အိန္ဒိယတွင် ဈေးသက်သာသည့် ၀ိုင်ဖိုင်ကွန်ယက် ၂ သောင်း Facebook စီစဉ်ပေးမည်

မေ ၅၊ ၂၀၁၇
M-Media

– လာမည့်လများအတွင်း အိန္ဒိယနိုင်ငံတစ်ဝှမ်း၌ ဈေးပေါပေါဖြင့် အင်တာနက် အသုံးပြုနိုင်ရန် နေရာ ၂ သောင်းတွင် ၀ိုင်ဖိုင်ကွန်ယက် စီစဉ်ပေးသွားမည်ဟု Facebook က ယမန်နေ့တွင် ပြောကြားလိုက်သည်။

အိန္ဒိယ ဆက်သွယ်ရေး ၀န်ဆောင်မှုလုပ်ငန်း Bharti Airtel နှင့် ပူးပေါင်းကာ ဆောင်ရွက်သွားမည်ဖြစ်ပြီး  ၂ နှစ်ကြာမြင့်မည့် စမ်းသပ်မှုအစီအစဉ်ဖြစ်သည်။

ပြည်သူများမှာ တစ်နေ့လျှင် ၁၀ ရူပီး (၀.၁၅ ဒေါ်လာ) ခန့်နှင့် တစ်နေ့စာ၊ တစ်ပတ်စာ သို့မဟုတ် တစ်လစာ ၀ယ်ယူသုံစွဲနိုင်မည်ဖြစ်သည်။ လက်ရှိ Facebook မှာ အခြား အင်တာနက်ဝန်ဆောင်မှုပေးသည့် ကုမ္ပဏီများနှင့် ပူးပေါင်း၍ အိန္ဒိယရှိ ပြည်နယ် ၄ ခုတွင် ၀ိုင်ဖိုင်ကွန်ယက် ၇၀၀ ကို စီစဉ်ပေးထားသည်။

Google ကမူ အိန္ဒိယနိုင်ငံရှိ ဘူတာရုံပေါင်း ၁၀၀ တွင် ၀ိုင်ဖိုင်ဖြင့် အခမဲ့ အင်တာနက် အသုံးပြုနိုင်ရန် စီစဉ်ပေးထားပြီး အိန္ဒိယအစိုးရကလည်း ကျေးရွာပေါင်း ၁၀၀၀ တွင် အခမဲ့ ၀ိုင်ဖိုင်ရရှိရန် စီစဉ်နေသည်။

Facebook ၏ လက်ရှိ အစီအစဉ်မှာ တစ်လ ပျမ်းမျှဝင်ငွေ ကန်ဒေါ်လာ ၁၆၀ ခန့်သာ ရှိသည့် ကျေးလက်နေ အိန္ဒိပြည်သူများပင် တတ်နိုင်မည်ဖြစ်သည်။

Facebook မှာ ယခင်က Free Basics အမည်ဖြင့် အိန္ဒိယပြည်သူများ အခမဲ့ အင်တာနက်သုံးရန် စီစဉ်ပေးခဲ့သော်လည်း၊ အိန္ဒိယနည်းပညာ ၀န်ဆောင်မှု ကုမ္ပဏီများ၏ ကန့်ကွက်မှုကြောင့် ပြီးခဲ့သည့်နှစ်တွင် ပိတ်ဆို့ ခံခဲ့ရသည်။

Ref: CNN