ်ဖွဲ့ဝင်တွေ ပူးပါင်းပြီး လူမျိုးတုန်းသတ်ဖြတ်မှု လုပ်နေတယ်လို့ ကောက်ချက်ချခဲ့ပါတယ်။ ရိုဟင်ဂျာ စစ်သွေးကြွတွေက နယ်ခြားစောင့်ရဲစခန်းတွေကို တိုက်ခိုက်ပြီးနောက်ပိုင်း ပြီးခဲ့တဲ့ အောက်တိုဘာက ရခိုင်ပြည်နည်မြောက်ပိုင်းမှာ စစ်တပ်ကပြုလုပ်တဲ့ ‘နယ်မြေရှင်းလင်းမှု စစ်ဆင်ရေး’ တွေကြောင့် ရိုဟင်ဂျာ
သောင်းနဲ့ချီ ထွက်ပြေးခဲ့ရပြီး – ကုလက ထုတ်ပြန်တဲ့ အစီရင်ခံစာမှာတော့ အုပ်စုဖွဲ့ အဓမ္မပြုကျင့်မှု၊ ကလေးငယ်တွေကို သတ်ဖြတ်မှု အပါအ၀င် စွပ်စွဲချက်တော်တော်များများကို အသေးစိတ် ဖော်ပြထားပါတယ်။

ဒေါ်အောင်ဆန်းစုကြည် အာဏာမရခင် သူ့ကိုကာကွယ်သူတွေက သူမဟာ သူမရဲ့ အချိန်တွေကို အသုံးချနေပြီး မြန်မာနိုင်ငံက တိုင်းရင်းသားလူနည်းစုတွေရဲ့ ပြဿနာ (အဲဒီအထဲမှာ ရိုဟင်ဂျာတွေက အဆိုးဝါးဆုံးဖြစ်နေတယ်) တွေကို သင့်လျော်တဲ့အချိန်မှာ ဖြေရှင်းပေမယ်လို့ ပြောကြပါတယ်။ အခုအချိန်မှာတော့ သူတို့က သူမမှာ လုပ်ပိုင်ခွင့်မရှိဘူးလို့ ဆိုကြပြန်ပါတယ်။ အထူးသဖြင့် နယ်စပ်ဒေသတွေမှာ စစ်တပ်က ချယ်လှယ်နေတယ်။ ဒါက ဖွဲ့စည်းပုံအခြေခံဥပေဒမှာ ဖော်ပြထားတဲ့အတိုင်း ဖြစ်ပါတယ်။ အခြေခံဥပဒေက စစ်တပ်ကို အစိုးရအဖွဲ့ရဲ့ အရေးပါတဲ့နေရာတွေကို ပေးထားရုံသာမက အုပ်ချုပ်ရေးယန္တယားရဲ့ အစိတ်အပိုင်းတော်တော်များများကိုလည်း ဗိုလ်ချုပ်တွေကို ထိန်းချုပ်ခွင့်ပေးထားပါတယ်။ ဒေါ်အောင်ဆန်းစုကြည်ဟာ မွတ်စလင်ဆန့်ကျင်တဲ့ အမျိုးသားရေးဝါဒ လှိုင်းလုံးတစ်ခုကိုလည်း ရင်ဆို
င်နေရပါတယ်။ ဒါပေမယ့် သူမရုံးကလွှင့်တင်ထားတဲ့ ၀ဘ်ဆိုက်မှာ စစ်တပ်က လိင်ပိုင်းဆိုင်ရာ စော်ကားမှုတွေ ကျူးလွန်တယ်ဆိုတဲ့ သတင်းတွေကို မှေးမှိန်အောင်လုပ်ဖို့အတွက် ‘လုပ်ကြံ အဓမ္မမှု’ ဆိုတဲ့စကားလုံးကို ၀ဘ်ဆိုက်တစ်ခုလုံးမှာ မပြတ်တမ်း သုံးစွဲထားပါတယ်။ လူသားတစ်ချို့ရဲ့ အခွင့်အရေးက အခြားသူတွေထက် ပိုပြီး အရေးကြီးနေပုံပါပဲ။

တကယ်တော့ ကုလစုံစမ်းစစ်ဆေးရေးအဖွဲ့ဟာ ဟန့်တားနှောက်ယှက်မှုမရှိဘဲ စုံစမ်းစစ်ဆေးနိုင်ရပါမယ်။ မြန်မာနိုင်ငံမှာ ဂျာနယ်လစ်တွေ၊ အန်ဂျီအိုတွေ၊ ပညာရှင်တွေနဲ့ အခြားသာ သုတေသနပညာရှင်တွေကို ပိတ်ဆို့ဟန့်တားတယ်ဆိုတဲ့ မှတ်တမ်းတွေက လက်မခံနိုင်စရာပါပဲ။ ဒါပေမယ့် လူသားထုအပေါ် ကျူးလွန်တဲ့ ရာဇ၀တ်မှုတွေရဲ့ အထောက်အထားဟာ တားမရဆီးမရ ပေါ်ထွက်နေပါတယ်။ အခုလိုအချိန်မှာ မြန်မာနိုင်ငံအပေါ် ဖိအားပိုပေးဖို့အတွက် လမ်းကြောင်းအချို့ကို သုံးရပါမယ်။ လူမျိုးရေး၊ ဘာသာရေး အမုန်းတရားတွေကို ရင်ဆိုင်ဖို့ အရပ်ဖက်အဖွဲ့အစည်းတွေနဲ့ အတူတွဲလုပ်တာဟာ – ရန်လိုမှုတွေ ကျယ်ကျယ်ပြန့်ပြန် ရှိနေတာကြောင့် – တော်တော်လေး ခက်ခဲပါတယ်။ ဒါပေမယ့် တက်ကြွလှုပ်ရှားသူတွေကတော့ ဒီလိုဆောင်ရွက်ဖို့ အရေးကြီးတယ်လို့ ဆိုပါတယ်။ နိုင်ငံခြားတိုင်းပြည်တွေကအစိုးရတွေကလည်း နိုင်ငံသားအခွင့်အရေးနဲ့ လူ့အခွင့်အရေးအပေါ် ထင်ထင်ရှားရှား အားပေးဆောင်ရွက်မှုအပေါ် မူတည်ပြီး မြန်မာနိုင်ငံနဲ့ ကုန်သွယ်ရေး၊ အခြားသော သဘောတူစာချုပ်တွေ ချုပ်ဆိုတာမျိုးနဲ့ ဒီကိစ္စမှာ ပါဝင်ဆောင်ရွက်နိုင်ပါတယ်။ မြန်မာနိုင်ငံမှာ စီးပွားရေးလုပ်နေတဲ့ လုပ်ငန်းတွေကိုလည်း သူတို့ရဲ့ အကျင့်အမူပိုင်းဆိုင်ရာ တာဝန်တွေနဲ့ပတ်သက်ပြီး ဖိအားပေးရပါမယ်။ ရိုဟင်ဂျာတွေကတော့ ဒေါ်အောင်ဆန်းစုကြည် ဒါမှမဟုတ် နောက်ထပ် အစီရင်ခံစာတွေကို စောင့်လို့ရတော့မှာ မဟုတ်ပါဘူး။

Ref : The Guardian

(The Guardian ၀ဘ်ဆိုက်တွင် ဖော်ပြထားသည့် The Guardian view on Myanmar: some humans have more rights than others အယ်ဒီတာ့အာဘော်ကို လေးမောင်က ဆီလျော်အောင် ဘာသာပြန်ဆိုသည်)