FBI အပေါ် ထရမ့်က ဥပဒေကိုကျော်ကာ ၀င်စွက်ခဲ့သည့် သတင်းတစ်ခု ထွက်လာပြန်

မေ ၁၇၊ ၂၀၁၇
M-Media

– ထရမ့်မှာ ၎င်း၏ အမျိုးသားလုံခြုံရေးအကြံပေးဟောင်း မိုကယ် ဖလင်းနှင့် ရုရှားတို့၏ ဆက်နွယ်ပတ်သက်မှုအတွက် FBI က စုံစမ်းစစ်ဆေးနေမှုအား ရပ်တန့်ရန် FBI ဒါရိုက်တာဟောင်း ဂျိမ်းစ်ကိုမေးကို တောင်းဆိုခဲ့သည်ဟု ထိုအကြောင်းကို ရေးသားထားသော ကိုမေး၏ မှတ်တမ်းကို ကိုးကား၍ အမေရိကန် ပြည်တွင်း
မီဒီယာများက ယမန်နေ့တွင် ဖော်ပြလိုက်သည်။

ထရမ့်မှာ ရွေးကောက်ပွဲတွင် ရုရှားက ၀င်စွက်မှု ရှိ၊ မရှိ စုံစမ်းစစ်ဆေးမှုကို ဦးဆောင်နေသာ ကိုမေးအား ထုတ်ပယ်ခြင်း၊ IS ကိစ္စနှင့်ပတ်သက်၍ ရုရှားကို နိုင်ငံတော် ထိပ်တန်းလျှို့ဝှက်ချက်များအား ပြောပြခဲ့ခြင်း စသည့် ကိစ္စရပ်များကြောင့် ဝေဖန်မှုများ ပြင်းပြင်းထန်ထန်ခံနေရချိန် ယခုကဲ့သို့ ဥပဒေချိုးဖောက်သည့် သတင်းတစ်ခု ထပ်မံ ပေါ်ထွက်လာခြင်းဖြစ်သည်။

နယူးယောက်တိုင်းမ်စ် သတင်စားက ပထမဆုံး ဖော်ပြခဲ့သည့် ကိုမေး၏ မှတ်တမ်းအကြောင်းက ထရမ့်အနေဖြင့် ဖက်ဒရယ်စုံစမ်းစစ်ရေးလုပ်ငန်းတွင် ကြားဝင်စွက်ဖက်ရန် ကြိုးစားမှု ရှိလားဆိုသည့် မေးခွန်းများကို မြင့်တက်လာခဲ့သည်။

အမေရိကန်နိုင်ငံဆိုင်ရာ ရုရှားသံအမတ် ဆာဂျီ ကီစ်လ်ယက်နှင့် တွေ့ဆုံဆွေးနွေးမှုကြောင့် ဖလင်းကို ဖေဖော်ဝါရီ ၁၄ ရက်နေ့တွင် ထရမ့်က ထုတ်ပယ်ခဲ့ပြီးနောက် ကိုမေးနှင့် အိမ်ဖြူတော်၌တွေ့ဆုံစဉ် ထရမ့်၏ ပြောကြားမှုကို ကိုမေးက မှတ်တမ်းတင် ရေးသားထားခြင်းဖြစ်သည်။

“ဒီကိစ္စကို မင်း ထားလိုက်မယ်လို့ ငါမျှော်လင့်တယ်” ဟု ထရမ့်က ကိုမေးအား ပြောကြားခဲ့ကြောင်း ထိုမှတ်တမ်းတွင် ပါဝင်သည့် အကြောင်းအရာကို တွေ့မြင်ခဲ့သူ ရင်းမြစ်တစ်ခုက ဆိုသည်။

အိမ်ဖြူတော်ကမူ ယခုသတင်းကို ငြင်းဆိုခဲ့ပြီး ‘ထရမ့်မှာ ဗိုလ်ချုပ်ဖလင်းနှင့်ပတ်သက်သည့် စုံစမ်းစစ်ဆေးမှု အပါအ၀င် မည်သည့် စုံစမ်းစစ်ဆေးမှုကိုမှ ရပ်တန့်ရန် မစ္စတာကိုမေး သို့မဟုတ် အခြား မည်သူ့ကိုမှ မတောင်းဆိုခဲ့ကြောင်း’ သတင်းထုတ်ပြန်ခဲ့သည်။

သမ္မတတစ်ယောက်အနေဖြင့် ဖက်ဒရယ်အဖွဲ့အစည်းတစ်ခု၏ စုံစမ်းစစ်ဆေးမှုကို ရပ်တန့်ရန် သို့မဟုတ် နှောက်ယှက်ရန် ကြိုးပမ်းမှုမှာ ဥပဒေချိုးဖောက်မှုဖြစ်ပြီး ယခုကိစ္စ မှန်ကန်ပါက ထရမ့်မှာ ဆိုးရွားသည့် နောက်ဆက်တွဲ ရလဒ်ဖြင့် ရင်ဆိုင်ရဖွယ် ရှိနေသည်။

ကိုမေးနှင့် အိမ်ဖြူတော်၌ တွေ့ဆုံမှုအတွင်း အစိုးရ၏ သတင်းများ ဆက်တိုက်ပေါက်ကြားမှုကို ရှုတ်ချခဲ့ပြီး၊ အစိုးရ၏ လျှို့ဝှက်ချက်များကို ဖော်ပြသည့် သတင်းထောက်များအား တရားစွဲဆိုရန်လည်း ကိုမေးကို တိုက်တွန်းခဲ့သည်ဟု နယူးယောက်တိုင်းမ်စ် သတင်းစာက ဖော်ပြခဲ့သည်။

အိမ်ဖြူတော်ကမူ ‘သမ္မတနှင့် မစ္စတာကိုမေးတို့အကြား ပြောကြားခဲ့သည့် စကားများကို ဖော်ပြမှုမှာ အမှန်မဟုတ်ဘဲ တိကျမှုမရှိ’ ဟု ပြောကြားခဲ့သည်။

ရုရှားအား IS နှင့်ပတ်သက်သည့် ထိပ်တန်းလျှို့ဝှက်ချက် ပြောပြခဲ့သည်ဆိုသည့် သတင်း ထွက်ပေါ်လာပြီးနောက် အမေရိကန်အစိုးရ၏ လုံခြုံရေး တာဝန်ရှိသူတစ်ဦးနှင့် ထရမ့်၏ အကြံပေးတစ်ဦးတို့က မဟုတ်မမှန်ဟု ထုတ်ပြန်ခဲ့သော်လည်း ထရမ့်က နောက်ပိုင်းတွင် Twitter စာမျက်နှာမှတစ်ဆင့် မှန်ကန်ကြောင်း ပြော
ကားခဲ့သည်။

Ref: Aljazeera