ကမ္ဘာ့ဖလားခြေစစ်ပွဲတွင် ကစားသမားများ၏ ရိုင်းပြသည့် အမူအရာအတွက် ဆော်ဒီပြန်လည်တောင်းပန်

ဇွန် ၉၊ ၂၀၁၇
M-Media

– ယမန်နေ့က သြစတေးလျနှင့် ကစားခဲ့သည့် ကမ္ဘာ့ဖလား ခြေစစ်ပွဲတွင် လန်ဒန်အကြမ်းဖက်တိုက်ခိုက်ခံရသူများ အတွက် ၁ မိနစ်ငြိမ်သက်မှုအား အလေးမထားခဲ့သည့် ကစားသမားများနှင့် ပတ်သက်၍ ဆော်ဒီဘောလုံးအဖွဲ့ချုပ်က တောင်းပန်လိုက်သည်။

ပြီးခဲ့သည့်တစ်ပတ်က ဖြစ်ပွားခဲ့သည့် လန်ဒန်တိုက်ခိုက်မှုတွင် သြစတေးလျနိုင်ငံသား ၂ ဦးအပါအ၀င် လူ ၈ ဦး သေဆုံးခဲ့ပြီး ကွင်းအတွင်း အစီအစဉ်ကြေငြာသူက ပွဲမစခင် အဆိုပါသေဆုံးသူများအတွက် ၁ မိနစ် ငြိမ်သက်ဂါရ၀ပြုရန် ကြေငြာခဲ့သည်။

သြစတေးလျအသင်းသားများမှာ ကွင်းလယ်စက်ဝိုင်းအနီးတွင် စီတန်းကာ တစ်ဦးကိုတစ်ဦး ပုခုံးဖက်လျက် ငြိမ်သက်ခဲ့ကြပြီး၊ ပွဲကြည့်စင်မှ ပရိတ်သတ်များကလည်း ထိုအစီအစဉ်တွင် ပါဝင်ခဲ့ကြသည်။ သို့သော် ဆော်ဒီအသင်းသားများမှာ ငြိမ်သက်မှုကို လစ်လျူရှုကာ ကွင်းအတွင်း လှည့်လည်သွားလာနေခဲ့ကြသည်။

ထိုအဖြစ်အပျက်၏ ဓာတ်ပုံများ၊ ဗီဒီယိုများမှာ ဆိုရှယ်မီဒီယာတွင် လျင်မြန်စွာ ပြန့်နှံ့သွားပြီးနောက် ဆော်ဒီဘောလုံးအသင်းမှာ ဝေဖန်မှုများကို ပြင်းပြင်းထန်ထန် ခံခဲ့ရသည်။

ဆော်ဒီဘောလုံးအဖွဲ့ချုပ်က ထုတ်ပြန်သော ကြေငြာချက်တွင် မိမိတို့အနေဖြင့် “အလွန်အမင်း စိတ်မကောင်းဖြစ်မိပြီး၊ ထိုအမှားအယွင်းအတွက် အနူးအညွတ်တောင်းပန်ကြောင်း” ဖော်ပြခဲ့သည်။

“သေဆုံးသွားသူတွေအတွက် အောက်မေ့သတိရမှုကို မလေးမစားလုပ်ဖို့ ကစားသမားတွေက ရည်ရွယ်ချက်မရှိသလို၊ ကျန်ရစ်သူမိသားစု၊ မိတ်ဆွေတွေနဲ့ ဒီတိုက်ခိုက်မှုကြောင့် ထိခိုက်ခဲ့ရသူတွေကို မကျေမနပ်ဖြစ်စေချင်တဲ့ ရည်ရွယ်ချက်လည်း မရှိပါဘူ။ ဆော်ဒီဘောလုံအဖွဲ့ချုပ်ဟာ အကြမ်းဖက်မှု၊ အစွန်းရောက်မှု ပုံစံအားလုံးကို ရှုတ်ချပြီး ထိခိုက်ခဲ့သူအားလုံးရဲ့ ကျန်ရစ်သူမိသာစုနဲ့အတူ ၀မ်းနည်းကြေကွဲရပါကြောင်း ပြောကြားလိုပါတယ်” ဟု ကြေငြာချက်က ဆိုသည်။

သြစတေးလျဘောလုံးအဖွဲ့ချုပ်က ပွဲမစခင် တစ်မိနစ်ငြိမ်သက်မည့်အစီအစဉ်ကို ဆော်ဒီဘောလုံးအသင်း၏ အုပ်ချုပ်ရေးအဖွဲ့ကို အသိပေးထားသော်လည်း၊ ကစားသမားများအား ပါဝင်ခြင်းမပြုရန် အုပ်ချုပ်ရေးအဖွဲ့က ပြောကြားခဲ့ခြင်းဖြစ်သည်ဟု ဆိုသည်။

ဆော်ဒီဘောလုံးအသင်း၏ ထိုကိစ္စနှင့်ပတ်သက်၍ FIFA နှင့် အာရှဘောလုံးအဖွဲ့ချုပ်တို့က မည်သည့်မှတ်ချက်မှ မပေးသေးပေ။

Ref: Aljazeera