အမေရိကန်မြို့နယ်တစ်ခုက ဗလီဆောက်ခွင့်မပေးသည့် ဆုံးဖြတ်ချက် မှားယွင်းကြောင်း တရားရေး ဆုံးဖြတ်

ဇွန် ၁၊ ၂၀၁၇
M-Media

– မွတ်စလင်လူ့အဖွဲ့အစည်းအား ၀တ်ပြုရာနေရာ ဆောက်လုပ်ခွင့်မပေးမှုအတွက် အမေရိကန်ပြည်ထောင်စု နယူးဂျာဆီပြည်နယ် ဘားနဒ်မြို့က လျော်ကြေး ကန်ဒေါ်လာ ၃.၂၅ ဒေါ်လာ ပေးဆောင်ရန် အမေရိကန် ပြည်ထောင်စုတရားရုံးက အင်္ဂါနေ့တွင် ဆုံးဖြတ်လိုက်သည်ဟု သိရသည်။

လွန်ခဲ့သည့် ၄ နှစ်အရင် ဘက်စကင်းရစ်ဂ်ျ အစ္စလာမ့်လူ့အဖွဲ့အစည်းမှာ ၀တ်ပြုရာနေရာ ဆောက်လုပ်ခွင့်ပြုထားသည့် ရပ်ကွက်တွင် ဗလီဝတ်ကျောင်းတော်အတွက် မြေ၀ယ်ခဲ့ပြီး ဆောက်လုပ်ရန် လျှောက်ထားမှုကို ဘားနဒ်မြို့နယ် အုပ်ချုပ်ရေးအဖွဲ့က ပယ်ချခဲ့ခြင်းဖြစ်သည်။

ထို့ကြောင့် ၂၀၁၆ ခုနှစ် မတ်လတွင် မွတ်စလင်လူ့အဖွဲ့အစည်းက မြို့နယ်အား တရားစွဲဆိုခဲ့သည်။ နိုဝင်ဘာတွင် အမေရိကန်တရားရေးဌာနကလည်း အဆိုပါမြို့နယ်ကို စွဲချက် ၂ ခုဖြင့် တရားစွဲဆိုခဲ့ပြီး အင်္ဂါနေ့တွင် ဆုံးဖြတ်ချက် ချမှတ်နိုင်ခဲ့ခြင်းဖြစ်သည်။

“ဘာသာရေးအတွက် မြေယာအသုံးပြုခွင့် လျှောက်ထားမှုကို အခြားသော ရည်ရွယ်ချက်အတွက် လျှောက်ထားမှုလိုမျိုး မြို့နယ်က ခွင့်ပြုရမယ်လို့ ပြည်ထောင်စုဥပဒေမှာ သတ်မှတ်ထားပါတယ်။ ဘားနဒ်မြို့ နယ်ဟာ အခြားသော ဘာသာရေးအဆောက်အဦးတွေနဲ့ မတူညီတဲ့ နည်းလမ်းမျိုးနဲ့ ဘက်စကင်း ရစ်ဂ်ျ အစ္စလာမ့်လူ့အဖွဲ့အစည်းကို ဆက်ဆံဖို့ ဆုံးဖြတ်ချက် ချခဲ့ပါတယ်။ ဒီနေ့ချမှတ်တဲ့အမိန့်မှာ အဲဒီဆုံးဖြတ်ချက်အမှားတွေကို ပြင်ဆင်ပေးပြီး ဒီဘာသာရေးလူ့အဖွဲ့အစည်းဝင်တွေဟာ အခြားသော ဘာသာရားတွေလိုပဲ သူတို့ရဲ့ ဘာသာတရားကို လိုက်နာကျင့်သုံးနိုင်ခွင့် ရရှိရမယ်လို့ ဆုံးဖြတ်ပါတယ်” ဟု နယူးဂျာဆီပြည်နယ်
ရှေ့နေ ၀ီလီယန် အီး ဖစ်ဇ်ပက်ထရစ်က ပြောကြားခဲ့သည်။

အမေရိကန် တရားရေးဌာနက ဘားနဒ်မြို့နယ် အုပ်ချုပ်ရေးအဖွဲ့မှာ အခြားသော ဘာသာရေးအဆောက်အဦးအများအပေါ် သတ်မှတ်ထားခြင်းမရှိသည့် စံနှုန်းများကို ဗလီအတွက် သတ်မှတ်ကာ ဆောက်လုပ်ခွင့် ငြင်းဆန်ခဲ့ခြင်းဖြစ်သည်ဆိုသော စွဲချက်ဖြင့် တရားစွဲဆိုခဲ့ခြင်းဖြစ်သည်။

