မလေးရှားရှိ မျက်မမြင်လူငယ်များ ကုရ်အာန်ကျမ်းတော်မြတ်ကို အာဂုံဆောင်ရန် ကြိုးစားနေ

ဇွန် ၉၊ ၂၀၁၇
M-Media

– မလေးရှားနိုင်ငံမှ အမြင်အာရုံချို့ယွင်းနေသည့် လူငယ်တစ်စုမှာ ကုရ်အာန်ကျမ်းတော်မြတ် တစ်အုပ်လုံးကို အာဂုံဆောင်နိုင်ရန် ကြိုးစားနေသည်ဟု သိရသည်။

ဆီလန်ဂေါပြည်နယ်ရှိ ကုရ်အာန်ရေးရာ သင်တန်းကျောင်း ‘ဒါရုလ်ကုရ်အာန်’ မှ မွေးရာပါ မျက်မမြင် ကျောင်းသား ၈ ဦးဖြစ်ပြီး မျက်မမြင်များ ဖတ်ရှုနိုင်သော သင်္ကေတဖြင့် ဖန်တီးထားသည့် ကုရ်အာန်ကျမ်းတော်မြတ်ကို အသုံးပြုကာ အလွတ်ကျက်မှတ်နေခြင်း ဖြစ်သည်။

အဆိုပါ ဒါရုလ်ကုရ်အာန်ကျောင်းတွင် ကျောင်းသားပေါင်း ၁၀၀၀ ခန့် ရှိနေသည်။

မျက်မမြင်များ ဖတ်ရှုနိုင်သည့် သင်္ကေတဖြင့် ရေးသားထားသည့် ကုရ်အာန်ကျမ်းတော်မြတ်ကို မလေးရှားတွင် ဖန်တီးခဲ့ခြင်းဖြစ်ပြီး အတွဲ ၆ တွဲ ပါဝင်သည်။

“သူတို့လေးတွေဟာ တစ်နေ့ကို တစ်မျက်နှာကနေ ၂ မျက်နှာအထိ အလွတ်ကျက်ရပါတယ်။ တစ်မျက်နှာကို အလွတ်ရဖို့ အကြိမ်ပေါင်း ၃၀၊ ၄၀ လောက် ဖတ်ရပါတယ်” ဟု ကုရ်အာန်သင်ကြားပေးနေသည့် ဆရာ အဟ်မဒ် ကူဆိုင်ရီ မတ် ဇီဇီက ပြောကြားခဲ့သည်။ ၎င်းကိုယ်တိုင်မှာလည်း အမြင်အာရုံ ချို့တဲ့သူဖြစ်သည်။

ကုရ်အာန်ကျမ်းတော်မြတ် အာဂုံဆောင်နေသည့် မျက်မမြင်ကျောင်းသားများမှာ အသက် ၁၉ နှစ်မှ ၂၁ နှစ်အရွယ် ရှိကြပြီး ကုရ်အာန်ကျမ်းတော်မြတ် အာဂုံဆောင်ရန်၊ အာရဘီဘာသာစကားနှင့် အခြား အစ္စလာမ့်ရေးရာ ပညာရပ်များကို လေ့လာရန် စာသင်နှစ် ၄ နှစ်တာ၏ တစ်ဝက်ကို ရောက်ရှိနေပြီဖြစ်သည်။

“ကျွန်တော့်မိသားစုနဲ့ ကျွန်တော့်အတွက် ရည်ရွယ်ပြီး ဒီကျောင်းမှာ လာတက်တာပါ။ ဘာ့ကြောင့်လည်းဆိုတော့ ကျွန်တော်က ကုရ်အာန်အာဂုံဆောင်ရတာကို နှစ်သက်တယ်လေ။ ဒါက ကျွန်တော့်ရဲ့ ရည်မှန်းချက်တွေထဲက တစ်ခုပါ” ဟု မျက်မမြင်ကျောင်းသား နူရ် အက်စ်ယီရာဟ် အဇ်ဟာရ်က ပြောကြားခဲ့သည်။

၎င်းတို့မှာ အဆိုပါ ၄ နှစ်တာစာသင်နှစ် ကုန်ဆုံးသွာားပြီးနောက် အစ္စလာမ့်ရေးရာ ပညာရပ်များကို တက္ကသိုလ်အဆင့်တွင် ဆက်လက်တက်ရောက်ခွင့် ရမည်ဖြစ်သည်။

ဒါရုလ်ကုရ်အာန် သင်တန်းကျောင်းမှ ဆရာများက မလေးရှားရှိ အခြားသော အစ္စလာမ့်ရေးရာ သင်တန်းကျောင်းများအနေဖြင့် မျက်မမြင်များအတွက် ဖန်တီးထားသော ကုရ်အာန်ကျမ်းတော်မြတ်ကို အသုံးပြုကာ မျက်မမြင်များအား သင်ကြားပေးရန် တိုက်တွန်းခဲ့သည်။

Ref: Straits Times