မြန်မာနိုင်ငံ၏ ပြည်တွင်းငြိမ်းချမ်းရေးတွင် ဆက်လက်ကူညီမည်ဟု တရုတ်ပြော

မေ ၁၇၊ ၂၀၁၇
M-Media

– မြန်မာနိုင်ငံ ငြိမ်းချမ်းရေး ရရှိရန်အတွက် တရုတ်နိုင်ငံက ဆက်လက် ကူညီသွားမည်ဟု တရုတ်သမ္မတ ရှီကျင့်ဖျင်က ယမန်နေ့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံစဉ် ပြောကြားလိုက်ပြီး နှစ်ဖက်ထိစပ်နေသည့် နယ်နမိတ်တွင် တည်ငြိမ်မှုကို ထိန်းသိမ်းသွားရန်လည်း တိုက်တွန်းခဲ့သည်။

တရုတ်နိုင်ငံနှင့် ထိစပ်နေသည့် မြန်မာနယ်စပ်၌ မတ်လအတွင်းက ဖြစ်ပွားခဲ့သည့် တိုက်ခိုက်မှုများကြောင့် လူထောင်ပေါင်းများစွာ တရုတ်ဖက်သို့ ထွက်ပြေးခိုလှုံခဲ့ရပြီးနောက်၊ တိုင်းရင်းသားလက်နက်ကိုင်များနှင့် မြန်မာအစိုးရ စစ်တပ်အကြား အပစ်ရပ်ရေးအတွက် တရုတ်က ဆော်သြမှုများ၊ နယ်စပ်တွင် စစ်ရေးလေ့ကျင်
့မှုများ ပြုလုပ်ခဲ့သည်။

ဘေဂျင်း၌ ကျင်းပပြုလုပ်ခဲ့သည့် Belt and Road ထိပ်သီးအစည်းအဝေးပွဲပြီးနောက် ရှီမှာ ဒေါ်အောင်ဆန်းစုကြည်နှင့် တွေ့ဆုံခဲ့သည်။

“မြန်မာနိုင်ငံရဲ့ ပြည်တွင်းငြိမ်းချမ်းရေး လုပ်ငန်းစဉ်အတွက် လိုအပ်တဲ့ အကူအညီတွေ ဆက်လက် ပေးသွားဖို့ တရုတ်နိုင်ငံက ဆန္ဒရှိပါတယ်။ တရုတ်-မြန်မာ နယ်စပ်ဒေသ လုံခြုံရေးနဲ့ တည်ငြိမ်အေးချမ်းရေးအတွက် နှစ်ဖက် ပူးပေါင်း ဆောင်ရွက်သွားရမှာ ဖြစ်ပါတယ်” ဟု ရှီ၏ ပြောကြားမှုကို ကိုးကား၍ Xinhua သတင်းဌာနက ဖော်ပြခဲ့သည်။

သို့သော်လည်း တရုတ်နိုင်ငံက မြန်မာနိုင်ငံအား မည်သို့သော အကူအညီများ ပေးမည့်ဆိုသည့် ကိစ္စကို ဖြော်ပခဲ့ခြင်း မရှိပေ။

နယ်စပ်တစ်လျှောက် မကြာခဏ တိုက်ပွဲဖြစ်ပွားနေမှုနှင့် ပတ်သက်၍ စိုးရိမ်မှုရှိသည်ဟု တရုတ်က အကြိမ်ကြိမ် ပြောကြားထားပြီး ၂၀၁၅ ခုနှစ်ကလည်း မြန်မာနိုင်ငံအတွင်း တိုက်ခိုက်မှုများကြောင့် တရုတ်ဖက်ကို ကျည်ဆံကျကာ လူ ၅ ဦး သေဆုံးခဲ့သည်။

Belt and Road ဖွံ့ဖြိုးရေး စီမံကိန်းအတွက်လည်း မြန်မာနိုင်ငံနှင့် ပူးပေါင်းဆောင်ရွက်သွားမည်ဟု ရှီက ပြောကြားခဲ့သည်။

ဒေါ်အောင်ဆန်းစုကြည်ကမူ တရုတ်နိုင်ငံ၏ ကူညီမှုများအတွက် ကျေးဇူးတင်ကြောင်း၊ နယ်စပ်ဒေသတွင် တည်ငြိမ်ရေး တရုတ်နိုင်ငံနှင့် ပူးပေါင်းဆောင်ရွက်သွားမည်ဖြစ်ကြောင်း ပြောကြားခဲ့သည်။

တရုတ်နိုင်ငံမှာ ပြီးခဲ့သည့်လကလည်း မြန်မာနိုင်ငံအနောက်ပိုင်း ရိုဟင်ဂျာများ၏ ပြဿနာအတွက် သံတမန်နည်းအရ ဖြေရှင်းရေးတွင် ပါဝင်ကူညီမည်ဟု ကမ်းလှမ်းခဲ့သည်။

Ref: The Star