အိန္ဒိယရှိ ဟိန္ဒူဘုရားကျောင်းတစ်ခုက မွတ်စလင်များအတွက် ၀ါဖြေပွဲပြုလုပ်ပေး

ဇွန် ၃၊ ၂၀၁၇
M-Media

– ပြည်နယ်အတွင်းမှာ ဘာသာရေး သဟဇာတဖြစ်မှုကို ပြသလိုတဲ့ ရည်ရွယ်ချက်နဲ့ အိန္ဒိယနိုင်ငံတောင်ပိုင်း ကီရာလာပြည်နယ်က ဟိန္ဒူဘုရားကျောင်းတစ်ခုဟာ မွတ်စလင်တွေအတွက် အစ်ဖ်သာရ်ဝါဖြေပွဲ ကျင်းပပေးခဲ့တယ်လို့ သိရပါတယ်။

မာလာပူရမ်မြို့က Lekshmi Narasimha Murthy Vishnu ဘုရားကျောင်းဖြစ်ပြီး လက်ရှိမှာ ပြန်လည်ပြင်ဆင်မှုတွေ ပြုလုပ်နေတာပါ။ အဲဒီလိုပြင်ဆင်တဲ့ အထိမ်းအမှတ်အနေနဲ့ မေလ ၂၉ ရက်နေ့ကနေ ဇူလိုင်လ ၄ ရက်နေ့အထိပြုလုပ်ဖို့ရှိနေတဲ့ Punaprethishta ဘာသာရေးအခမ်းအနား အစိတ်အပိုင်းအဖြစ် မွတ်စလင်တွေအတွက် အစ်ဖ်သာရ်ဝါဖြေပွဲကို ပြုလုပ်ပေးခဲ့တာ ဖြစ်ပါတယ်။

ဝါဖြေပွဲအတွင်း မွတ်စလင် ၄၀၀ လောက်နဲ့ အခြားလူ့အဖွဲ့အစည်းက လူ ၁၀၀ လောက် ပါဝင်ခဲ့ကြပါတယ်။

မွတ်စလင်အများစုရှိရာ ရပ်ကွက်မှာရှိတဲ့ ဒီဘုရားကျောင်း ပြန်လည်ပြင်ဆင်ရေးအတွက် မွတ်စလင်မိသားစု ၃၀၀ လောက်က ငွေကြေးမတည်ပေးခဲ့တာ ဖြစ်ပါတယ်။

“ကျွန်တော်တို့ဟာ ဘာသာရေးသဟဇာတဖြစ်တဲ့ ပတ်ဝန်းကျင်မှာ ကြီးပြင်းလာတယ်။ ကျွန်တော်တို့အတွက် အရေးကြီးတာက လူသားဝါဒပါ။ ဘာသာတရား မဟုတ်ပါဘူး။ လူတိုင်းက သူကြိုက်ရာ ဘာသာတရား၊ လမ်းစဉ်ကို လေးစားလိုက်နာခွင့်ရှိတယ်။ ဒါက အခြားဘာသာဝင်တွေနဲ့ ကျွန်တော်တို့ကြားမှာ ဆက်ဆံရေး မပြေစ်စရာ အကြောင်းအရင်းမရှိပါဘူး။ အခြားဘာသာဝင်တွေကို ကြိုဆိုမှုကနေ ကျွန်တော်တို့ရဲ့ နှလုံးသားကို ပိတ်မထားသင့်ပါဘူး” လို့ ဘုရားကျောင်းဂေါပကအဖွဲ့က အတွင်းရေးမှူး ပီတီ မိုဟာနန်က ပြောကြားခဲ့ပါတယ်။

ဘုရားကျောင်းမှာ နေရာမလောက်တာကြောင့် အစ်ဖ်သာရ်ဝါဖြေပွဲကို အခြားအိမ်တစ်အိမ်မှာ ကျင်းပပေးခဲ့တာပါ။

အစားအသောက်တွေက သက်သက်လွတ်ဖြစ်ပြီး ပြည်နယ်က နာမည်ကျော် ဟင်းလာတွေလည်း ပါဝင်ပါတယ်။ ၀ါဖြေပွဲအတွက် ဘုရားကျောင်းတစ်ဝိုက်မှာရှိတဲ့ မွတ်စလင်အိမ်တွေကို အသိပေးခဲ့ပြီး မွတ်စလင်တွေကလည်း တစ်ခဲနက် ပါဝင်ခဲ့ကြပါတယ်။

“ဘယ်သူမှ ရှက်မနေကြဘူးဗျ။ ပါဝင်မှုကတော့ အံ့မခန်းဘဲ” လို့ မိုဟာနန်က ပြောကြားခဲ့ပါတယ်။

Ref: The News Minute