ဘဏ်စာရင်းထဲ ဒ်ါလာ သန်း ၂၀၀ ကျော် ၀င်လာသောကြောင့် ကူဝိတ်အမျိုးသားတစ်ဦး အစိုးရကို တိုင်ကြား

မေ ၁၄၊ ၂၀၁၇
M-Media

– ကူဝိတ်နိုင်ငံက အမျိုးသားတစ်ဦးဟာ သူ့ရဲ့ ဘဏ်စာရင်းထဲမှာ ဘယ်ကမှန်းမသိတဲ့ ကန်ဒေါ်လာ သန်း ၂၀၀ ကျော် ငွေကြေးတွေ ၀င်ရောက်နေတာကို တွေ့ရှိခဲ့ပြီးတဲ့နောက်မှာ ရှေ့နေချုပ်ကို သတင်းပေးပို့ တိုင်ကြားခဲ့တယ်လို့ သိရပါတယ်။

အဲဒီအမျိုးသားဟာ ATM မှာ ငွေထုတ်ဖို့ သွားတဲ့အချိန် ဘဏ်စာရင်းထဲမှာ ကူဝိတ်ဒီနာရ် ၆၃ သန်း ၁ သိန်း (ကန်ဒေါ်လာ ၂၀၆ သန်းကျော်) ကို တွေ့ရှိခဲ့တာကြောင့် တုန်လှုပ်သွားခဲ့ပါတယ်။ ဘယ်က ပို့လဲဆိုတာလည်း ဖော်ပြမထားပါဘူး။

အဲဒီနောက်မှာ သူ့ရဲ့ ဘဏ်စာရင်းကို ဓာတ်ပုံရိုက်ပြီး ရှေ့နေချုပ်ရုံးကို တိုင်ကြားခဲ့ကာ၊ မိမိအနေနဲ့ သံသယတွေ ပေါ်ပေါက်မလာဖို့၊ ဘယ်သူက ပို့လိုက်တယ်ဆိုတာကို သိရှိဖို့ စုံစမ်းစစ်ဆေး စေချင်တယ်လို့ ပြောကြားခဲ့ပါတယ်။

Ref: Alarabiya