တောင်တရုတ်ပင်လယ်ကိစ္စ ရှေ့တိုးလျှင် စစ်တိုက်မည်ဟု ဖိလစ်ပိုင်ကို တရုတ် သတိပေးထား

မေ ၂၀၊ ၂၀၁၇
M-Media

– တောင်တရုတ်ပင်လယ်၏ အငြင်းပွား အစိတ်အပိုင်းနှင့်ပတ်သက်၍ သည်ဟေ့ဂ်ရှိ ခုံသမာဓိရုံးက ဆုံးဖြတ်မှုကို လိုက်နာပြီး၊ ထိုနယ်ပယ်တွင် ရေနံတူးဖော်မည်ဆိုပါက စစ်တိုက်ရမည်ဟု တရုတ်သမ္မတ ရှီကျင့်ဖျင်က မိမိအား ပြောကြားခဲ့ကြောင်း ဖိလစ်ပိုင်သမ္မတ ဒူတာတေးက ထုတ်ဖော်ပြာဆိုလိုက်သည်။

ခုံသမာဓိရုံးက ဆုံးဖြတ်ချက် ထွက်ထားသော်လည်း တောင်တရုတ်ပင်လယ်အရေးနှင့်ပတ်သက်၍ ဖိဖိစီးစီး ဆောင်ရွက်မှုမရှိဆိုသည့် ပြည်တွင်းမှ ဝေဖန်သူများကို ယမန်နေ့ ပြန်လည်တုန့်ပြန်ရာတွင် ယခုကဲ့သို့ ထည့်သွင်း ပြောဆိုခဲ့ဖြင်းဖြစ်သည်။

ဒူတာတေးက ၎င်းမှာ တနင်္လာနေ့တွင် ဘေဂျင်း၌ ရှီနှင့် တွေ့ဆုံစဉ် ထိုကိစ္စအား ဆွေးနွေးခဲ့ပြီး၊ ရယ်ရယ်မောမောနှင့် ပြတ်ပြတ်သားသား သတိပေးခံခဲ့ရသည်ဟု ဆိုသည်။

“အဲဒီမှာ ရေနံတူးဖို့ ကျွန်တော်တို့ ဆန္ဒရှိတယ်။ ဒါက ခင်ဗျားဟာဆိုရင် ခင်ဗျားကိစ္စပဲ။ ဒါပေမယ့် ကျွန်တော့်အမြင်ကတော့ ဒါက ကျွန်တော်တို့ပိုင်နက်ဖြစ်တာကြောင့် ဒီအထဲမှာ တစ်ခုခုရှိမယ်ဆိုရင် ကျွန်တော်တို့ တူးသွားမယ်လို့ပြောတယ်။ သူက ကျွန်တော်တို့ဟာ မိတ်ဆွေတွေပဲ။ ခင်ဗျားနဲ့ ရန်မဖြစ်ချင်ဘူး။ လက်ရှိ နွေး
ထွေးတဲ့ဆက်ဆံရေးကို ကျွန်တော်တို့ ထိန်းသိမ်းထားချင်တယ်။ ဒါပေမယ့် ခင်ဗျားက အတင်းလုပ်လာရင်တော့ ကျွန်တော်တို့ စစ်ဖြစ်ရလိမ့်မယ်” ဟု ၎င်းနှင့် ရှီ၏ တောင်တရုတ်ပင်လယ်ကိစ္စ ပြောကြားမှုကို ဒူတာတေးက ပြန်လည် ပြောဆိုခဲ့သည်။

ဒူတာတေးမှာ ရှီကို လေးစားသည်ဟု ယခင်က ပြောကြားထားမှုများ ရှိပြီး၊ ပထမဆုံး နှစ်နိုင်ငံဆက်ဆံရေးကို ခိုင်မာအောင်လုပ်ကာ နောက်ဆုံးတွင် ခုံသမာဓိရုံးကိစ္စကို ဆောင်ရွက်သွားမည်ဟု ပြောကြားဖူးသည်။ ဖိလစ်ပိုင်မှာ တရုတ်နိုင်ငံမှ နှစ်ရှည်ချေးငွေများနှင့် အခြေခံအဆောက်အဦး ရင်းနှီးမြှုပ်နှံမှုအတွက် ကန်ဒေါ်လာ ဘီလီယံပေါင်းများစွာ ရရှိရန် မျှော်လင့်နေသည်။

Ref: Aljazeera