ကာတာ၏ ရိက္ခာပြတ်လပ်မှု ပြေလည်စေရန် အီရန်က ကုန်တင်လေယာဉ် ၅ စီးစာ စားသောက်ကုန်များ ပို့ထား

ဇွန် ၁၁၊ ၂၀၁၇
M-Media

– အဓိကကုန်သွယ်ဖက် နှစ်နိုင်ငံဖြစ်သော ဆော်ဒီနှင့် ယူအေအီးတို့က ကုန်သွယ်ရေး ဖြတ်တောက်လိုက်ခြင်းကြောင့် စားနပ်ရိက္ခာ ပြတ်တောက်မည့် အခြေအနေနှင့် ကြုံတွေ့နေရသည့် ကာတာနိုင်ငံအတွက် အီရန်က လေယာဉ် ၅ စီးသာ အစားအသောက်များကို တင်ပို့လိုက်သည်ဟု သိရသည်။

“လောလောဆယ် သစ်သီးနဲ့ ဟင်းသီးဟင်းရွက်တွေလို အဓိကစားသောက်ကုန်တွေကို လေယာဉ် ၅ စီးနဲ့ ကာတာကို ကျွန်တော်တို့ ပို့လိုက်တယ်။ တစ်စီးကို တန် ၉၀ ၀န်းကျင်လောက် ပါဝင်ပါတယ်။ နောက်ထပ်တစ်စီးကိုလည်း ဒီနေ့ ကျွန်တော်တို့ ထပ်လွှတ်မှာပါ” ဟု အီရန်လေကြောင်းလိုင်း Iran Air မှ ပြောရေးဆိုခွင့်ရှိသူ ရှာရွတ်ခ် နူရှာဘာဒီက ယနေ့တွင် ပြောကြားခဲ့သည်။

ထိုသို့ တင်ပို့ခြင်းမှာ အကူအညီလား သို့မဟုတ် ကုန်သွယ်ခြင်းလားဆိုသည်ကို ရှင်းရှင်းလင်းလင်း မသိရသေးပေ။ မစ္စတာ နူရှာဘာဒီက ၀ယ်လိုအားရှိနေသမျှ ကာလပတ်လုံး မိမိတို့က တင်ပို့သွားမည်ဟု ပြောကြားခဲ့သည်။

ကာတာ၏ အစားအသောက်တင်သွင်းမှု ၄၀ ရာခိုင်နှုန်းမှာ ဆော်ဒီနယ်စပ်ကိုဖြတ်၍ ၀င်ရောက်ခြင်းဖြစ်ပြီး ဆော်ဒီက ကာတာနိုင်ငံနှင့် ကုန်ကြောင်း၊ ရေကြောင်း၊ လေကြောင်း ဆက်သွယ်မှုအားလုံးကို ပိတ်ပစ်လိုက်သောကြောင့် ကုန်သွယ်ရေးမှာ လုံးဝ ရပ်တန့်သွားခဲ့သည်။

Tasnim သတင်းဌာနက စားသောက်ကုန် တန်ပေါင်း ၃၅၀ တင်ဆောင်ထားသည့် အီရန် ကုန်တင်သင်္ဘော ၃ စီးမှာလည်း ကာတာသို့သွားရောက်ရန် စီစဉ်နေသည်ဟု ဖော်ပြခဲ့သည်။

Ref: BBC