ဧရာဝတီတိုင်းဒေသကြီး အစိုးရအဖွဲ့ ဦးဆောင်သည့် ဘာသာပေါင်းစုံ နှီးနှောဖလှယ်ပွဲတစ်ခု ပြုလုပ်

မေ ၁၃၊ ၂၀၁၇
M-Media

– နိုင်ငံအတွင်း ကိုးကွယ်ယုံကြည်ရာမတူသည့် ဘာသာတရားတွေအကြား အမုန်းတရားနဲ့ အမုန်းစကား မပေါ်ပေါက်စေဖို့၊ ပြဿနာအသေးအမွှားတွေကနေ ပဋိပက္ခအသွင် မရောက်စေဖို့၊ ဘာသာပေါင်းစုံ အတူယှဉ်တွဲ နေထိုင်ဖို့အတွက် မေလ ၁၂ ရက်နေ့က ပုသိမ်ဟော်တယ်မှာ ဘာသာပေါင်းစုံတွေ့ဆုံနှီးနှောဖလှယ်ပွဲတစ်ခု ပြုလုပ်ခဲ့ကြတယ်လို့ ဧရာဝတီတိုင်းဒေသကြီး ၀န်ကြီးချုပ် ဦးမန်းဂျော်နီရဲ့ Facebook စာမျက်နှာမှာ ဖော်ပြထားပါတယ်။

ဝန်ကြီးချုပ်က အမှားစကားပြောကြားရာမှာ ဘာသာတရားတိုင်းရဲ့ ဆုံးမသြ၀ါဒအချုပ်ဟာ မေတ္တာတရားဖြစ်ကြောင်း၊ မြန်မာနိုင်ငံကောင်းစားဖို့အတွက် အားလုံး စုပေါင်းကြိုးစားရမှာဖြစ်ကြောင်း၊ တိုင်းပြည်ရဲ့ လွှတ်တော်ဟာ ဘာသာတစ်ခုက ရွေးချယ်ထားတာမဟုတ်ကြောင်း၊ ဘာသာပေါင်းစုံ လူမျိုးပေါင်းစုံက ရွေးချယ်ထားတာဖြစ်ကြောင်း ပြောကြားခဲ့ပါတယ်။

“ကျွန်တော်တို့ နိုင်ငံတော် တည်ဆောက်နိုင်ဖို့အတွက် Peace Maker တွေဖြစ်ကြဖို့၊ တစ်ဦးနဲ့တစ်ဦး ယုံယုံကြည်ကြည်နဲ့ ရဲရဲရင့်ရင့်ရှိပြီး နိုင်ငံတော်အတွက် အလုပ်လုပ်သွားကြပါလို့၊ စုပေါင်းဦးဆောင်မှုမှာ ဖြစ်ကြပါလို့ ပြောကြားရင်း နိဂုံးချုပ်ပါတယ်” လို့ ဦးမန်းဂျော်နီက အမှာစကား ပြောခဲ့ပါတယ်။

အခမ်းအနားမှာ ဗုဒ္ဓဘာသာ၊ ခရစ်ယာန်ဘာသာ၊ ဟိန္ဒူဘာသာနဲ့ အစ္စလာမ်ဘာသာတို့က ဘာသာရေးခေါင်းဆောင်တွေ တက်ရောက်ကာ သြ၀ါဒစကားတွေ ပြောကြားခဲ့ပြီး၊ သက်ဝင်ယုံကြည်ရာ မေတ္တာပို့ ၀တ်ပြုဆုတောင်းမှုများ ပြုလုပ်ခဲ့ကြတယ်လို့လည်း ၀န်ကြီးချုပ်ရဲ့ Facebook စာမျက်နှာမှာ ထည့်သွင်း ဖော်ပြထားပါတယ်။

ဧရာဝတီတိုင်းဒေသကြီး အစိုးရအဖွဲ့နဲ့ ဘာသာပေါင်းစုံ ချစ်ကြည်ညီညွတ်ရေးအဖွဲ့ (ဗဟို) တို့ သီးသန့်တွေ့ဆုံဆွေးနွေးမှုတစ်ခုကိုလည်း ပြုလုပ်ခဲ့ကြပြီး သက်ဆိုင်ရာ ဘာသာဝင် ပုဂ္ဂိုလ်တွေက ဘာသာပေါင်းစုံ အေးချမ်းစွာ အတူယှဉ်တွဲနေထိုင်ရေးအတွက် အကြံပြုဆွေးနွေးခဲ့ကြတယ်လို့လည်း သိရပါတယ်။

Ref: Facebook of မန်းဂျော်နီ