ဗြိတိန်ရွေးကောက်ပွဲအတွက် Facebook က အကောင့်တု သောင်းချီ ဖျက်ပစ်

မေ ၉၊ ၂၀၁၇
M-Media

– လာမည့်လတွင် ပြုလုပ်မည့် ယူကေ ရွေးကောက်ပွဲအတွက် သတင်းမှားများကို တိုက်ဖျက်သည့်အနေဖြင့် Facebook မှာ အကောင့်ပေါင်း သောင်းချီကို ဖျက်ပစ်ခဲ့ပြီး၊ newsfeed ပုံသဏ္ဍာန်များကိုလည်း ပြောင်းလဲခဲ့သည်ဟု သိရသည်။

ပြီးခဲ့သည့်နှစ် အမေရိကန် ရွေးကောက်ပွဲအတွင်း သတင်းမှားများ၊ လုပ်ကြံသတင်းများ လွှမ်းမိုး ရှိခဲ့ပြီးနောက် ထိုကိစ္စနှင့်ပတ်သက်၍ တုန့်ပြန်မှုများ ပြုလုပ်ရန် Facebook အပေါ် ဖိအားပေးမှုများ မြင့်တက်လာခဲ့သည်။

ပြင်သစ် သမ္မတရွေးကာက်ပွဲမတိုင်ခင် ပြီးခဲ့သည့်လကလည်း Facebook မှာ ပြင်သစ်ရှိ အကောင့်ပေါင်း ၃ သောင်းခန့်ကို ဖျက်ချခဲ့ပြီး၊ နိုင်ငံအတွင်း အခြား အချက်အလက်စစ်ဆေးသည့် နည်းစနစ်များကို အသုံးပြုခဲ့သည်။

ယူကေ ရွေးကောက်ပွဲမှာ ဇွန်လတွင် ကျင်းပမည်ဖြစ်ပြီး၊ ဂျာမနီတွင်လည်း စက်တင်ဘာလတွင် အထွေထွေရွေးကောက်ပွဲ ရှိနေသည်။

ယူကေတွင် Facebook မှာ အန္တရာယ်ရှိသည့် သတင်းမှားများကို သုံးစွဲသူများအား သတိပေးရန်အတွက် ဗြိတိန် သတင်းစာတစ်စောင်နှင့် ကြော်ငြာလှုပ်ရှားမှုတစ်ခုကို ပြုလုပ်ထားသည်။

ထို့ပြင် အသုံးပြုသူတစ်ဦးအနေဖြင့် အကြောင်းအရာတစ်ခုကို ဖတ်လိုက်သော်လည်း မိတ်ဆွေများကို မျှဝေခြင်းမရှိပါက ထိုအကြောင်းအရာမှာ မှားယွင်းနေသည့် ကိစ္စဖြစ်နေသည်လားဆိုသည်ကို ဖော်ထုတ်နိုင်မည့် နည်းပညာတစ်ခုကိုလည်း စမ်းသပ်နေသည်။

Ref : Aljazeera