အိန္ဒိယ ဆယ်ကျော်သက်တစ်ဦး ကမ္ဘာ့အသေးဆုံး ဂြိုဟ်တုကို တီထွင်နိုင်

မေ ၁၆၊ ၂၀၁၇
M-Media

– အိန္ဒိယနိုင်ငံ တမီလ်နာဒူးပြည်နယ်က အသက် ၁၈ နှစ်အရွယ် ကျောင်းသားလေး ရီဖသ် ရှာရွတ်ဟာ ကမ္ဘာ့အသေးငယ်ဆုံး ဂြိုဟ်တုလေးကို တီထွင်ခဲ့ပြီး အာကာသနယ်ပယ်မှာ ကမ္ဘာ့စံချိန်သစ်တစ်ခုကို တင်လိုက်နိုင်ပါတယ်။

KalamSat လိုအမည်ပေးထားတဲ့ အဲဒီဂြိုဟ်တုလေးဟာ ၆၄ ဂရမ်သာ အလေးချိန်ရှိပြီး Wallops ကျွန်းက နာဆာ ဂြိုဟ်တုလွှတ်တင်ရေး စခန်းကနေ ဇွန်လ ၂၁ ရက်နေ့မှာ လွှတ်တင်မှာဖြစ်ပါတယ်။ ဒါဟာ အိန္ဒိယကျောင်းသားတစ်ယောက်ရဲ့ စမ်းသပ်မှုကို နာဆာက ပထမဆုံး လွှတ်တင်တာလည်း ဖြစ်ပါတယ်။

ပါလာပတ္တီဆိုတဲ့ ရွာငယ်လေးမှာ နေထိုင်တဲ့ ရီဖသ်က Times of India ကို ပြောကြားရာမှာ မိနစ်ပေါင်း ၂၄၀ ကြာမြင့်မယ့် ဒီခရီးစဉ်မှာ ဂြိုဟ်တုလေးဟာ ကမ္ဘာ့ဆွဲအားမရှိတဲ့ ဟင်းလင်းပြင်မှာ လှည့်ပတ်မှုက ၁၂ မိနစ် ကြာမြင့်မှာ ဖြစ်တယ်လို့ ဆိုပါတယ်။

“ဂြိုဟ်တုလေးရဲ့ အဓိကအခန်းကဏ္ဍက 3-D ပရင့်ထုတ်ထားတဲ့ ကာဘွန်ကြိုးမျှင်ရဲ့ စွမ်းဆောင်ရည်ကို သိရှိဖို့ ဖြစ်ပါတယ်” လို့ သူက ရှင်းပြပါတယ်။

ဒီ ဂြိုဟ်တုလေးကို နာဆာနဲ့ I Doodle Learning အဖွဲ့တို့က ပူးပေါင်းကျင်းပတဲ့ Cubes in Space ပြိုင်ပွဲကနေ ရွေးချယ်တာဖြစ်ပါတယ်။

ဒီပြိုင်ပွဲက ၄ မီတာရှည်တဲ့ ပြွန်လေးထဲမှာ ထည့်လို့ရပြီး အလေးချိန် ၆၄ ဂရမ် အတိအကျရှိမယ့် ဂြိုတုတစ်ခု စမ်းသပ်တည်ဆောက်ဖို့ ရည်ရွယ်တာဖြစ်ပါတယ်။

“ကမ္ဘာတစ်ဝှမ်းက ကွဲပြားတဲ့ ပြွန်ပုံစံ ဂြိုဟ်တုတွေကို ကျွန်တော်တို့ အများကြီး သုတေသနလုပ်ခဲ့ပြီး ကျွန်တော်တို့ဟာက အပေါ့ဆုံးဖြစ်တယ်ဆိုတာကို တွေ့ရှိခဲ့ရပါတယ်” လို့ ရီဖသ်က ပြောကြားခဲ့ကာ ဂြိုဟ်တုကို အဓိကအားဖြင့် သံအမျှင်ထည့်ထားတဲ့ ကာဘွန်ဖိုက်ဘာ ပေါ်လီမာနဲ့ လုပ်တာဖြစ်ပြီး ပစ္စည်းတစ်ချို့ကို နိုင်ငံ
ခြားနဲ့ တစ်ချို့ကို ပြည်တွင်းကနေ ရရှိတယ်လို့ ဆိုပါတယ်။

Ref: Times of India