နိုင်ငံ၏ ထိပ်တန်းလျှို့ဝှက်ချက်ကို ရုရှားအား ထရမ့်က ပြောပြခဲ့သည်ဟု သတင်းထွက်ပေါ်

မေ ၁၆၊ ၂၀၁၇
M-Media

– အမေရိကန်နိုင်ငံရဲ့ ထိပ်တန်းလျှို့ဝှက် သတင်းအချက်အလက်ကို သမ္မတ ဒေါ်နယ်ထရမ့်က ရုရှားနိုင်ငံခြားရေးဝန်ကြီးနဲ့ တွေ့ဆုံစဉ်မှာ ထုတ်ဖော်ပြောကြားခဲ့တယ်လို့ အစိုးရတာဝန်ရှိသူတွေရဲ့ ပြောကြားမှုကို ကိုးကားပြီး ၀ါရှန်တန်ပို့စ် သတင်းစာက ယမန်နေ့မှာ ဖော်ပြလိုက်ပါတယ်။

IS အကြမ်းဖက်အဖွဲ့နဲ့ ပတ်သက်တဲ့ သတင်းဖြစ်ပြီး ပြီးခဲ့တဲ့တစ်ပတ် အိမ်ဖြူတော်မှာ ရုရှားနိုင်ငံခြားရေးဝန်ကြီး ဆာဂျီ လာဗရော့ဗ်နဲ့ တွေ့ဆုံစဉ်မှာ ပြောကြားခဲ့တာလို့ ဆိုပါတယ်။

ဒါပေမယ့် အမေရိကန်အစိုးရရဲ့ အကြီးတန်း လုံခြုံရေးဆိုင်ရာ တာဝန်ရှိသူ ဒီနာ ပိုဝဲလ်က ဒီသတင်းဟာ မမှန်သတင်းဖြစ်တယ်လို့ ပြောကြားခဲ့ပါတယ်။

“ဒီသတင်းက အမှားပါ။ သမ္မဟာ နှစ်နိုင်ငံစလုံးက ရင်ဆိုင်နေရတဲ့ ဘုံ ခြိမ်းခြောက်မှုတွေကိုသာ ဆွေးနွေးခဲ့တာပါ”

ထရမ့်ရဲ့ အမျိုးသားလုံခြုံရေးဆိုင်ရာအကြံပေး ဗိုလ်ချုပ် အိခ်ျအာရ် မက်မာစတာကလည်း ဒီသတင်းမှားယွင်းကြောင်း ပြောခဲ့ပါတယ်။

ထရမ့်ရဲ့ မဲဆွယ်ရေးအဖွဲ့ဟာ ရုရှားနဲ့ ဆက်သွယ်မှုတွေ ရှိတယ်ဆိုတဲ့သတင်းက ထရမ့်အတွက် ပြဿနာတစ်ရပ်ဖြစ်ခဲ့ပြီး စုံစမ်းစစ်ဆေးမှု တော်တော်များများ ပြုလုပ်မှုကိုလည်း ခံနေရပါတယ်။ ဒါပေမယ့် ထရမ့်ကတော့ ဒါတွေဟာ သတင်းမှာတွေဖြစ်တယ်လို့ ဆိုပါတယ်။

ရွေးကောက်ပွဲ မဲဆွယ်စဉ်အတွင်းမှာ ဒီမိုကရက်တစ်ပြိုင်ဖက် ဟီလာရီကလင်တန်အနေနဲ့ နိုင်ငံခြားရေးဝန်ကြီးအဖြစ် တာဝန်ထမ်းဆောင်စဉ်အချိန်က လျှို့ဝှက်မှတ်တမ်းတွေကို ကိုင်တွယ်မှုနဲ့ပတ်သက်ပြီး ထရမ့်က ဝေဖန်ခဲ့ဖူးပါတယ်။

ပြီးခဲ့တဲ့တစ်ဖက် အိမ်ဖြူတော်မှာ လာဗရော့ဗ်၊ အမေရိကန်နိုင်ဆိုင်ရာ ရရှားသံအမတ် ကစ်လ်ယက်တို့နဲ့ တွေ့ဆုံစဉ် ထရမ့်က ပုံမှန်စီစဉ်ထားမှုကို ပယ်ဖျက်ပြီး လေယာဉ်ပေါ်မှာ ကွန်ပျူတာသုံးတာနဲ့ ဆက်စပ်တဲ့ IS အဖွဲ့ရဲ့ ခြိမ်းခြောက်မှုတွေအကြောင်း အသေးစိတ် ဆွေးနွေးခဲ့တယ်လို့ တာဝန်ရှိသူတွေက ပြောပါတယ်။

ရန်ဖက်နိုင်ငံတစ်ခုကို နိုင်ငံတော်ရဲ့ လျှို့ဝှက်ချက် ပေါက်ကြားစေတာဟာ သာမန်လူတွေအတွက် ဥပဒေချိုးဖောက်မှုဖြစ်ပေမယ့် သမ္မတတစ်ယောက်အနေနဲ့ အစိုးရရဲ့ လျှို့ဝှက်ချက်တွေနဲ့ပတ်သက်လို့ လုပ်ပိုင်ခွင့်ကျယ်ပြန့်တာကြောင့် ဒီကိစ္စဟာ ဥပဒေကို ချိုးဖောက်တာမျိုး မဖြစ်နိုင်ဘူးလို့ ၀ါရှင်တန်ပို့စ်က ထည့်သွင်း ရေးသားထားပါတယ်။

Ref: BBC, Aljazeera