မွတ်စလင်နိုင်ငံများအား ဗီဇာပိတ်မှု အသက်ဝင်လာရေး ထရမ့်၏ ကြိုးပမ်းမှု ထပ်မံရှုံးနိမ့်

မေ ၂၆၊ ၂၀၁၇
M-Media

– မွတ်စလင်အများစုရှိရာ နိုင်ငံ ၆ နိုင်ငံမှ ပြည်သူများအား ဗီဇာပိတ်သည့် သမ္မတဒေါ်နယ်ထရမ့်၏ အမိန့်ကို သက်ရောက်စေရန် လျှောက်ထားမှုကို ဗာဂျီးနီးယားပြည်နယ် အယူခံခုံရုံးက ငြင်းဆန်လိုက်ပြီး ထိုအမိန့်မှာ သည်းမခံနိုင်မှုတွင် အခြေတည်သော အမိန့်ဖြစ်သည်ဟု ပြောကြားခဲ့သည်။

တရားသူကြီး ဂျပ် ရော်ဂျာ ဂရီဂိုရီက ထုတ်ပြန်သော ဆုံးဖြတ်ချက်တွင် ထရမ့်၏ အဆိုပါ အမိန့်မှာ ‘အမျိုးသားလုံခြုံရေးဟု ၀ိုးတိုးဝါးတား ဖော်ပြထားသော်လည်း ပါဝင်သည့်အကြောင်းအရာတွင် သည်းမခံနိုင်မှု၊ ရန်လိုမုန်းတီးမှုနှင့် ခွဲခြားမှုများ’ သိသိသာသာ ပါဝင်နေသည်ဟု ဖော်ပြထားသည်။

ထို့ပြင် ထရမ့်က ရွေးကောက်ပွဲ မဲဆွယ်မှုအတွင်း ‘မွတ်စလင်များအား ပိတ်ပင်ရန်’ ဆော်သြရာ၌ ပြောကြားချက်များကို ထောက်ပြခဲ့ပြီး သမာသမတ်ကျသည့် ဆန်းစစ်သူတစ်ယောက်အနေဖြင့် ‘ထိုအမိန့်၏ ရည်ရွယ်ချက်မှာ လူများအား ၎င်းတို့၏ အယူဝါဒကို အခြေခံ၍ အမေရိကန်ပြည်ထောင်စုမှ ဖယ်ထုတ်ရန်’ ဖြစ်သည်ဟု ကောက်ချက်ချမည်ဖြစ်ကြောင်း တရားသူကြီးက ပြောကြားခဲ့သည်။

ထရမ့်အစိုးရကမူ အမိန့်မှာ ဘာသာတရားကို ဖော်ပြထားခြင်းမရှိဘဲ တရားရုံးအနေဖြင့် စကားလုံးများကို ကျော်၍ မကြည့်သင့်ကြောင်း၊ ထိုအမိန့်၌ ရွေးချယ်ထားသည့် နိုင်ငံများမှာ မွတ်စလင်အများစု ရှိသည့်အတွက်ကြောင့် မဟုတ်ဘဲ အကြမ်းဖက်ဝါဒအန္တရာယ်ကြောင့် ဖြစ်ကြောင်း ပြန်လည် တုန့်ပြန်ခဲ့သည်။

တရားသူကြီးချုပ် ဂျက်ဖ် ဆက်ရှင်က ‘ပြည်သူများကို အကြမ်းဖက်ဝါဒမှ ကာကွယ်ရန်မှာ သမ္မတ၏ တာဝန်ြ ဖစ်ပြီး’၊ တရားရုံးချုပ်သို့ ဆက်လက်တက်သွားမည်ဟု ပြောကြားခဲ့သည်။

လစ်ဗျား၊ အီရန်၊ ဆိုမာလီယာ၊ ဆူဒန်၊ ဆီးရီးယားနှင့် ယီမင်နိုင်ငံမှ ပြည်သူများကို ရက်ပေါင်း ၉၀ ဗီဇာပိတ်ပင်သည့်အမိန့်ကို ထရမ့်က မတ်လ ၆ ရက်နေ့တွင် ထပ်မံ ထုတ်ပြန်ခဲ့ပြီး မေရီလန်းပြည်နယ်အခြေစိုက် ဖက်ဒရယ် တရားသူကြီး သီယိုဒေါ ချူအန်က ထိုအမိန့်၏ အစိတ်အပိုင်းတစ်ချို့ကို မကျင့်သုံးရန် ပိတ်ပင်ခဲ့သည်။

ထရမ့်၏ ထိုပေါ်လစီအား ဟာဝိုင်ယီအခြေစိုက် ဖက်ဒရယ်တရားသူကြီးတစ်ဦး၏ ပိတ်ပင်မှုကိုလည်း အယူခံခုံရုံးက ကြားနာသွားရန် ရှိနေသည်။

ထရမ့်မှာ ဇန်န၀ါရီ ၂၇ ရက်နေ့ကလည်း ထိုကဲ့သို့ အမိန့်တစ်ခုကို ထုတ်ပြန်ခဲ့ပြီး တရားရေး၏ တားမြစ်ပိတ်ပင်မှုကို ခံခဲ့ရသည်။

Ref: Aljazeera