လတ်တလော သံတမန်ပြဿနာမှာ မိမိတို့နိုင်ငံအား ဖျက်ဆီးရန် ရည်ရွယ်ခြင်းဟု ကာတာပြော

ဇွန် ၅၊ ၂၀၁၇
M-Media

– ပင်လယ်ကွေ့နိုင်ငံများက မိမိတို့နိုင်ငံနှင့် သံတမန်အဆက်အသွယ် ဖြတ်တောက်မှုတွင် ‘တရားဝင်သည့် အကြောင်းအချက်’ မရှိဘဲ၊ အခြေအမြစ်မရှိသော စွပ်စွဲချက်များကို အခြေခံခြင်းဖြစ်သည်ဟု ကာတာနိုင်ငံက ပြောကြားလိုက်သည်။

ဆော်ဒီ၊ အီဂျစ်၊ ယူအေအီးနှင့် ဘာရိန်းနိုင်ငံတို့က မိမိတို့အနေဖြင့် ကာတာနှင့် အဆက်အသွယ်အားလုံးဖြတ်မည်ဟု ယနေ့တွင် ကြေငြာခဲ့ပြီး နောက်ပိုင်းတွင် လစ်ဗျားနိုင်ငံကလည်း ပါဝင်လာခဲ့သည်။

ဆော်ဒီက ထိုကဲ့သို့ အဆက်အသွယ်ဖြတ်တောက်ရခြင်းမှာ အမျိုးသားလုံခြုံရေးကို ကာကွယ်ရန်ဖြစ်သည်ဟု ပြောကြားခဲ့ပြီး ‘ကာတာမှာ ဒေသတွင်း မတည်မငြိမ်ဖြစ်စေရန် ရည်ရွယ်လုပ်ဆောင်နေသည့် အကြမ်းဖက်သမားများနှင့် အုပ်စုများကို’ လက်ခံထားသည်ဟု စွပ်စွဲခဲ့သည်။

ကာတာနိုင်ငံခြားရေးဝန်ကြီးဌာနက ထုတ်ပြန်သော ကြေငြာချက်တွင် ထိုနိုင်ငံများ၏ ဆုံးဖြတ်ချက်မှာ ‘မိမိတို့နိုင်ငံ၏ အချုပ်အခြာအာဏာကို ဖောက်ဖျက်ခြင်းဖြစ်သည်’ ဟု ဖော်ပြထားပြီး နိုင်ငံသားများနှင့် အခြားနိုင်ငံမှ လာရောက်နေထိုင်သူများမှာ ထိခိုက်မှုမရှိအောင် ဆောင်ရွက်သွားမည်ဟု ပြောကြားခဲ့သည်။

ထို့ပြင် ဆော်ဒီ၊ ယူအေအီး၊ ဘာရိန်းတို့၏ ထိုဆုံးဖြတ်ချက်များအတွက် ကာတာအနေဖြင့် ၀မ်းနည်း၊ အံ့အားသင့်ရကြောင်း၊ ယခုလုပ်ရပ်က ကာတာနိုင်ငံအား ပျက်ဆီးစေရန် ရည်ရွယ်သည်ကို ဖော်ပြနေကာ၊ ကာတာနိုင်ငံအား ချုပ်ကိုင်ရန် ကြိုးစားခြင်းဖြစ်ကြောင်း ကြေငြာချက်တွင် ဖော်ပြခဲ့သည်။

ကာတာနှင့် ပင်လယ်ကွေ့ အာရပ်နိုင်ငံများအကြား ယခုကဲ့သို တင်းမာမှုများမှာ ကာတာ အစိုးရသတင်းဌာန QNA တွင် ဟက်ကာများက ကာတာနိုင်ငံခေါင်းဆောင် ရှိခ် တာမင် ဘင် ဟာမဒ် အလ်သာနီ၏ ပြောကြားသော စကားများဟုဆိုသော မှတ်ချက်များကို လွှင့်တင်ခဲ့ပြီးနောက်ပိုင်း ပေါ်ပေါက်လာခြင်းဖြစ်သည်။

အလ်သာနီမှာ အီရန်၊ ဟားမက်စ်၊ ဟစ်ဇ်ဘိုလာနှင့် အစ္စရေးတို့အား ထောက်ခံကြောင်း၊ အမေရိကန်သမ္မတဒေါ်နယ်ထရမ့်မှာ ရာထူးကြာကြာခံမည်မဟုတ်ကြောင်း ပြောကြားခဲ့သည်ဆိုသော အဆိုပါ သတင်းမှားများနှင့်ပတ်သက်၍ ကာတာအစိုးရက ပြင်းပြင်းထန်ထန် ငြင်းဆိုထားသည်။

ထိုကဲ့သုို့ ဆက်ဆံရေး ဖြတ်တောက်မှုတွင် လေကြောင်းနှင့် ရေကြောင်း သွားလာမှုပါ အကျုံးဝင်သည်။ လက်ရှိတွင် ဆော်ဒီနှင့် ယူအေအီးမှ လေကြောင်းလိုင်းများမှာ အင်္ဂါနေ့မှစတင်ကာ ကာတာနိုင်ငံ ဒိုဟာမြို့သို့ ပျံသန်းခြင်းမပြုတော့ဟု ကြေငြာခဲ့သည်။

ဆော်ဒီက အခြားသော အာရပ်နိုင်ငံများအနေဖြင့် ၎င်းတို့နှင့် ပူးပေါင်းရန် တိုက်တွန်းခဲ့သည်။

ပါကစ္စတန်နိုင်ငံကမူ ကာတာနှင့် သံတမန်အဆက်အသွယ် ဖြတ်တောက်မှုတွင် ပါဝင်မည်မဟုတ်ဟု အစောဆုံး ထုတ်ဖော်ပြောကြားထားသည်။

ယခုကဲ့သို့ သတင်းများ ထွက်ပေါ်လာခြင်းကြေင့် ဘဏ္ဍာရေးဈေးကွက်ကိုလည်း ထိခိုက်ခဲ့ပြီး ရေနံဈေးမှာ ထိုးတက်လာကာ၊ ကာတာစတော့နှင့် ရှယ်ယာမျာလည်း ကျဆင်းခဲ့သည်။

Ref: Aljzeera s