အဖိနှိပ်ခံများအရေး မဆောင်ရွက်မှုကြောင့် မြန်မာနိုင်ငံဆိုင်ရာ ကုလဌာနေကိုယ်စားလှယ်ကို ရာထူးမှ ဖယ်ရှားမည်

ဇွန် ၁၃၊ ၂၀၁၇
M-Media

ဦးသိန်းစိန်အစိုးရလက်ထက်တွင် ဒုတိယသမ္မတ ဒေါက်တာစိုင်းမောက်ခမ်းနှင့်အတူ တွေ့၇သည့် ရီနာတာ လော့က်-ဒက်ဆဲလီယန်

– မြန်မာနိုင်ငံဆိုင်ကာ ကုလသမဂ္ဂအဖွဲ့၏ ဌာနေကိုယ်စားလှယ် ရီနာတာ လော့က်-ဒက်ဆဲလီယန်ကို ရာထူးမှ ဖယ်ရှားတော့မည်ဟု ကုလသမဂ္ဂက အတည်ပြု ပြောကြားလိုက်သည်။

ရန်ကုန်ရှိ အကူအညီပေးရေးနှင့် သံတမန်အသိုင်းအ၀ိုင်းကမူ လော့က်-ဒက်ဆဲလီယန်အား ရာထူးမှ ဖယ်ရှားခြင်းမှာ လူ့အခွင့်အရေးကိစ္စများ အထူးသဖြင့် အဖိနှပ်ခံ ရိုဟင်ဂျာများ၏ ကိစ္စကို ဦးစားပေးဆောင်ရွက်မှု မရှိခြင်းနှင့် ဆက်စပ်နေသည်ဟု ဘီဘီစီသို့ ပြောကြားခဲ့သည်။

ရီနာတာ လော့က်-ဒက်ဆဲလီယန်မှာ မြန်မာနိုင်ငံဆိုင်ရာ ကုလဌာနေကိုယ်စားလှယ်၊ UNDP ဌာနေကိုယ်စားလှယ်နှင့် လူသားချင်းစာနာထောက်ထားမှုဆိုင်ရာ ညှိနှိုင်းဆွေးနွေးရေးမှူး စသည့်ရာထူးများဖြင့် တာဝန်ထမ်းဆောင်နေသူ ဖြစ်သည်။

ဘီဘီစီမှရရှိသည့် ကုလအတွင်းစည်း စာရွက်စာတမ်းများတွင် မြန်မာနိုင်ငံရှိ ကုလကိုယ်စားလှယ်အဖွဲ့မှာ အဖွဲ့အတွင်း တင်းမာမှုများရှိလာပြီး၊ အဖွဲ့မှာလည်း ယိုယွင်းလာသည်ဟု ဖော်ပြထားသည်။

ကုလပြောရေးဆိုခွင့်ရှိသူ တစ်ဦးက ကနေဒါနိုင်ငံသူ လော့က်-ဒက်ဆဲလီယန်မှာ ရာထူးပြောင်းလဲခန့်ထားခံရခြင်းဟု အတည်ပြုခဲ့ပြီး ထိုသို့ဆောင်ရွက်ခြင်းမှာ သူမ၏ စွမ်းဆောင်ရည်ကြောင့်မဟုတ်ဟု ပြောကြားခဲ့သည်။

ပြီးခဲ့သည့်နှစ်တွင် ရိုဟင်ဂျာများမှာ မြန်မာစစ်တပ်လက်အောက်တွင် ညှင်းပမ်းခံရခြင်း၊ အဓမ္မပြုခံရခြင်းတို့ကြောင့် ထောင်သောင်းချီထွက်ပြေးမှုနှင့်ပတ်သက်၍ မြန်မာနိုင်ငံရှိ ကုလအဖွဲ့မှ မည်သည့် တုန့်ပြန်မှုမှ မလုပ်ခဲ့ချေ။

ဒက်ဆဲလီယန်နှင့် သူမ၏ ပြောရေးဆိုခွင့်ရှိသူတို့မှာ သတင်းအချက်အလက်များ တောင်းခံမှုကို ငြင်းဆိုလေ့ရှိပြီး၊ ထူးခြားသည့် အဖြစ်အပျက်တစ်ခုမှာ ပဋိပက္ခဖြစ်ပွားရာ ဒေသသို့ သွားရောက်ပြီးနောက်ပိုင်း ပြုလုပ်သည့် သတင်းစာရှင်းလင်းပွဲတွင် ဂျာနယ်လစ်များအား ဗီဒီယိုရိုက်ကူးရန်၊ အသံသွင်းယူရန် ခွင့်မပြုခဲ့ခြင်း ဖြစ်သည်။

ထို့ပြင် ကုလကပြုလုပ်သည့် အရေးပါသော အစည်းအဝေးများတွင် လူ့အခွင့်အရေး အခြေပြု၍ အကူအညီပေးနေသူများအား ရည်ရွယ်ချက်ရှိရှိဖြင့် ချန်လှပ်ထားမှုများ ရှိသည်ဟုလည်း ဘီဘီစီသို့ ပြောကြားခဲ့သည်။

ထိုသို့ ဆောင်ရွက်မှုများကြောင့် ဒက်ဆဲလီယန်နှင့် သူမ၏အဖွဲ့အပေါ် ဝေဖန်မှုများ မြင့်တက်လာခဲ့ပြီး ၎င်းတို့မှာ ဖွံ့ဖြိုးရေးစီမံကိန်းများ၊ မြန်မာအစိုးရနှင့် ခိုင်မာသော ဆက်ဆံရေးဖြစ်ထွန်းရန်သာ ဦစားပေးလုပ်ဆောင်နေပြီး၊ ရိုဟင်ဂျာကဲ့သို့ အဖိနှိပ်ခံပြည်သူများ၏ အခွင့်အရေးကို အလေးထားလာရေး လုပ်ဆောင်မှုများမရှိဟု ပြစ်တင်ခြင်း ခံခဲ့ရသည်။

ကုလအတွင်းရေးမှူးချုပ်သို့ ပေးပို့ရန် စီစဉ်ထားသည့် အတွင်းစည်း စာရွက်စာတမ်းများအရ မြန်မာနိုင်ငံရှိ ကုလသမဂ္ဂအဖွဲ့မှာ ‘သိသိသာသာ ယိုယွင်းလာပြီး’ ကုလအဖွဲ့၏ ဌာနခွဲများ အကြားတွင်လည်း ‘တင်းမာမှု ကြီးကြီးမားမား’ ရှိနေသည်ဟု ဖော်ပြထားသည်။

လော့က်-ဒက်ဆဲလီယန်မှာ လက်ရှိတွင် ခွင့်ယူထားပြီး၊ သူမကို ရာထူးတိုးပေးရန် စီစဉ်နေကြောင်း အသိပေးထားသည်ဟု ဆိုသည်။ ကုလဌာနေကိုယ်စားလှယ်၏ သက်တမ်းမှာ ပုံမှန်အားဖြင့် ၅ နှစ်ဖြစ်သော်လည်း သူမမှာ ၃ နှစ်ခွဲသာ တာဝန်ထမ်းဆောင်ခဲ့ရသည်။

Ref: BBC