မြောက်ကိုရီးယားမှာ အမေရိကန်ကို နျူလက်နက်ဖြင့် ပစ်နိုင်မည့် လမ်းကြောင်းပေါ် ရောက်ရှိနေ

မေ ၂၄၊ ၂၀၁၇
M-Media

– မြောက်ကိုရီးယားမှာ အမေရိကန်ကို ပစ်ခတ်နိုင်သည့် နျူထိပ်ဖူးတပ် ဒုံးကျည်များ ပိုင်ဆိုင်နိုင်မည့် လမ်းကြောင်းပေါ်သို့ မလွဲဧကန် ရောက်ရှိနေပြီဟု အမေရိကန် ကာကွယ်ရေးဝန်ကြီးဌာန၏ ကာကွယ်ရေးဆိုင်ရာ ထောက်လှမ်းရေးဒါရိုက်တာ ဒုတိယဗိုလ်ချုပ်ကြီး ဗင်းဆင့် စတီးဝပ်က ပြောကြားလိုက်သည်။

ယမန်နေ့က အထက်လွှတ်တော်ကြားနာမှုအတွင်း ပြောကြားလိုက်ခြင်းဖြစ်ပြီး မြောက်ကိုရီးယား၏ ဒုံးကျည်နှင့် နျူလက်နက်အစီအစဉ် တိုးမြှင့်ဆောင်ရွက်လာမှုနှင့်ပတ်သက်၍ အမေရိကန်က စိုးရိမ်မှု မြင့်တက်လာ ခြင်း၏ နောက်ဆုံး အခြေအနေလည်းဖြစ်သည်။

အထက်လွှတ်တော်အမတ်များက စတီးဝပ်နှင့် အမျိုးသားထောက်လှမ်းရေး ဒါရိုက်တာ ဒန်ကို့စ်တို့အား မြောက်ကိုရီးယားအနေဖြင့် အမေရိကန်သို့ ရောက်ရှိနိုင်သည့် တိုက်ချင်းပစ်ဒုံးကျည် ပိုင်ဆိုင်နိုင်ရန် အချိန်မည်မျှလိုသေးလဲဟု မေးမြန်းခဲ့သည်။

အမေရိကန်က မြောက်ကိုရီးယား၏ စွမ်းဆောင်နိုင်စွမ်းအား သိနေသည်ကို ဖော်ထုတ်သကဲ့သို့ ဖြစ်မည်စိုး၍ ထိုအချက်ကို ၎င်းတို့နှစ်ဦးစလုံးက ပြောဆိုရန် ငြင်းဆိုခဲ့သော်လည်း စတီးဝပ်ကမူ အန္တရာယ်မှာ မြင့်တက်လာနေသည်ဟု သတိပေးခဲ့သည်။

“လက်ရှိနှုန်းအတိုင်းသာ ဆက်လွှတ်ထားမယ်ဆိုရင် မြောက်ကိုရီးယားဟာ အမေရိကန် ပြည်မကြီးကို ခြိမ်းခြောက်နိုင်တဲ့ နျူထိပ်ဖူးတပ် ဒုံးကျည်တွေကို ပိုင်ဆိုင်လာမှာ မလွဲမသွေပါပဲ။ တိုက်ခိုက်နိုင်စွမ်း ဘယ်တော့လောက် ရှိလာမလဲဆိုတာကို ခန့်မှန်းဖို့ မဖြစ်နိုင်ပေမယ့် မြောက်ကိုရီးယားအစိုးရဟာ ဒါကို နှစ်မြှုပ်လုပ် ဆောင်နေပြီး ဒီလိုအင်အားမျိုး မလွဲမသွေ ရရှိနိုင်မယ့် လမ်းကြောင်းမျိုးပေါ်မှာ ရှိနေပါပြီ” ဟု စတီးဝပ်က ပြောကြားခဲ့သည်။

မြောက်ကိုရီးယားမှာ တနင်္ဂနွေနေ့က လောင်စာခဲသုံး Pukguksong-2 ဒုံးကျည်ကို စမ်းသပ်ပစ်လွှတ်ခဲ့ပြီး ကုလ လုံခြုံးရေးကောင်စီက ထိုကိစ္စအတွက် တံခါးပိတ်အစည်းအဝေးပြုလုပ်ရန် ရှိနေသည်။

Ref: Aljazeera