ဂျိမ်းစ်ဘွန်းမင်းသားကြီး ရော်ဂျာမိုး ကွယ်လွန်

မေ ၂၃၊ ၂၀၁၇
M-Media

– ကမ္ဘာကျော် ဂျိမ်းစ်ဘွန်းဇာတ်ကားတွင် ဂျိမ်းစ်ဘွန်းအဖြစ် သရုပ်ဆောင်ခဲ့သူ ဆာ ရော်ဂျာမိုးမှာ ယမန်နေ့က ကွယ်လွန်သွားပြီဟု မိသားစုက အတည်ပြု ပြောကြားလိုက်သည်။

ရော်ဂျာမိုး၏ တရားဝင်ဆိုရှယ်မီဒီယာအကောင့်တွင် လွှင့်တင်ထားသော ကြေငြာချက်၌ အသက် ၈၉ နှစ်အရွယ် မိုးမှာ ‘ကင်ဆာရောဂါကို အချိန်ကာလ တိုတောင်းသော်လည်း သတ္တိရှိစွာ ရင်ဆိုင်ခဲ့ပြီးနောက်’ ဆွစ်ဇာလန်တွင် ကွယ်လွန်သွားပြီဟု ဖော်ပြထားသည်။

မိုးမှာ စာရေးဆရာ အီယန် ဖလီမင်း၏ ၀တ္ထုများကို အခြေခံ၍ ရိုက်ကူးသော ထောက်လှမ်းရေး ဇာတ်လမ်းများတွင် ဗြိတိန်သူလျှို ဂျိမ်းစ်ဘွန်းအဖြစ် သရုပ်ဆောင်သည့် တတိယမြောက် မင်းသားကြီးဖြစ်ပြီး ၁၉၇၃ ခုနှစ်မှ ၁၉၈၅ ခုနှစ်အကြား ထွက်ခဲ့သော ဇာတ်ကား ၇ ကားတွင် ပါဝင်သရုပ်ဆောင်ခဲ့သည်။

ရော်ဂျာမိုးမှာ ၁၉၂၇ ခုနှစ် အောက်တိုဘာ ၁၄ ရက်နေ့တွင် လန်ဒန်၌ မွေးဖွားခဲ့ပြီး အနုပညာအကယ်ဒမီတစ်ခုဖြစ်သော Royal Academy of Dramatic Arts [RADA] တွင် ပညာဆည်းပူးခဲ့သည်။

၁၉၆၆ ခုနှစ်တွင် ဂျိမ်းစ်ဘွန်းအဖြစ် သရုပ်ဆောင်သည့် မင်းသားကြီး ရှောင်ကွန်နရီက မိုးမှာ ၎င်း၏ နေရာကို ဆက်ခံနိုင်သူအဖြစ် တစ်ပေးခြင်း ခံခဲ့ရသည်။

ထို့နောက် ၁၉၇၂ ခုနှစ်တွင် ဂျိမ်းစ်ဘွန်းအဖြစ် သရုပ်ဆောင်ရန် ထုတ်လုပ်သူ အဲလ်ဘတ် ဘရိုကိုလီနှင့် သဘောတူခဲ့ကာ ၁၉၇၂ ခုနှစ်တွင် ပြသသည့် Live and Let Die ဇာတ်ကားတွင် ပထမဆုံး ပါဝင်ခဲ့သည်။

မိုးမှာ ယူနီဆက်ဖ်တွင် ပရဟိတလုပ်ငန်းများကို တက်ကြွစွာ လုပ်ဆောင်ခဲ့ပြီး ၁၉၉၁ ခုနှစ်တွင် Goodwill Ambassador တစ်ဦးဖြစ်လာကာ ၎င်း၏ နာမည်ကျော်ကြားမှုကို အသုံးပြုပြီး ကလေးငယ်အခွင့်အရေးကို တစ်စိုက်မတ်မတ် လုပ်ဆောင်သူအဖြစ် နာမည်ကျော်သည်။

Ref: Independent