ဆော်ဒီက ပြည်တွင်းဖြစ် မဟာဗျူဟာမြောက် ဒရုန်းတစ်ခုကို ထုတ်ဖော်ပြသ

မေ ၁၂၊ ၂၀၁၇
M-Media

– ဆော်ဒီ ဘုရင်အဘ်ဒူလ်အဇစ် သိပ္ပံနဲ့ နည်းပညာမြို့တော် (KACST) က သူတို့ရဲ့ ပြည်တွင်းဖြစ် မောင်းသူမဲ့ ဒရုန်းလေယာဉ်သစ်တစ်ခုကို မနေ့က ထုတ်ဖော်ပြသလိုက်ပါတယ်။

Saqr 1 လို့ အမည်ပေးထားတဲ့ အဲဒီ ဒရုန်းလေယာဉ်မှာ အင်မတန် အဆင့်မြင့်တဲ့ နည်းပညာတွေကို အသုံးပြုထားပြီး၊ ကေအေ ဂြိုဟ်တုဆက်သွယ်ရေးစနစ် တပ်ဆင်ထားခြင်းက ဒရုန်းလေယာဉ်ကို အားလုံးထက် သာလွန်ကောင်းမွန်စေခဲ့တာဖြစ်တယ်လို့ KACST ဥက္ကဌ တာရ်ကီ ဘင် ဆာအွဒ် ဘင် မိုဟာမက်က ပြောပါတယ်။

အဲဒီဒရုန်းလေယာဉ်ဟာ ကီလိုမီတာ ၂၅၀၀ ကျော် ပျံသန်းနိုင်ပြီး ဒုံးကျည်၊ လေဆာစနစ်ပါတဲ့ ပဲ့ထိန်းဗုံးတွေလည်း တပ်ဆင်နိုင်ကာ အမြင့်ပေ ကီလိုမီတာ ၅၀၀ ကနေ ၆၀၀၀ အကြားကနေ ပစ်မှတ်တွေကို ပစ်ခတ်နိုင်စွမ်းရှိပါတယ်။

အမြင့်ပေကတော့ ပေ နှစ်သောင်းအထိ တက်နိုင်ပြီး၊ ၂၄ နာရီကြာ ပျံသန်းနိုင်မှာ ဖြစ်ပါတယ်။

KACST ကို ၁၉၇၇ ခုနှစ်ကတည်းက စတင်တည်ထောင်ခဲ့တာဖြစ်ပြီး လွတ်လပ်တဲ့ အဖွဲ့အစည်းတစ်ခုဖြစ်ပါတယ်။ ဒီအဖွဲ့ရဲ့အောက်မှာ သိပ္ပံနဲ့ နည်းပညာ သုတေသန စင်တာပေါင်း များစွာ ရှိနေပါတယ်။

Ref: Alarabiya