အာဖဂန်မြို့တော်တွင် ဗုံးကွဲမှု အနည်းဆုံး လူ ၈၀ သေဆုံး

မေ ၃၁၊ ၂၀၁၇
M-Media

– အာဖဂန်နစ္စတန်နိုင်ငံ မြို့တော် ကဘူးလ်ရှိ သံတမန်ရပ်ကွက်တွင် ကားဗုံးပေါက်ကွဲမှုကြီးတစ်ခု ယနေ့မနက်ပိုင်းတွင် ဖြစ်ပွားခဲ့ပြီး အနည်းဆုံး လူ ၈၀ သေဆုံးကာ၊ ရာနှင့်ချီ ဒဏ်ရာရရှိခဲ့သည်ဟု သိရသည်။

အစိုးရရုံးများ၊ နိုင်ငံခြားသံရုံးများရှိနေပြီး လုံခြုံရေး အလွန်မြင့်သည့် ဇန်ဘက်ရင်ပြင်တွင် ဖြစ်ပွားခဲ့ခြင်းဖြစ်ပြီး အသေခံ ထရပ်ကားဗုံး ဖေါက်ခွဲတိုက်ခိုက်မှုဖြစ်သည်ဟု ရင်းမြစ်များက ဆိုသည်။

ရဲတပ်ဖွဲ့ကမူ သေဆုံးသူ အနည်းဆုံး ၈၀ နှင့် ဒဏ်ရာရသူ ၃၀၀ ကျော်ရှိသည်ဟု အတည်ပြုခဲ့ပြီး သေဆုံးသူ အရေအတွက်မှာ တိုးလာဖွယ်ရှိနေသည်။

လက်ရှိတွင် ထိုတိုက်ခိုက်မှုအတွက် မည်သည့်အဖွဲ့ကမှ တာဝန်ယူသေးပေ။ အာဖဂန်ရှိ အကြမ်းဖက်အဖွဲ့များဖြစ်သော IS နှင့် တာလီဘန်တို့မှာ ယခင်က မြို့တော်ကဘူးလ်တွင် အကြီးစား ဖောက်ခွဲတိုက်ခိုက်မှုများ ပြုလုပ်ခဲ့သည်။

Ref: Aljazeera