ရော်နယ်ဒို၏ ဥရောပဂိုးသွင်းစံချိန်သစ်နဲ့ ရီးယဲလ် လာလီဂါချန်ပီယံဖြစ်ရန် ၁ မှတ်သာလိုတော့

မေ ၁၈၊ ၂၀၁၇
M-Media

– ယနေ့မနက် ကစားခဲ့သည့် လာလီဂါပွဲစဉ် ၃၇ တွင် ဆဲလ်တာဗီဂိုအသင်းအား ၄ ဂိုး ၁ ဂိုးဖြင့် အနိုင်ရခဲ့ပြီးနောက် ရီးယဲလ်မက်ဒရစ်အသင်းမှာ လာလီဂါချန်ပီယံဖြစ်ရန်အတွက် ၁ မှတ်သာလိုတော့သည်။

အဝေးကွင်းတွင် သွားရောက်ကစားခဲ့ရသည့် ထိုပွဲတွင် ရီးယဲလ်မှာ ရော်နယ်ဒို၊ ဘန်ဇီမာနှင့် တိုနီကရူးစ်တို့၏ သွင်းဂိုးများဖြင့် အနိုင်ရရှိခဲ့ခြင်းဖြစ်သည်။

၂ ဂိုးသွင်းယူခဲ့သည့် ရော်နယ်ဒိုမှာ ဥရောပ ထိပ်တန်းလိဂ် ၅ ခုတွင် ဂိုးအများဆုံး သွင်းယူထားသည့် အင်္ဂလိပ်ကစားသမား ဂျင်မီ ဂရီဗက်စ်၏ ၃၆၆ ဂိုး စံချိန်ကို ၃၆၈ ဂိုးဖြင့် ကျော်ဖြတ်နိုင်ခဲ့သည်။

ယခုပွဲအနိုင်ကြောင့် ရီးယဲလ်မှာ လက်ကျန် ၁ ပွဲအလိုတွင် ဘာစီလိုနာအား ၃ မှတ်ဖြတ်ကာ ထိပ်ဆုံး၌ ဦးဆောင်နေပြီး စနေနေ့ ဇယားအလယ်မှ မာလာဂါအသင်းနှင့်ပွဲတွင် ၁ မှတ်ရရုံမျှဖြင့် လာလီဂါချန်ပီယံ ဖြစ်လာမည်ဖြစ်သည်။

ရီးယဲလ်မှာ ထိုပွဲတွင် ရှုံးနိမ့်ခဲ့ပြီး ဘာစီလိုနာကလည်း အီဘာအသင်းကို အနိုင်ရပါက ၎င်းတို့နှစ်သင်း ထိပ်တိုက်တွေ့ဆုံမှုအရ ဘာစီလိုနာက ၃ နှစ်ဆက် ချန်ပီယံဖြစ်လာမည်ဖြစ်သည်။

“နေ့စဉ်နေ့တိုင်း ဖလားနဲ့ နီးကပ်လာပေမယ့် ကျွန်တော်တို့ ဖြတ်သန်းရမယ့် အခက်အခဲဆုံးအပိုင်းက ရှိနေတုန်းပါပဲ” ဟု ဇီဒိန်းက ဆဲလ်တာဗီဂိုနှင့် ပွဲအပြီးတွင် ပြောကြားခဲ့သည်။

Ref: BBC