ပူတင်မှာ IS ထက် ကြောက်စရာကောင်းသည်ဟု ကန် အထက်လွှတ်တော်အမတ် ပြော

မေ ၃၀၊ ၂၀၁၇
M-Media

– ရုရှားသမ္မတ ဗလာဒီမီရ်ပူတင်မှာ IS အဖွဲ့ထက် ပို၍ ကြောက်စရာကောင်းသည်ဟု အမေရိကန် အထက်လွှတ်တော်မှ သြဇာရှိ ရီပက်ဘလစ်ကန်အမတ် ဂျွန်မက်ကိန်းက ယမန်နေ့တွင် ပြောကြားလိုက်သည်။

သြစတေးလျ ရုပ်သံ ABC နှင့် အင်တာဗျူးတွင် ထိုကဲ့သို့ ပြောကြားလိုက်ခြင်းဖြစ်ပြီး ရုရှားမှာ ‘ဒီမိုကရေစီ၏ အခြေခံကို ဖျက်ဆီးရန်’ ကြိုးစားနေသည်ဟုလည်း စွပ်စွဲခဲ့သည်။

“IS က ဆိုးဆိုးဝါးဝါးအလုပ်တွေ လုပ်နိုင်တယ်လို့ ကျွန်တော်ထင်တယ်။ ဒါပေမယ့် ရုရှားက ဒီမိုကရေစီရဲ့ အခြေခံကို ဖျက်ဆီးဖို့နဲ့ အမေရိကန်ရွေးကောက်ပွဲရဲ့ ရလဒ်ကို ပြောင်းလဲဖို့ ကြိုးစားခဲ့တာပါ” ဟု မက်ကိန်းက ဆိုသည်။

သို့သော်လည်း ၎င်းတို့ အောင်မြင်သည်ဆိုသည့် အထောက်အထားကို မတွေ့ရကြောင်း၊ နောက်ထပ်လည်း ထိုသို့ ရွေးကောက်ပွဲရလဒ်များကို ပြောင်းလဲရန် ကြိုးစားမည်ဖြစ်ကြောင်း၊ ထို့ပြင် ပြင်သစ်ရွေးကောက်ပွဲရလဒ်ကို လွှမ်းမိုးစေရန်လည်း ကြိုးစားခဲ့ကြောင်း ၎င်းက ထည့်သွင်းပြောဆိုခဲ့သည်။

ပူတင်ကလည်း ယမန်နေ့တွင် ပြင်သစ်သမ္မတ အီမန်နျူယဲလ် မာခရွန်နှင့် တွေ့ဆုံခဲ့ပြီး ပြင်သစ်ရွေးကောက်ပွဲတွင် မိမိတို့ ၀င်ရောက်စွက်ဖက်မှုမရှိကြောင်း၊ ရွေးကောက်ပွဲမတိုင်ခင် လက်ယာစွန်းသမ္မတလောင်း လီပန်နှင့် တွေ့ဆုံခြင်းမှာ ရွေးကောက်ပွဲကို လမ်းကြောင်းလွှဲရန် ကြိုးစားခြင်းမဟုတ်ကြောင်း မာခရွန်အားေ
ပြာကြားခဲ့သည်။

ရုရှားက ယူကရိန်းပြဿနာတွင် ပါဝင်မှုအတွက်လည်း မက်ကိန်းက ဝေဖန်ခဲ့ပြီး အမေရိကန်က ပိတ်ဆို့မှုများဖြင့် ရုရှားကို တုန့်ပြန်ရမည်ဟု ထည့်သွင်းပြောကြားခဲ့သည်။

Ref: Haaretz.com