မိုဟာမက် ရစ်ဒ်ဝမ် (သို့) စင်ကာပူဂုဏ်ဆောင် မွတ်စလင်အားကစားသမားတစ်ဦး

မေ ၃၀၊ ၂၀၁၇
M-Media

– ‘ရွေးချယ်ခံရသူ’ လို့ ချစ်စနိုးနာမည်ရနေတဲ့ စင်ကာပူလက်ဝှေ့သမား မိုဟာမက် ရစ်ဒ်ဝမ်ဟာ ကမ္ဘာ့အဆင့် ချန်ပီယံဘွဲ့ကို ရရှိတဲ့ စင်ကာပူနိုင်ငံရဲ့ ပထမဆုံး ပရော်ဖက်ရှင်နယ် လက်ဝှေ့သမား ဖြစ်ပါတယ်။

အသက် ၂၉ နှစ်အရွယ် ရစ်ဒ်ဝမ်ဟာ ပြီးခဲ့တဲ့တစ်ပတ်မှာ WBA ရဲ့ ပန်အာဖရိက ချန်ပီယံ တန်ဇန်းနီးယားက ဖဒ်ဟီလီ မာဂျီဟာကို ၄ ချီမှာ အလဲထိုး အနိုင်ရပြီး UBO ရဲ့ ဆူပါဖယ်သာဝိတ်တန်း ချန်ပီယံ ဖြစ်ခဲ့တာပါ။

“အခုအချိန်မှာ စိတ်ထဲမှာ အမျိုးမျိုး ခံစားနေရတယ်ဗျ။ ဒါပေမယ့် အရေးပါဆုံးက ပရိတ်သတ်တွေ၊ စင်ကာပူပြည်သူတွေ ဂုဏ်ယူရအောင် လုပ်ပေးနိုင်ခဲ့တဲ့အတွက် ပျော်ရွှင်တာပါ။ သိပ်ကို ထူခြားတဲ့ ခံစားမှုပါပဲ။ သူတို့ကို ဒီလိုအောင်ပွဲ ပေးနိုင်ခဲ့တဲ့အတွက် ကျွန်တာ် အရမ်းဂုဏ်ယူပါတယ်” လို့ ရစ်ဒ်ဝမ်က ပွဲအပြီးမှာ ပြော
ကားခဲ့ပါတယ်။

ပရော်ဖက်ရှင်နယ် လက်ဝှေ့သမားဘ၀မှာ ၇ ပွဲကစား ရှုံးပွဲမရှိသေးတဲ့ ရစ်ဒ်ဝမ်တစ်ယာက် ပွဲ ၂၀ နိုင်၊ ၈ ပွဲရှုံး၊ ၄ ပွဲ သရေကျထားတဲ့ အသက် ၂၃ နှစ်အရွယ် မာဂျီဟာကို ရင်ဆိုင်ရာမှာ လွယ်ကူခဲ့တာတော့ မဟုတ်ပါဘူး။

“အစီအစဉ်က သူ့ကို တစ်ချီပြီးတစ်ချီ မောအောင်လုပ်ဖို့ပါ။ သူ မြန်တယ်ဆိုတာ ကျွန်တော့်အသင်းက သိတယ်။ ကျွန်တော်တို့ရဲ့ ရည်ရွယ်ချက်က သူ့ရဲ့ ခန္ဓာကိုယ်ကို ပစ်မှတ်ထားဖို့ လျှပ်တပျက် လက်သီးတွေ ပစ်သွင်းဖို့၊ သူ့ကို ဟန်ချက်ပျက်အောင်လုပ်ဖို့ ဖြစ်ပါတယ်။ အဆင်ပြေခဲ့ပါတယ်။ စတုတ္ထအချီမှာ သူဟာ အမှားတစ်ခု လုပ်ခဲ့ပြီး အဲဒါကတော့ နောက်ဆုံး ၁၀ စက္ကန့်မှာ အားမထည့်တော့တာပါ။ ကျွန်တော်က ဒါကို အသုံးချနိုင်ခဲ့ပါတယ်” လို့ ရစ်ဒ်ဝမ်က ဆိုပါတယ်။

နောက်ပြီး အစီအစဉ်အတိုင်း သွားမယ်ဆိုရင် နောက်ဆုံးမှာ အလဲထိုးနိုင်မယ်ဆိုတာ အသင်းက သိနေကြောင်းလည်း သူက ထည့်သွင်းပြောကြားခဲ့ပါတယ်။

