၅ နှစ်အတွင်း ရီးယဲလ် ပထမဆုံး လာလီဂါချန်ပီယံဖြစ်လာ

မေ ၂၂၊ ၂၀၁၇
M-Media

– ယမန်နေ့က ကစားခဲ့သည့် လာလီဂါနောက်ဆုံးပွဲစဉ်တွင် မာလာဂါအသင်းအား ၂ ဂိုး ဂိုးမရှိဖြင့် အနိုင်ရရှိခဲ့သည့် ရီးယဲလ်မှာ ဒုတိယနေရာမှ ဘာစီလိုနာကို ၃ မှတ်ဖြတ်ကာ လာလီဂါချန်ပီယံ ဖြစ်လာခဲ့သည်ဟု သိရသည်။

ချန်ပီယံဖြစ်ရန်အတွက် ၁ မှတ်သာလိုအပ်သည့် ရီးယဲလ်မှာ ရော်နယ်ဒို၊ ဘန်ဇီမာတို့၏ သွင်းဂိုးများဖြင့် အနိုင်ရရှိခဲ့ခြင်းဖြစ်ပြီး လာလီဂါ ချန်ပီယံဖြစ်ရန် ၅ နှစ်တာ စောင့်ဆိုင်းခဲ့ရမှု အဆုံးသတ်ခဲ့ပြီဖြစ်သည်။

ယမန်နှစ်ချန်ပီယံ ဘာစီလိုနာအသင်းမှာ နောက်ဆုံးပွဲတွင် အိုက်ဘာအသင်းအား ၄ ဂိုး ၂ ဂိုးဖြင့် အနိုင်ရခဲ့သော်လည်း ရီးယဲလ်က ခြေမချော်ခဲ့သောကြောင့် ချန်ပီယံဖြစ်ခွင့် မျှော်လင့်ချက်ရေးရေးကို စွန့်လွှတ်ခဲ့ရသည်။

ရီးယဲလ်၏ ယခု ချန်ပီယံဘွဲ့မှာ အသင်းသမိုင်းတစ်လျှောက် ၃၃ ကြိမ်မြောက် လာလီဂါချန်ပီယံဘွဲ့လည်းဖြစ်သည်။

“(အမှတ်ပေးပြိုင်ပွဲမှာ) ဗိုလ်စွဲတာဟာ ကျွန်တော့်အတွက် အရမ်းအရေးကြီးပါတယ်။ ဒါကိုမရတာ တော်တော်ကြာပါပြီ။ ဒီအမှတ်ပေးဖလားဟာ အရေးအကြီးဆုံးဆိုတာလည်း ကျွန်တော်တို့ သိခဲ့ပါတယ်။ ကမ္ဘာ့အကောင်းဆုံးအသင်းတစ်သင်းဖြစ်တဲ့ ရီးယဲလ်အတွက် ဒီအမှတ်ပေးဖလားကို ပြန်ရအောင် လုပ်ရမှာပါ” ဟု ရီးယဲ
လ်နည်းပြ ဇီဒိန်းက ပြောကြားခဲ့ပြီး မိမိအနေဖြင့် အလွန် ပျော်ရွှင်မိသည်ဟုလည်း ပြောကြားခဲ့သည်။

ရီးယဲလ်မှာ ဇွန်လ ၄ ရက်နေ့တွင် အီတလီစီးရီးအေချန်ပီယံ ဂျူတင်တပ်စ်အသင်းနှင့် ချန်ပီယံလိဂ် ဗိုလ်လုပွဲကို ကစားရမည်ဖြစ်သည်။

Ref: Aljazeera, BBC