အကြမ်းဖက်မှုအန္တရာယ် အမြင့်ဆုံးရှိနေသည်ဟု စင်ကာပူ ပြော

ဇွန် ၁၊ ၂၀၁၇
M-Media

– စင်ကာပူနိုင်ငံတွင် အကြမ်းဖက်ဝါဒ၏ ခြိမ်းခြောက်မှုမှာ အမြင့်ဆုံးအဆင့်တွင် ရှိနေပြီး IS အကြမ်းဖက်အဖွဲ့၏ အဓိကပစ်မှတ် ဖြစ်နေသည်ဟု ပြည်ထဲရေးဝန်ကြီးဌာနက ပြောကြားလိုက်သည်။

‘၂၀၁၇ ခုနှစ် အကြမ်းဖက်ဝါဒ ခြိမ်းခြောက်မှု အကဲဖြတ်အစီရင်ခံစာ’ တွင် ထိုကဲ့သို့ ပြောကြားလိုက်ခြင်းဖြစ်ပြီး IS မှာ တိုင်းပြည်အတွက် အဆိုးရွားဆုံး ခြိမ်းခြောက်မှုဖြစ်နေကာ ပြီးခဲ့သည့်နှစ်အနည်းငယ်အတွင်း ထိုအဖွဲ့ကို အခြေခံ၍ မိမိတို့၏ လုံခြုံရေး အစီအစဉ်ကို ပုံဖော်နေရသည်ဟုလည်း ဆိုသည်။

စိုးရိမ်ရမှု အမြင့်ဆုံးအဆင့် ဖြစ်နေသော်လည် လတ်တလော တိုက်ခိုက်နိုင်ချေ မရှိကြောင်း၊ လုံခြုံရေးအဖွဲ့များမှာ သတိဝိရိယဖြင့် ရှိနေကြောင်း အစီရင်ခံစာတွင် ဖော်ပြထားသည်။

အရှေ့တောင်အာရှ ဒေသအတွင်း ၂၀၁၆ ခုနှစ် ဇန်န၀ါရီတွင် အင်ဒိုနီးရှား၊ ဇွန်လတွင် မလေးရှားတို့၌ IS နှင့် ဆက်နွယ်သည့် တိုက်ခိုက်မှုများ ဖြစ်ပွားခဲ့ပြီး ယခုနှစ် မေလအထိ အင်ဒိုနီးရှားနိုင်ငံအတွင် ဗုံးခွဲမှုများ၊ သေနတ်ဖြင့် ပစ်ခတ်မှုများ ဆက်တိုက် ဖြစ်ပွားခဲ့သည်။

အစီရင်ခံစာတွင် IS ထောက်ခံသူ စစ်သွေးကြွများမှာ အရှေ့တောင်အာရှဒေသအတွင်း ရင်ဆိုင်ရန် ပိုမိုခက်ခဲမည့် အခြေစိုက်စခန်းများကို ဖန်တီးလာနိုင်ကြောင်း ဖော်ပြခဲ့ပြီး ‘IS အရှေ့အာရှအဖွဲ့’ က ဖိလစ်ပိုင်နိုင်ငံ မာရာဝီမြို့အား လတ်တလော စီးနင်းထားမှုကို ထောက်ပြခဲ့သည်။

ထို့ပြင် စင်ကာပူမှာ အကြမ်းဖက်ဝါဒ တိုက်ဖျက်ရေး နိုင်ငံတကာ မဟာမိတ်အဖွဲ့တွင် ပါဝင်မှုအတွက် အကြမ်းဖက်အဖွဲ့၏ ပစ်မှတ်ထားခြင်းကို ဆက်လက် ခံနေရမည်ဟု ၀န်ကြီးဌာနက ဆိုသည်။

IS အဖွဲ့မှာ ၂၀၁၆ ခုနှစ် ပထမနှစ်ဝက်က တိုက်ခိုက်မှုပြုလုပ်ရန် စီစဉ်မှုကို စင်ကာပူ အာဏာပိုင်များက ဖော်ထုတ်နိုင်ခဲ့ပြီး၊ အင်ဒိုနီးရှားနိုင်ငံက ဘာတမ်ကျွန်းမှ အကြမ်းဖက်သမားများက စင်ကာပူ မရီနာဘေးကို ဒုံးကျည်ဖြင့် ပစ်ခတ်ရန် စီစဉ်မှုကိုလည်း အင်ဒိုနီးရှားက ဖော်ထုတ်နိုင်ခဲ့သည်။

အရှေ့တောင်အာရှ ဒေသအတွင်း IS အကြမ်းဖက်အဖွဲ့နှင့် ဆက်စပ်သည့် တိုက်ခိုက်မှုများ

Ref: CNA