အီရတ်တွင် IS ကြောင့် ပျက်ဆီးသွားသည့် ခရစ်ယာန်ဘုရားကျောင်းကို မွတ်စလင်များ ပြန်ဆောက်ပေး

ဇွန် ၂၊ ၂၀၁၇
M-Media

– အီရတ်နိုင်ငံ မူဆိုးလ်မြို့ကို IS က သိမ်းပိုက်စဉ်အတွင်းမှာ ဖျက်ဆီးခံခဲ့ရတဲ့ သမိုင်းဝင် ခရစ်ယာန်ဘုရားကျောင်းတစ်ကျောင်း ပြန်လည်တည်ဆောက်ရေး မွတ်စလင်တွေက ပါဝင်ကူညီနေကြပါတယ်။

အီရတ်နိုင်ငံမှာ ခရစ်ဘာသာဝင် အနည်းစုသာရှိပေမယ့်၊ အရှေ့အလယ်ပိုင်းမှာ သက်တမ်းရင့် ခရစ်ယာန်လူ့အဖွဲ့အစည်းဖြစ်ပြီး မူဆိုးလ်ကို IS အကြမ်းဖက်အဖွဲ့က သိမ်းပိုက်လိုက်ချိန်မှာတော့ ခရစ်ယာန်တွေဟာ ငြှင်းပမ်းနှိပ်စက် ခံခဲ့ရပါတယ်။

ဘုရားကျောင်းတွေ ဖျက်ဆီးခံခဲ့ရသလို ခရစ်ယာန်တွေရဲ့ ဓမ္မစာအုပ်တွေနဲ့ အခြား အထွဋ်အမြတ်ထားရာတွေလည်း အဂါရ၀ပြုခံခဲ့ရပါတယ်။

အီရတ်အစိုးရတပ်ဖွဲ့တွေနဲ့ ကာ့ဒ်တပ်ဖွဲ့တွေ ပူးပေါင်းပြီး မူဆိုးလ်မြို့သိမ်းပိုက်ရေး ထိုးစစ်ဆင်မှုအတွင်းမှာ မြို့ရဲ့ အစိတ်အပိုင်း တော်တော်များများကို ပြန်လည်သိမ်းပိုက်နိုင်ခဲ့ပြီး ဒီလအကုန်လောက်မှာ တစ်မြို့လုံးကို သိမ်းပိုက်နိုင်မယ်လို့ ခန့်မှန်းထားပါတယ်။

မူဆိုးလ်မြို့ရဲ့ အလ်-အာရဘီရပ်ကွက်မှာ တည်ရှိတဲ့ Chaldean ခရစ်ယာန်ဘုရားကျောင်းဟာ ၁၀ ရာစုကတည်းက ဘုရားကျောင်းဖြစ်ပြီး IS အကြမ်းဖက်သမားတွေရဲ့လက်အောက်မှာ ဆိုးဆိုးဝါးဝါး ပျက်ဆီးခဲ့ပါတယ်။

IS လက်က လွတ်မြောက်လာပြီးတဲ့နောက်မှာ ဒီ ဘုရားကျောင်းကို ပြန်လည်ပြင်ဆင်မှုတွေ လုပ်နေပြီး ဒေသခံ မွတ်စလင်စေတနာ့ဝန်ထမ်းအဖွဲ့တစ်ခုက ဒီဆောက်လုပ်ရေးလုပ်ငန်းမှာ ၀င်ရောက်ကူညီကာ ညီရင်းအစ်ကို မောင်ရင်းနှမစိတ်ဓာတ်ကို ပြသခဲ့ကြပါတယ်။

ဘုရားကျောင်းကို သန့်ရှင်းရေးလုပ်တာ၊ ပျက်ဆီးနေတဲ့ ၀တ်ပြုခန်းတွေ၊ အခြား အခန်းတွေကို မွတ်စလင်တွေ ပြင်ဆင်ပေးနေတဲ့ဓာတ်ပုံတွေဟာ ပြီးခဲ့တဲ့ ရက်ပိုင်းအတွင်း ဆိုရှယ်မီဒီယာမှာ ကျယ်ကျယ်ပြန့်ပြန့် ပေါ်ထွက်လာခဲ့ပါတယ်။

မူဆိုးလ်မြို့ခံတွေက သူတို့ရဲ့ ဒီလိုကူညီမှုဟာ ‘မိမိတို့အနေနဲ့ တစ်မြို့တဲ့သားချင်းဖြစ်ပြီး ဘာသာမတူမှုကအ ရေးမပါကြောင်း၊ မတူကွဲပြားမှုဆိုတာ အင်အားတစ်ခုဖြစ်ကြောင်း’ ပြသဖို့အတွက် ဖြစ်တယ်လို့ ပြောကြားခဲ့ပါတယ်။

Ref : Metro