မွတ်စလင်ဇနီးမောင်နှံအား လူမျိုးရေးခွဲခြားတိုက်ခိုက်သူကို ယူကေက ထောင် ၇ နှစ်ချ

မေ ၂၆၊ ၂၀၁၇
M-Media

– အင်္ဂလန်တွင် ကိုယ်ဝန်ဆောင် မွတ်စလင်အမျိုးသမီးတစ်ဦး၏ ဗိုက်ကို ကန်ကျောက်ခဲ့သည့် လူမျိုးရေးခွဲခြားသူကို တရားရုံးက ထောင်ဒဏ် ၃ နှစ်ကျော် ချမှတ်ခဲ့သည်ဟု သိရသည်။

ဒေးဗစ် ဂါလချာဆိုသူဖြစ်ပြီး ပြီးခဲ့သည့်နှစ် စက်တင်ဘာလက အသက် ၃၄ နှစ်အရွယ် မွတ်စလင်အမျိုးသမီး ဆမ်ဆမ် ဟာဂျီ အလီနှင့် ၎င်း၏ အသက် ၄၀ အရွယ် ခင်ပွန်း အဘ်ဒူလာ ဆူလိုင်မန်တို့အား တိုက်ခိုက်ခဲ့ခြင်းဖြစ်သည်။

အဆိုပါ မွတ်စလင်ဇနီးမောင်နှံနှစ်ဦး မောင်းနှင်လာသည့် ကားအနီးကို ဂါလချာ ရောက်ရှိလာပြီးနောက် ဆမ်ဆမ်အား ရိုင်းစိုင်းစွာ စော်ကားပြောဆိုခဲ့ပြီး ခင်ပွန်းသည်က ကြားဝင်ဖြန်ဖြေရန် ကြိုးသည့်အခါတွင် ၀ိုင်ပုလင်း၊ ရေခဲအိတ်များဖြင့် ရိုက်နှက်ခဲ့သည်။

ထို့နောက် ဆမ်ဆမ်၏ ဗိုက် ကန်ကျောက်ခဲ့ပြီး ကိုယ်ဝန်ရှိနေသည်ဟု ဆမ်ဆမ်က တောင်းပန်ခဲ့သော်လည်း ဂါလချာက ရပ်တန့်ခြင်းမရှိဘဲ ၀ိုင်ပုလင်းဖြင့်ပါ ရိုက်နှက်ရန် ကြိုးစားခဲ့သည်။

တရားသူကြီး ဖရန်စစ် ရှရီဒန်က ဂါလချာအား ‘လူဆိုးတစ်ဦး၊ လူမျိုးရေးခွဲခြားသူ လူရမ်းကားတစ်ဦး’ ဟု ခေါ်ဆိုခဲ့ပြီး ထောင်ဒဏ် ၃ နှစ်နှင့် ၇ လ ချမှတ်ခဲ့သည်။

ထို့ပြင် တိုက်ခိုက်မှုတွင် လူမျိုးရေးခွဲခြားမှု ပါဝင်ကြောင်း၊ မွတ်စလင်အမျိုးသမီးအပေါ် သုံးနှုန်းသွားသည့် စကားလုံးများကို ကြည့်ခြင်းအားဖြင့် တိုက်ခိုက်သူမှာ လူမျိုးရေးခွဲခြားသူဖြစ်ကြောင်း၊ ဆမ်ဆမ်၏ ကိုယ်ဝန်ပျက်ကျမှုမှာ ဂါလချာက ဗိုက်ကို ကန်ကျောက်မှုဖြင့် တိုက်ရိုက် ဆက်စပ်နေကြောင်း တရားသူကြီးက ထည့်သွင်း ပြောဆိုခဲ့သည်။

“ဒီတိုင်းပြည်မှာ လူမျိုးရေးခွဲခြားတဲ့အမြင်တွေကို လက်ခံမှာ မဟုတ်ပါဘူး” ဟု တရားသူကြီးက ဆိုသည်။

ဂါလချာ၏ တိုက်ခိုက်မှုအတွင်း အဘ်ဒူလာ ဆူလိုင်မန်မှာလည်း ပေါက်ပြဲဒဏ်ရာ ရရှိခဲ့ပြီး ၄ ချက် ချုပ်ခဲ့ရသည်။

Ref: Independent