တရားစွဲဆိုမှုတွင် လူ့အဖွဲ့အစည်းအတွင်း ခြိမ်းခြောက်မှု၊ အရှက်ရစေမှု အသေးစိတ်အချက်အလက်များကို ဖော်ပြထားပြီး ‘ဗလီဝတ်ကျောင်းတော် ဆောက်လုပ်မှုကို ဆန့်ကျင်ရန်အတွက် လှုံ့ဆော်သော လက်ကမ်း စာစောင်များ၊ ဆိုရှယ်မီဒီယာများနှင့် ၀ဘ်ဆိုက်များတွင် မွတ်စလင်ဆန့်ကျင်ရေး အမုန်းတရားများ ပြည့်နှက်နေခြင်း၊ ၉/၁၁ အကြမ်းဖက်တိုက်ခိုက်မှုကို ကိုးကားဖော်ပြခြင်း’ တို့ ရှိခဲ့သည်ဟု တရားရုံးအထောက်အထားများတွင် တွေ့ရသည်။

ယခုဆုံးဖြတ်ချက်အရ ဘက်စကင်းရစ်ဂ်ျ မွတ်စလင်လူ့အဖွဲ့အစည်းမှာ ဘားနဒ်မြို့နယ် အုပ်ချုပ်ရေးအဖွဲ့မှ ကန်ဒေါ်လာ ၃.၂၅ သန်း ရရှိမည့်အပြင်၊ ဗလီဝတ်ကျောင်းတော် ဆောက်လုပ်ခွင့်လည်း ရရှိမည်ဖြစ်သည်။

ဘားနဒ်မြို့နယ်မှ ထုတ်ပြန်သော ကြေငြာချက်တွင် ပြောရေးဆိုခွင့်ရှိသူ မီခေးလ် တာနာက ယခုဖြေရှင်းမှုကို ‘ရှေ့ကို ပိုမိုထိရောက်စွာ သွားနိုင်ရန်အတွက်’ လက်ခံခြင်းဖြစ်ပြီး၊ ဗလီဝတ်ကျောင်းတော်ဆောက်လုပ်ရေး မြေယာအသုံးပြုရန် လျှောက်ထားမှုကို အခြားသော မြေယာလျှောက်ထားမှု သတ်မှတ်ချက်များအတိုင်း အခြေ
ခံကာ ပယ်ချခဲ့ခြင်းဖြစ်ပြီး ခွဲခြားဆက်ဆံမှု မပါဟု ပြောကြားခဲ့သည်။

ဘက်စကင်း ရစ်ဂ်ျ မွတ်စလင်လူ့အဖွဲ့အစည်းမှ ဥက္ကဌဖြစ်ပြီး တရားလိုလည်းဖြစ်သူ ဒေါက်တာ မိုဟာမက် အလီ ချောင်ဒရီက ဆုံးဖြတ်ချက်အတွက် ကျေးဇူးတင်သည်ဟု ပြောကြားခဲ့သည်။

“ဒီဆုံးဖြတ်ချက်အတွက် ကျွန်တော်တို့ အရမ်းကို ကျေးဇူးတင်ပါတယ်။ ပြီးတော့ ဗလီဝတ်ကျောင်းတော် ဆောက်လုပ်ခွင့် ချက်ခြင်းရမယ်လို့ ကျွန်တော်တို့ မျှော်လင့်ပါတယ်။ ကျွန်တော်တို့ရဲ့ ဗလီဝတ်ကျောင်းတော်မှာ ဘာသာပေါင်းစုံ၊ လူမျိုးပေါင်းစုံကလူတွေကို ကြိုဆိုသွားမှာ ဖြစ်ပါတ်။ လူ့အဖွဲ့အစည်းမှာ သဟဇာတြ
ဖစ်မှုကို မြှင့်တင်ဖို့၊ ကမ္ဘာကြီးမှာ ငြိမ်းချမ်းမှု မြှင့်တင်ဖို့အတွက် ပေါင်းကူရေးလုပ်ငန်းမှာ စိတ်ဝင်စားသူ ဘယ်သူ့ကိုမဆို ကျွန်တော်တို့ တံခါးတွေ ဖွင့်ပေးမှာ ဖြစ်ပါတယ်” ဟု ချောင်ဒရီက ပြောကြားခဲ့သည်။

Ref: CNN