ပြည်သူတွေရဲ့ အားပေးမှုကလည်း သူ့ကို ယုံကြည်မှု ပိုရှိလာစေကြောင်း ရစ်ဒ်ဝမ်က ဖွင့်ဟခဲ့ပါတယ်။

“ပရိတ်သတ်က တော်တော်လေး အံ့သြစရာကောင်းပါတယ်။ သူတို့ဟာ ကွန်ပျူဂိမ်းကစားနေသလိုပဲ ‘နောက်ထပ်တစ်ချက်လောက်’ ဆိုပြီး အဆက်မပြတ် အော်နေကြပါတယ်။ ဒါက ကျွန်တော့်ရဲ့ အစီအစဉ်အတိုင်း ရှေ့ဆက်ဆောင်ရွက်ဖို့ အွန်းအားဖြစ်စေခဲ့ပြီး ပြိုင်ဘက်အပေါ် နိုင်လိုစိတ်တွေ၊ ဖိအားတွေ ပိုပေးဖို့လည်း
အကူအညီ ဖြစ်စေခဲ့ပါတယ်။ ပရိတ်သတ်တွေရဲ့ အားပေးမှုက ပြိုင်ပွဲတစ်လျှောက်လုံး ကျွန်တော့်ကို အားဖြစ်စေခဲ့ပါတယ်”

ရစ်ဒ်ဝမ်ဟာ ဆီးဂိမ်းမှာ ကြေးတံဆိပ် ၃ ခု ရရှိထားသူဖြစ်ပြီး အခု WBO ဆူပါဖယ်သာဝိတ် ခါးပတ်ဟာ ပြီးခဲ့တဲ့ ၇ ပတ်အတွင်း ဒုတိယအကြိမ်မြောက် ရရှိတဲ့ ကမ္ဘာ့အဆင့် အောင်ပွဲဖြစ်ပါတယ်။

ပြီးခဲ့တဲ့တစ်ပတ်က ရစ်ဒ်ဝမ်ဟာ အင်ဒိုနီးရှားက ၀ါလ်ဒို ဆာဘူကို အနိုင်ယူပြီး WBA ရဲ့ အာရှ ဆူပါဖယ်သာဝိတ် ချန်ပီယံဘွဲ့ကို ဆွတ်ခူးခဲ့ပါတယ်။

“အခု ကျွန်တော် ခဏနားမယ်။ ပလာတာနည်းနည်း စားမယ်။ နောက်ထပ်ဘာလုပ်ရမလဲဆိုတာ ကျွန်တော့်မန်နေဂျာ၊ နည်းပြနဲ့ ဆွေးနွေးမယ်။ အရှေ့မှာ ပွဲပြီးပွဲကောင်းတွေ၊ အောင်မြင်မှုတွေ ထပ်ရှိနေမယ်လို့ မျှော်လင့်ပါတယ်” လို့ ရစ်ဒ် ၀မ်က ပြောကြားခဲ့ပါတယ်။

ရစ်ဒ်ဝမ်ဟာ လက်ဝှေ့လောကကနေ အနားယူမယ်ဆိုတဲ့ အတွေးမျိုးလည်း ၀င်ခဲ့ပြီး ဒီလောကမှာ ဆက်လက်ရပ်တည်နိုင်ခဲ့တဲ့အတွက် ပျော်ရွှင်မိတယ်လို့လည်း ဆိုပါတယ်။

“အားကစားလောကမှာ ဆက်ရှိနေတဲ့အတွက် ကျွန်တော် တော်တော်လေး ပျော်ရွှင်ပါတယ်။ (အရင်က) လက်ဝှေ့ဆက်ထိုးရမလား၊ နားရမလားဆိုတဲ့ အတွေးတွေနဲ့ နေ့တိုင်း လုံးပမ်းရဖူးပါတယ်။ လူတိုင်းရဲ့ အားပေးမှု၊ PSB Academy ရဲ့ စပွန်ဆာပေးမှု၊ အဖွဲ့သားတွေရဲ့ ကူညီမှုနဲ့ ကြီးကျယ်တဲ့ ခရီးတစ်ခုကို လျှောက်လှမ်းနိုင်ခဲ့ပြီး အောင်မြင်မှုတွေ ထပ်ရမယ်လို့လည်း မျှော်လင့်ပါတယ်”

Ref : CNA