ချန်ပီယံလိဂ်ဗိုလ်လုပွဲကြည့်စဉ် လူအုပ်တိုးမှုကြောင့် အီတလီတွင် လူ ၁၀၀၀ ခန့် ဒဏ်ရာရ

ဇွန် ၄၊ ၂၀၁၇
M-Media

– ဂျူဗင်တပ်စ်အသင်း အခြေစိုက်ရာ တူရင်မြို့တွင် ဘောလုံးပွဲကြည့်သည့် လူအုပ်ကြီး ကြောက်လန့်တကြား တိုးဝှေ့မှုကြာင့် လူ ၁၀၀၀ ခန့် ဒဏ်ရာရရှိခဲ့သည်ဟု ရဲတပ်ဖွဲ့က ပြောကြားခဲ့သည်။

ယနေ့မနက် ရီးယဲလ်မက်ဒရစ်နှင့် ဂျူဗင်တပ်စ်အသင်းတို့၏ ချန်ပီယံလိဂ်ပွဲစဉ်ကို ဂျူဗင်တပ်စ် ပရိတ်သတ်များက Piazza San Carlo ရင်ပြင်တွင် စုပေါင်းကြည့်ရှုနေစဉ် ဒုတိယပိုင်း ပြီးကာနီး ၁၀ မိနစ်အလို၌ မီးရှူးမီးပန်း ဖောက်သည်ကို ဗုံးကွဲသည်ဆိုသည့် ကောလဟာလသတင်းကြောင့် လူများ အော်ဟစ်ကာ တိုးဝှေ့ထွက်ရာမှ ထိုကဲ့သို့ ထိခိုက်နာကျင်ခဲ့ခြင်းဖြစ်သည်။

တိုးဝှေ့ထွက်စဉ် ရင်ပြင်ကို ကာထားသည့် အဆီးအတားများတွင် ညပ်မိခြင်း၊ လူအုပ်ကြားထဲတွင် ညပ်မိခြင်းကြောင့် လူ ၁၀၀၀ ခန့် ထိခိုက်ဒဏ်ရာ ရရှိခဲ့ပြီး အသက် ၇ နှစ်အရွယ် ကလေးငယ်တစ်ဦးအပါအ၀င် ၂ ဦးမှာ ဒဏ်ရာအခြေအနေ စိုးရိမ်ရသည်။

ထိုအဖြစ်အပျက် ဖြစ်ပွားပြီးနောက်ပိုင်း ရင်ပြင်တွင် ဖိနပ်များ၊ အိတ်များ ပုံနေသည်ကို တွေ့ရသည်။

ဂျူဗင်တပ်စ်အသင်းသမိုင်းတွင် ၁၉၈၅ ခုနှစ်က ဟေဆယ်ကွင်း၌ ဥရောပဖလား ဗိုလ်လုပွဲအဖြစ် လီဗာပူးလ်အသင်းနှင့် မကစားမီ နံရံပြိုကျမှုကြောင့် အီတလီပရိတ်သတ် အများစုအပါအ၀င် လူပေါင်း ၃၉ ဦး သေဆုံးခဲ့သည့် ဖြစ်ရပ်ဆိုးတစ်ခု ရှိနေသည်။

Ref: BBC