ရီးယဲလ်မှာ သမိုင်း၏ အချိန်းအချက်ကာလကို ရောက်နေသည်ဟု ရာမို့စ်ပြော

ဇွန် ၃၊ ၂၀၁၇
M-Media

ရီးယဲလ်အင်း ယမန်နှစ် ချန်ပီယံလိဂ်ဖလား ရခဲ့စဉ်က

– မိမိတို့မှာ ‘သမိုင်းနှင့် အချိန်းအချက်ကာလတစ်ခု’ ကို ရောက်ရှိနေပြီး ဂျူဗင်တပ်စ်နှင့် ယနေ့ညကစားမည့် ချန်ပီယံလိဂ် ဗိုလ်လုပွဲအတွက် စိတ်လှုပ်ရှားနေသည်ဟု ရီးယဲလ်နောက်ခံလူ ဆာဂျီယို ရာမို့စ်က ပြောကြားလိုက်သည်။

ဝေးလ်နိုင်ငံ ကာဒစ်ဖ်တွင် ကစားမည့် ထိုဗိုလ်လုပွဲတွင် ရီးယဲလ် အနိုင်ရပါက ချန်ပီယံလိဂ်ဟု အမည်ပြောင်းပြီးနောက်ပိုင်း ပထမဆုံး ၂ ကြိမ်ဆက်ချန်ပီယံဖြစ်သည့် အသင်းအဖြစ်လည်းကောင်း၊ ချန်ပီယံလိဂ်ကို ၁၂ ကြိမ်ရရှိသည့် အသင်းအဖြစ်လည်းကောင်း မှတ်တမ်းသစ် ရေးထိုးနိုင်မည်ဖြစ်သည်။

“ကျွန်တော်တို့ ဒီလိုအခွင့်အလမ်းမျိုးကို ဘယ်တုန်းကမှ မမျှော်မှန်းခဲ့ပါဘူး။ ဒါပေမယ့် အခုတော့ ဒီလိုဖြစ်နေပါပြီ။ ဖလားကို အိမ်ပြန်သယ်သွားရမှာ သိပ်ကို အံ့သြဖွယ်ရာကောင်းတဲ့ အခွင့်အရေးတစ်ခုပါပဲ။ ပြီးရင်တော့ သမိုင်းက ကျွန်တော်တို့အတွက် စကားပြောပါလိမ့်မယ်။ ချန်ပီယံလိဂ်ဖလားကို ၂ ကြိမ်ဆက်ရဖို့အတွက် ကျွန်တော်တို့ တော်တော်လေး စိတ်လှုပ်ရှားနေပါတယ်” ဟု ရာမို့စ်က ပြောကြားခဲ့သည်။

ရီးယဲလ်နည်းပြ ဇီဒန်းက ယနေ့ညပြိုင်ပွဲတွင် မည်သည့်အသင်းကမှ ရေပန်းစားခြင်းမရှိဘဲ နှစ်ဖက်စလုံး ၅၀-၅၀ သာဖြစ်ကြောင်း ပြောကြားခဲ့သည်။

ဂျူဗီနှင့် ရီးယဲလ်တို့မှာ ၁၉၉၈ ခုနှစ် ချန်ပီယံလိဂ်ဖိုင်နယ်တွင် တွေ့ဆုံဖူးပြီး အမ်စတာဒမ်ကွင်းတွင် ရီးယဲလ်က ၁ ဂိုး ဂိုးမရှိဖြင့် အနိုင်ရခဲ့သည်။

“ကျွန်တော်တို့ပုံစံအတိုင်း ကစားသွားမှာပါ။ ကျွန်တော်တို့ဟာ ကြီးကျယ်တဲ့အသင်းတစ်သင်းကို ရင်ဆိုင်ရမှာဖြစ်ပြီး၊ ဘောလုံးကိုနှစ်သက်တဲ့ ဘယ်သူမဆို အင်မတန်ကောင်းတဲ့ ဖိုင်နယ်ပွဲကို ကြည့်ချင်ကြမှာပါပဲ။ ဒီလိုကြည့်ရမယ်လို့လည်း ကျွန်တော်ထင်ပါတယ်” ဟု ဇီဒိန်းက ပြောကြားခဲ့သည်။

Ref : BBC