ကင်ဆာကို ကြက်သွန်ဖြင့် တိုက်ဖျက်နိုင်ဟု ကနေဒါသုတေသနပညာရှင်များ ပြော

ဇွန် ၁၀၊ ၂၀၁၇
M-Media

– ကင်ဆာတိုက်ဖျက်ရေးတွင် ကြက်သွန်နီများမှာ ကောင်းမွန်သည့် ပစ္စည်းတစ်ခုဖြစ်သည်ကို သုတေသနတွင် တွေ့ရှိခဲ့သည်ဟု ကနေဒါနိုင်ငံ အွန်တာရီယိုပြည်နယ်ရှိ Guelph တက္ကသိုလ်မှ သိပ္ပံပညာရှင်များက ပြောကြားလိုက်သည်။

တက္ကသိုလ်မှ သုတေသနအဖွဲ့မှာ ကင်ဆာဆဲလ်များကို သတ်ရာတွင် အွန်တာရီယိုထွက် ကြက်သွန်များက မည်မျှ ထိရောက်မှုရှိသည်ကို လေ့လာရန်အတွက် ကြက်သွန်နီ မျိုး၅ ခုနှင့် စမ်းသပ်ခဲ့ပြီး Ruby Ring ကြက်သွန်နီမျိုးမှာ အထိရောက်ဆုံးဖြစ်သည်ကို တွေ့ရှိခဲ့ရသည်။

အွန်တာရီယိုတွင် ပေါက်ရောက်သော ကြက်သွန်နီများတွင် ကင်ဆာနှင့် နှလုံးရောက်ကို တိုက်ဖျက်နိုင်သည့် ဖလာဗာနွိုက် ဒြပ်ပစ္စည်းတစ်မျိုးဖြစ်သော quercetin မှာ အခြားသောဒေသများတွင် ပေါက်ရောက်သည့် ကြက်သွန်းများထက် အမြင့်ဆုံး ပါဝင်နေသည်။

၎င်းတို့၏ စမ်းသပ်မှုတွင် အူမကြီးကင်ဆာဆဲလ်များကို quercetin နှင့် တိုက်ရိုက်ထိတွေ့ခြင်းလည်း ပါဝင်သည်။

“ကင်ဆာဆဲလ်တွေကိုသက်ရာမှာ ကြက်သွန်နီဟာ တော်တော်လေးကောင်းတယ်ဆိုတာ ကျွန်တော်တို့ တွေ့ခဲ့ရပါတယ်။ ကြက်သွန်နီဟာ ကင်ဆာဆဲလ်တွေ သေဆုံးမှုကိုဖြစ်စေတဲ့ လမ်းကြောင်းတွေကို ဖော်ပေးပါတယ်။ ပြီးတော့ ကင်ဆာဆဲလ်တွေ မရှင်သန်နိုင်တဲ့ ပတ်ဝန်းကျင်မျိုးကိုလည်း ဖြစ်စေပါတယ်။ ကင်ဆာဆဲလ်တွေ တစ်ခုနဲ့တစ်ခု ဆက်သွယ်ပြီး ဆဲလ်ပွားအောင်လုပ်တဲ့ လုပ်ဆောင်မှုကိုလည်း ဖျက်ဆီးပေးပါတယ်” ဟု လေ့လာမှုကို ဦးဆောင်ပြုလုပ်ခဲ့သည့် မူရေယန်က ပြောကြားခဲ့သည်။

အဆိုပါ သုတေသနပညာရှင်များမှာ ယခင်ကလည်း ကြက်သွန်က ရင်သားကင်ဆာဆဲလ်များအား တိုက်ဖျက်ရာတွင် ထိရောက်မှုရှိသည်ကို စမ်းသပ်ဆုံးဖြတ်နိုင်ခဲ့သည်။

မူရေယန်ကမူ နောက်တစ်ဆင့်တွင် ၎င်းတို့အနေဖြင့် အသီးအနှံများ၏ ကင်ဆာရောဂါအား တိုက်ဖျက်နိုင်မှုစွမ်းအားကို လူသားတွင် စမ်းသပ်သွားမည်ဟု ပြောကြားခဲ့သည်။

Ref: Alarabiya