ယာဉ်ထိန်းရဲအား လက်ဖက်ရည်ဖိုးပေးသည့် မလေးနိုင်ငံသားတစ်ဦးကို စင်ကာပူ ထောင်ချ

မေ ၅၊ ၂၀၁၇
M-Media

– ဆိုင်ကယ်ဦးထုပ် မေးသိုင်းကြိုးမတပ်ထားသည့်အတွက် ဖမ်းဆီးသော ယာဉ်ထိန်းရဲကို လာဘ်ထိုးရန် ကြိုးစားခဲ့သည့် မလေးရှားနိုင်ငံသား ဆောက်လုပ်ရေးလုပ်သားတစ်ဦးကို စင်ကာပူက ယမန်နေ့တွင် ထောင်ဒဏ် ၄ ပတ် ချမှတ်ခဲ့သည်ဟု သိရသည်။

ပြင်ဒဏ်ချမှတ်ခံရသူမှာ အသက် ၃၀ အရွယ် ဆန်းကျားဝွန်ဆိုသူ ဖြစ်ပြီး ဇန်န၀ါရီ ၁၁ ရက်နေ့က ၀ုဒ်လန်း ဂိတ်မှ စင်ကာပူနိုင်ငံသို့ ၀င်ရောက်လာပြီးနောက် ဘူကစ် တီမဟ် အဝေးပြေးလမ်း၌ ဦးထုပ်ကို မေးသိုင်းကြိုးမပတ်ဘဲ ဆိုင်ကယ်စီးနင်းနေစဉ် ပတ္တရောင်လှည့်နေသည့် ယာဉ်ထိန်းရဲတစ်ဦးက တွေ့ရှိခဲ့သည်။

ထို့နောက် ယာဉ်ထိန်းရဲက မေးသိုင်းကြိုးမပတ်သည့်အတွက် ရုံးမှ ဆင့်ခေါ်မှုကို ခံရကာ၊ စင်ကာပူဒေါ်လာ ၁၂၀ ဒဏ်ငွေပေးဆောင်ရမည်ဟု ပြောသည့်အခါ ဆန်းကျားဝွန်က မိမိမှာ မလေးရှားနိုင်ငံ ဂျိုဟိုးဘာရူးမှ တစ်ပတ်လျှင် ၃ ကြိမ် ဆောက်လုပ်ရေးလုပ်ငန်းကို လာရောက်လုပ်ကိုင်ခြင်းဖြစ်ပြီး၊ တစ်နေ့လျင် ဒေါ်လာ ၈၀ သာရကြောင်း၊ လုပ်အားခ မရသည်မှာလည်း ရက်အနည်းငယ် ကြာပြီဖြစ်ကြောင်း ပြောကြားခဲ့သည်။

ထို့ပြင် ဒဏ်ငွေမဆောင်ရရန်အတွက် လက်ဖက်ရည်ဖိုး စင်ကာပူဒေါ်လာ ၃၀ ကို ယာဉ်ထိန်းရဲ၏ အိပ်ကပ်ထဲသို့ ထည့်ပေးခဲ့ပြီး၊ ထိုနေရာမှတွင်ပင် ဖမ်းဆီးခံခဲ့ရကာ လာဘ်ငွေပေးရန် ကြိုးစားမှုဖြင့် တရားစွဲဆို ခံခဲ့ရသည်။

တရားရုံးတွင် ဆန်းဂျားဝွန်က မိမိအနေဖြင့် မှားယွင်းလုပ်ဆောင်ခဲ့ခြင်းဖြစ်ပြီး သက်ညှာပေးရန် တောင်းဆိုပါကြောင်း၊ မိခင်ကြီးမှာ ခွဲစိတ်ကုသမှု ပြုလုပ်ထားရသည့်အတွက် ထောင်ဒဏ် ၄ ပတ်ကို ၂ ပတ်မှ လေးပိတ်အထိ ရွှေ့ဆိုင်းပေးရန် လျှောက်ထားပါကြောင်း ပြောကြားခဲ့သော်လည်း တရားရုံးက လက်မခံခဲ့ဘဲ ယမန်နေ့တွင် ချက်ခြင်းဖမ်းဆီးကာ ထောင်ဒဏ် ချမှတ်ခဲ့သည်။

စင်ကာပူဥပဒေအရ ရဲတပ်ဖွဲ့အား လာဘ်ငွေပေးရန် ကြိုးစားမှုအတွက် အမြင့်ဆုံး ထောင်ဒဏ် ၅ နှစ် သို့မဟုတ် ဒဏ်ငွေ စင်ကာပူဒေါ်လာ ၁ သိန်း ချမှတ်ခံရနိုင်သည်။

Ref: CNA