ဗဟိုအာဖရိကရှိ ကုလအခြေစိုက်စခန်းကို ခရစ်ယာန်ပြည်သူ့စစ်များ တိုက်ခိုက်

မေ ၁၄၊ ၂၀၁၇
M-Media

– ဗဟိုအာဖရိကနိုင်ငံရှိ ခရစ်ယာန်ပြည်သူ့စစ်များက ကုလအခြေစိုက်စခန်းကို ပြီးခဲ့သည့် ၂ ရက်ဆက်တိုက် တိုက်ခိုက်ခဲ့သည်ဟု ကုလ တာဝန်ရှိသူတစ်ဦးက ယနေ့တွင် ပြောကြားလိုက်ပြီး၊ သီတင်းတစ်ပတ်ကျော်အတွင်း တိုက်ပွဲများ အရှိန်မြင့်လာခြင်းလည်း ဖြစ်သည်။

ကွန်ဂိုနိုင်ငံနှင့် ကပ်နေသည့် ဘန်ဂါဆူမြို့တွင်းနှင့် မြို့တစ်ဝိုက်တွင် ယခုတစ်ပတ်အတွင်း တိုက်ပွဲများဖြစ်ပွားခဲ့ပြီး အရပ်သား အများအပြား သေဆုံးခဲ့သည်။ ထို့ပြင် ဒဏ်ရာရသူများ၊ သေဆုံးသူများကို သယ်ဆောင်ရန် ကုလတပ်ဖွဲ့များ မြို့တွင်းသို့ ၀င်ရောက်သည့်အခါတွင်လည်း ပိတ်ဆို့ တိုက်ခိုက်ခံခဲ့ရသည်။

တနင်္လာနေ့က တိုက်ခိုက်မှုတစ်ခုတွင် ကုလ ငြိမ်းချမ်းရေးတပ်ဖွဲ့ဝင် ၅ ဦး သေဆုံးခဲ့သည်။

ယခုတစ်ပတ်အတွင်း ပြုလုပ်သည့် တိုက်ခိုက်မှုများတွင် တိုက်ခိုက်ရေးသမား ရာနှင့်ချီ ပါဝင်ခဲ့ပြီး အနည်းဆုံး လူ ၃၀ သေဆုံးခဲ့ကာ၊ သေဆုံးသူအရေအတွက် အတိအကျ မရရှိသေးဟု Radio France International က ဒေသတွင်း ရင်းမြစ်တစ်ခုကို ကိုးကား၍ ပြောကြားခဲ့သည်။

“မနေ့က စခန်းကို သူတို့ တိုက်ခိုက်ခဲ့ပြီး ကျွန်တော်တို့လည်း ပြန်ပစ်ခဲ့ပါတယ်။ ပြီးအုံးမယ်လို့ ကျွန်တော်တို့ မထင်ပါဘူး။ တိုက်ခိုက်သူတွေ ပြန်လာနိုင်ဖွယ် ရှိနေပါတယ်” ဟု ကုလတပ်ဖွဲ့မှ ပြောရေးဆိုခွင့်ရှိသူ ဟာဗီး ဗာရ်ဟူဆဲလ်က ပြောကြားခဲ့သည်။

ကုလအတွင်းရေးမှူးချုပ် အန်တိုနီယို ဂူတာရက်စ်က အင်အား ၁၃၀၀၀ ရှိသည့် တပ်ဖွဲ့ကို တိုက်ခိုက်မှုများအတွက် ဒေါသထွက်မိသည်ဟု ပြောကြားခဲ့သည်။ ဗဟိုအာဖရိက၀န်ကြီးချုပ် ဆင်မလိစ် ဆာရန်ဂျီက တိုက်ခိုက်မှုများကို ရှုတ်ခဲ့ပြီး တာဝန်ရှိသူများကို တရားဥပဒေရှေ့မှောက်သို့ ခေါ်ဆောင်သွားမည်ဟု ကြေငြာချက် ထုတ်ပြန်ခဲ့သည်။

ဗဟိုအာဖရိကနိုင်ငံတွင် မွတ်စလင် ဆီလီကာ တိုက်ခိုက်ရေးသမားများက သမ္မတ ဖရန်ကိုအစ် ဘူဇီဇီကို ဖြုတ်ချခဲ့သည့် ၂၀၁၃ ခုနှစ်ကတည်းက ဘာသာမတူ အုပ်စုများအကြား အကြမ်းဖက်တိုက်ခိုက်မှုများ ဖြစ်ပွားခဲ့ပြီး လူနည်းစု ခရစ်ယာန်များမှ အန်တီ-ဘာလာကာ ပြည်သူ့စစ်အဖွဲ့က လက်စားချေမှုများ ပြုလုပ်ခဲ့သည်။

Ref: CNA