ယူအေအီးတွင် ပထမဆုံး စက်ရုပ်ရဲ စတင် တာဝန်ထမ်းဆောင်

ဇွန် ၁၊ ၂၀၁၇
M-Media

– အာရပ်စော်ဘွားများပြည်ထောင်စု (ယူအေအီး) နိုင်ငံ ဒူဘိုင်းရဲတပ်ဖွဲ့မှာ ပထမဆုံး စက်ရုပ်ရဲတပ်ဖွဲ့ဝင်တစ်ဦး မနေ့က စတင် တာဝန်ထမ်းဆောင်ခဲ့ပါတယ်။

ကမ္ဘာ့အမြင့်ဆုံး နာမည်ကျော် Burj Khalifa တာဝါအောက်မှာ လှည့်ကင်းအဖြစ် တာဝန်ထမ်းဆောင်တာဖြစ်ပြီး ကမ္ဘာ့လှည့် ခရီးသွားတွေ၊ ဖြတ်သွားဖြတ်လာ ပြည်သူတွေက အဲဒီ စက်ရုပ်ရဲနဲ့ အမှတ်တရဓာတ်ပုံတွေ ရိုက်ကူးခဲ့ကြပါတယ်။

ရဲတပ်ဖွဲ့ဝင်ဦးထုပ် ဆောင်ထားပြီး ဘီးနဲ့ ရွေ့လျားတဲ့ ဒီစက်ရုပ်ရင်ဘတ်မှာ ကွန်ပျူတာ touch-screen ထားရှိပြီး ရာဇ၀တ်မှုအတွက် သတင်းပို့တာ၊ သတ်မှတ်အမြန်နှုန်းထက် ပိုမောင်းတဲ့ကားတွေကို ဖမ်းဆီးတာတွေ ပြုလုပ်နိုင်မှာပါ။

၅ ပေ ၅ လက်မမြင့်ပြီး ၁၀၀ ကီလိုဂရမ်လောက်လေးတဲ့ ဒီစက်ရုပ်ဟာ ဘာသာစကား ၆ မျိုးကို ပြောနိုင်သလို မျက်နှာအမူအရာကိုလည်း စကန်ဖတ်နိုင်ပါတယ်။

“၂၀၃၀ ကျရင် ရဲတပ်ဖွဲ့ရဲ့ ၂၅ ရာခိုင်နှုန်းကို စက်ရုပ်တွေနဲ့ အစားထိုးဖို့ ကျွန်တ်ာတို့ ရည်ရွယ်ပါတယ်” လို့ ဒူဘိုင်းရဲတပ်ဖွဲ့ နည်းပညာဌာန အကြီးအကဲ ခါလစ် အလ် ရာဇူကီက ပြောကြားခဲ့ပါတယ်။

ဒီစက်ရုပ်တွေကို ကမ္ဘာ့လှည့်ခရီးသွားတွေ စိတ်ဝင်စားတဲ့နေရာတွေမှာ ချထားမှာဖြစ်ပြီး စက်ရုပ်မှာပါတဲ့ ကင်မရာကနေ ထိန်းချုပ်ရေးခန်းကို အရုပ်၊ အသံတွေကို တိုက်ရိုက်ပို့မှာ ဖြစ်ပါတယ်။ ပြီးတော့ ဒီစက်ရုပ်ဟာ ရဲတပ်ဖွဲ့ အလိုရှိနေသူတွေကိုလည်း ဖော်ထုတ်နိုင်မှာ ဖြစ်ပါတယ်။

ရာဇူကီက စက်ရုပ်ရဲတွေရဲ့ အဓိကရည်ရွယ်ချက်ဟာ လူတွေနဲ့ ဆက်သွယ်နိုင်ဖို့ နည်းလမ်းသစ် ရှာဖွေရေးဖြစ်ပြီး တရားခံကို ဖမ်းဆီးတာမျိုးတွေလို ကိစ္စမှာတော့ လူသားတွေနေရာကို အစားထိုးနိုင်မှာ မဟုတ်ဘူးလို့ ထည့်သွင်း ပြောကြားခဲ့ပါတယ်။

ဒူဘိုင်းရဲတပ်ဖွဲ့ဟာ Lamborghini နဲ့ Ferrari လို တန်ဖိုးကြီးကားတွေကို ပတ္တယောင်ရဲကားအဖြစ် အသုံးပြုမှုအတွက်လည်း ကျော်ကြားပါတယ်။

Ref: Telegraph